كتاب الأمل 💜
الجزء 125
بينما عند عقاب لي طلع عند أسماء لقاها جالسة قدام الكوافوز ببيجامة سروال او كيطمة او كتقاد فوجهها حتى قفزها
عقاب : شنو كديري
أسماء شافت جيهتو مفزوعة : خلعيتيني ، حشومة عليك
عقاب تمشى جيهتها كيشوف فالماسكارا لي فيدها : غاديا لشي عرس
أسماء ضحكات او رجعات كاتشوف فالمرايا : لا غير جاتني الگانة نقاد راسي
عقاب بدا كيحيد فسباطو او عينو عليها ، نسل حتى حوايجو عاد تمشى جيهة الدريسينغ لبس شورط او خرج عندها تكى على السرير داير يديه مور راسو او كيشوف فيها بنص عين او هي مركزة فشغلها او كتهضر
أسماء : غدا يوسف غادي يخطب ، غادي تمشي معانا
عقاب هز حاجبو : مافراسيش
أسماء ابتاسمات او حطات لي فيديها عاد ناضت جيهتو جالسة على طرف السري : غادي يخطب فرح صاحبتي ، تخليني نمشي معاهم غدا
عقاب هز براسو : اياه تمشي ولايني بغيت حقوقي
أسماء جمعات الابتسامة : ماغاديش نقدر نفيق غدا (كتغبن) غادي يمشيو او يخليوني
عقاب جرها عندو كيضحك : لا مشاو نرجعوهم
أسماء نفخات شفايفها : قول ليا مكاتسخفش، انا راه كنموت
عقاب سالاتهم ليه مابقاش قتد يحبس ضحكتو حتى طلقها فوجهها او كيخرج الهضرة بزز : عندي السوفل ابنتي ، كندير السپور
أسماء هزات براسها او هو جرها عندو من عنقها او كيهضر
عقاب : مع الوقت ماغاديش تبقاي تعياي (باس شفايفها بخفة) غير نقصي من الماكلة مابغيتكش تغلاضي (عض شفتها بشوية) عاجباني هاكدا
_________يوم جديد على القصر🌤️_________
الخدم غاديين جايين وسط القصر كيخرجو داكشي لي شرات راضية ديال الكادوات او التخربيق حتى سالاو عاد خرجات راضية لابسة جلابة مخدومة باليد فالخضر ملكي او مريم لابسة جلابة عصرية فالغوز بيبي مع طالون كحل او لايحة واحد الشال على راسها غير ديكور او معاهم حتى سوسن لابسة فحال الشكل ديال جلابة مريم غير هي كانت فلون البنفسجي فاتح او الشال بيض ملوياه او مقاداه بالتاويل ، خرجو على برى ركبو فطنوبيل مازيراتي فالأسود عاد نزلات رنيم لابسة سروال جينز او قميجة فالابيض ركبات حتى هي معاهم الطنوبيل واسعة دايرا فحال شي صالون من الداخل ، عاد خرج عبد الله او هنية او ابراهيم ، هنية طلعات لمازيراتي او عبد الله او ابراهيم ركبو مع نبيل او انطالقو الطنوبيلات عاد خرجات موراهم الطنوبيل ديال ياسين لي كان بوحدو موراها الطنوبيل ديال يوسف ، عاد خرجات ست الحسن بعباية بيضة او شال فالبيج شادة فدراع عقاب لي كان لابس سروال فالبيج او قميجة فالازرق عاد الفيست ديال السروال فالبيج حتى هي ، ركبو فالطنوبيل او تحرك من تما تابع الطنوبيلات لي خرجو
مسافة مكانتش طويلة حتى وصلو الطنوبيلا للفيلا او وقفو مستفين وحدا مور وحدا فحال ايلا جايين لشي معرض او تفتح الباب من طرف ماريا او ثرية لي كانو لابسين قفيطنات خفااف رحبو بيهم او دخلوهم الصالون لي كان كبير مفرش بالطريقة الفاسية طاغي عليه اللون الأزرق ساماوي او داخل معاه اللون الأبيض ، شدو بلايصهم او انضم ليهم حتى رشيد او عمار ، لي سلمو او جلسو معاهم كيتعرفو على بعض او ثرية غير كضحك وأخيرا جا سعد بنتها واخا سمعات بلي يوسف ماشي شي واحد لي لباس عليه ولكن قبلات بيه حينت هو السباب باش بنتها فكرات الدير الحجاب ، زيد عليها ملين شافتو كان متبت او باين فيه الرزانة او مكيطلعش عينو او قلبها ارتاح ليه او الأهم عندها هو يبغي بنتها او يصونها ، مع الوقت الرزق كيزيد مايهمش شحال عندو دابا
*يتبع
YOU ARE READING
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
