အပိုင်း။ ၁၄
"ကိုယ်တော်ကတော့ စစ်မှန်တဲ့နှလုံးသားကို သစ္စာရှိပါတယ်"
မင်းရဲ့စစ်မှန်တဲ့နှလုံးသားက ဘာလဲ?
ဒါပေမဲ့ ရှောင်လုကျစ်ရဲ့ ဆရာတူအစ်ကို ပြန်သတိရလာတာမို့ ဒီမေးခွန်းကို ရှောင်းကျန့် မမေးလိုက်ရဘူး၊ ဟယ်ရှန်နိုးလာတော့လဲ ကျင့်၀တ်သိက္ခာတွေ၊ တရားဓမ္မတွေအကြောင်းပဲ ထပ်ကြားရတာ၊ ဒီနေ့အဖို့ အတော်လုံလောက်သွားပြီမို့ ရှောင်းကျန့် ဆက်သည်းမခံနိုင်တော့ဘဲ။
"အဲဒါက ကျုပ်ကိုယ်တိုင် လှူထားတာလို့ အထပ်ထပ် ရှင်းပြပြီးပြီလေ..မင်းတို့ဟယ်ရှန်တွေ ဘာလို့ဒီလောက်တောင် မာနကြီးတာလဲ"
ရှောင်းကျန့်က ပြောပြီးတာနဲ့ ၀မ်ရိပေါ်ဘက် လှမ်းကြည့်တယ်၊ ၀မ်ရိပေါ်ကလဲ ရှောင်းကျန့်ကို ပြန်ကြည့်လာတယ်၊ နောက်တော့ ဆရာတူအစ်ကိုဆိုသူဘက်လှည့်ပြီး ပြောလိုက်တယ်။
"ဒီလိုမလုပ်ပါနဲ့.. တကယ်လို့ ကိုယ်တော်မရှိတော့ရင် ရှောင်လုကျစ်ဘ၀က လမ်းဘေးရောက်သွားလိမ့်မယ် "
ရှောင်းကျန့်ကလဲ ထောက်ခံဟန်နဲ့ ခေါင်းတဆတ်ဆတ်ညိတ်ပြတယ်။
"အသက်ရှင်နေမှ သူ့ကို ကောင်းကောင်းသင်ပြပေးဖို့ အခွင့်အရေးရှိမှာ"
အဲဒီတော့မှသာ ခေါင်းမာတဲ့ ဆရာတူအစ်ကိုလဲ စိတ်ကိုပြန်ထိန်းသိမ်းလိုက်ပြီး သေမယ်တကဲကဲလုပ်နေတာကို ရပ်လိုက်တယ်၊ ယာဂုလုပ်နေတဲ့ ရှောင်လုကျစ်က အခုထိ ပြန်မလာသေးဘူး၊ ၃ ယောက်သား ကြမ်းပြင်မှာ ထိုင်နေကြတယ်၊ ၀မ်ရိပေါ်က ရှောင်လုကျစ်ရဲ့ အစ်ကိုကို သွေးကြောထပ်စမ်းပေးနေတယ်။
"ဒီက ကယ်တင်ရှင်ဒကာရဲ့ အမည်ကိုတောင် ကိုယ်တော်မမေးရသေးဘူး"
ဆရာတူအစ်ကိုက ရှောင်းကျန့်ကို မေးလာတယ်။
"ကျုပ်က အားကျန့်ပါ.. ဒီကဟယ်ရှန်ရဲ့ အမည်ကကော?"
"ဓမ္မအမည်ရှိပေမဲ့ ဒကာလေးကတော့ ကိုယ်တော့်ကို အားကျို့လို့ပဲ ခေါ်လို့ရပါတယ်"
အားကျို့ဆိုတဲ့ဟယ်ရှန်က ဒီလိုပြောလာတော့ ရှောင်းကျန့်တောင် ဇဝေဇဝါဖြစ်သွားတယ်၊ ရှောင်းကျန့်က တော်၀င်မျိုးနွယ်မို့ 'ရှောင်း' ဆိုတဲ့ မျိုးရိုးအမည်ကို လက်လွတ်စပယ် ပြောလို့မရတာ၊ ဒီဟယ်ရှန်က ဘာကြောင့် လျှို့လျှို့ဝှက်ဝှက်ဖြစ်နေရတာလဲ?
YOU ARE READING
He Dufo [何渡佛] •COMPLETED•
Fanfiction"အမှန်စင်စစ် အတွင်းအထိ ဗလာနတ္ထိ ဖြစ်ရိုးမှန်ရင် ဘယ်လိုကြောင့် ငါ့ကို မကြည့်ဝံ့သလဲ" ⚠️ BJYX, Yizhan, Adventure, Romance, Angst, Historical, Monk and Princess. I do not own this story. Fan translation. All rights reserved to the original author : 橘子...
![He Dufo [何渡佛] •COMPLETED•](https://img.wattpad.com/cover/336832665-64-k732305.jpg)