¡Ay! Esta imagen no sigue nuestras pautas de contenido. Para continuar la publicación, intente quitarla o subir otra.
အပိုင်း။ ၇၆
ရာသီဥတုက ဆိုးသထက် ဆိုးလာတယ်၊ နေ့စဉ်ရက်ဆက် ပြင်းထန်စွာ နှင်းကျနေတဲ့ဒဏ်ကို ရှောင်းကျန့်က ခံနိုင်ရည် မရှိဘူး၊ ဒါကြောင့် အပြင်မထွက်ဘဲ အခန်းထဲမှာပဲ ခွေနေမိတယ်၊ ကျူရှန်းကတော့ သိပ်မကြာခင်မှာပဲ သက်သာလာပြီး အရင်ပုံစံအတိုင်း တက်တက်ကြွကြွ ပြန်ဖြစ်လာတယ်။
ကလေးက ဥာဏ်သိပ်မကောင်းပေမဲ့ ရှောင်းကျန့်က သူ့ကို ကြည့်ရှုပေးနေတဲ့လူမှန်းတော့ သိပုံရတယ်၊ မကြာမကြာ ရှောင်းကျန့်ဆီ လာလည်တတ်တယ်၊ ရှောင်းကျန့် အိပ်နေတာနဲ့ ကြုံရင်လဲ မနှောင့်ယှက်ဘဲ အိပ်ရာစွန်းလေးမှာ ထိုင်ပြီး တစ်ယောက်တည်း ဆော့နေတတ်တယ်။
ဒီနေ့တော့ ယွီ၀မ်ကျယ်ကိုယ်တိုင် ရောက်လာပြီး ရှောင်းကျန့်ကို အိပ်ရာထဲက အတင်းဆွဲထူတယ်၊ ရှောင်းကျန့်က အိပ်မောကျနေတာ၊ အခုက နေ့လားညလား သူမသဲကွဲဘူး၊ အိပ်ချင်မူးတူး မျက်လုံးတွေကို ဖွင့်လိုက်တော့ ယွီ၀မ်ကျယ်မျက်နှာကြီးကို မြင်လိုက်တာမို့ လန့်သွားတယ်၊ အဲဒီနောက်တော့ မျက်တောင် ပုတ်ခတ်ပုတ်ခတ်နဲ့ ယွီ၀မ်ကျယ်ကို ကြည့်နေတယ်။
"နိုးပြီလား?"
ရှောင်းကျန့်က ပွရှုပ်နေတဲ့ ခေါင်းကို လက်နဲ့သပ်လိုက်ပြီး။
"ဘာလုပ်တာလဲ.."
အိပ်ရာနိုးခါစမို့ ရှောင်းကျန့်အသံတွေက ခြောက်ကပ်အက်ကွဲစွာ ထွက်လာတယ်။
"ဒီနေ့ နှစ်သစ်ကူးအကြိုနေ့.. ဒါကြောင့် နန်းတော်မှာ စားသောက်ပွဲကို သွားတက်ရမယ်"
ယွီ၀မ်ကျယ်က လာရင်းကိစ္စကို ပြောပြတယ်။
ရှောင်းကျန့်က ချက်ချင်း စောင်ခြုံထဲ ပြန်၀င်သွားပြီး။
ESTÁS LEYENDO
He Dufo [何渡佛] •COMPLETED•
Fanfic"အမှန်စင်စစ် အတွင်းအထိ ဗလာနတ္ထိ ဖြစ်ရိုးမှန်ရင် ဘယ်လိုကြောင့် ငါ့ကို မကြည့်ဝံ့သလဲ" ⚠️ BJYX, Yizhan, Adventure, Romance, Angst, Historical, Monk and Princess. I do not own this story. Fan translation. All rights reserved to the original author : 橘子...
![He Dufo [何渡佛] •COMPLETED•](https://img.wattpad.com/cover/336832665-64-k732305.jpg)