كتاب الأمل 💜
الجزء 72
مع كتوصل الطنوبيل للباب الخارجي للقصر كيجيو الكارد كيضورو بالطنوبيل حتى خرج عقاب او أسماء
عقاب شاف فأسماء لي باقيا فبلاصتها مافاهماش علاش وقفو او الكارد لاش مطوقين الدنيا فحال هاكدا او تكلم
عقاب: خليك هنا
تحرك من قدامها او الكارد جاو واقفين قبلتها عاطيينها بالظهر او حاجبين عليها الرؤيا
بينما عقاب تقدم لباب لي كان فيه عبد الله او السيد لي كان معاه قبل ، او موراه بوليس سيفيل غير من شوفة قلعهم ، تقدم بهدوء حتى وقف قدامهم او تكلم هاز حاجبو
عقاب: اش كاين هنا
البوليسي شاف فيه كيتكلم بهدوء: هاد السيد كيقول بلي انت شاد ليه بنتو او كتكرفس عليها
عقاب شاف فعبد الله او هضر بطنز: كتهضر على البنت لي هي مراتي او البارح عاد سمعت بلي عندها أب
عبد الله خرج فالبوليس عينيه بزعامة : الشاف هاد السيد داي ليا بنتي او انا جيت باش نديها ولكن هو ماباغيش يعطيها ليا
البوليسي كيشوف فعقاب: السي الشريف ، بلاما تعنقل لينا الخدمة او عطي البنت لباها يديها معاه ، حنا مابغيينش مشاكل معاك ، اولا كانت أقوال السيد الصحيحة هادشي غادي يتسبب فخسارة لصمعة ديال إسمكم فالمغرب
عقاب ضار عندو بالعرض البطيئ او على وجهو ديك الملامح الباردة : البنت لي جايين على ودها راها مراتي افلان
البوليسي: خاص نشوفوها او انتأكدو من هضرتك
عقاب شدو من الكول ديالو او جرو عندو بنفضة او هضر مزير على سنانو: غادي تجر عليا هاد ولاد القح***ااب لي جايب معاك او غادي تمشي تق**ود عليا من هنا او لا غادي نسيفط لي يريب عليكم ديك الدائرة لي فيها المكاليخ فحالك (طلقو بالنفضة او البوليس غير كيتفرجو فالشاف ديالهم مايقدروش يهضرو معاه او عقاب كمل كلامو مكشكش) وا تكركب عليا من هنا
البوليسي حدو قاد الكول ديالو او شاف فالبوليس لي كانو جنبو محرك ليهم عينيه باش يتبعوه او عقاب شاف فعبد الله لي كان كيشوف فيه مخنزر او تكلم
عقاب: تمشي على رجليك اولا نقولهم يديوك فكروسة
عبد الله : كلب فحالك مايستاهلش يكون راجل بنتي
عقاب باستهزاء: جيتيني راجل كبير اما نفرج فيك بنادم (شاف فالكارد ) هزو عليا هادو من هنا
الكارد جاو شدوهم من يديهام او جروهم دايينهم من طريق معاكسة عاد حيدو لاخرين من قدام أسماء ، او هي غير حيدو من قدامها تمشات جيهة عقاب لي كان واقف فمكانو او داير يديه فجيابو كيشوف فيها حتى وصلات عندو او هو يهز دراعو دايرها على كتافها او تفتح الباب او تمو داخلين
عقاب بهدوء: بلاما تسولي
أسماء : غادي يضرني راسي
عقاب : سيري تنعسي
أسماء اكتافات بالصمت حتى دخلو الداخل او تمشاو جيهة الصالون ، ملين وصلو حيد يدو على كتافها مرجعها لجيبو او دخل جلس على فوطوي مقابل مع راضية او مريم او أسماء جلسات جنبو كتشوف ففدوى لي جالسة من طرف الآخر كتخنزر فيها
مريم شافت فأسماء كتبتاسم: كي دوزتو الليلة
أسماء تبسمات ليها: زوينة
مريم شافت فعقاب او رجعات كتشوف فيها: شوفي حتى عقاب جا مبشور او جات معاه الخرجة ، باينة استمتعتو بجو الفيرما
فدوى نقزات: حتى انا بغيت نمشي ليها
عقاب حول ليها طرف عينو: ان شاء الله
مريم شافت فيه: مرة اخرى او عاودو شي خرجة هاد المرة ديها الفيلا لي فالجديدة (شافت فأسماء) البحر تما كيحمق
أسماء اكتافات بابتسامة او فدوى تكلمات تحت نيفها او هي كتعوج فمها : هادشي لا طولو فالعشرة ، هاد السيمانة نفركت ليهم العش
*يتبع
YOU ARE READING
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
