အပိုင်း။ ၁၅
ရန်ကျိုးမြို့ထဲသွားတဲ့လမ်းမှာ ၀မ်ရိပေါ်ပြောတဲ့စကားကို ရှောင်းကျန့် ပြန်တွေးနေမိတယ်။
ကိုယ့်ကိုယ်ကို အဆုံးစီရင်သွားတဲ့ ကျောင်းတိုက်ဟယ်ရှန် ရွမ်ရိက ၀မ်ရိပေါ်ရဲ့ဆရာတူအစ်ကို ဖြစ်နေတာကြောင့် ၀မ်ရိပေါ်ဆီမှာ မူမမှန်တဲ့ တုံ့ပြန်မှုတွေ မြင်ရတာဆိုတာက တရားနည်းလမ်းကျတယ်၊ ဒါပေမဲ့ ၀မ်ရိပေါ်က အဲဒီတစ်ခွန်းကလွဲပြီး ဘာကိုမှထပ်မပြောတော့ဘူး။
သူတို့တွေက ဘယ်ကလာကြတာလဲ? ဘာကြောင့် ကွဲကွာသွားခဲ့တာလဲ? ဘာဆိုဘာမှကို မသိရဘူးဖြစ်နေတာ။
ဒါပေမဲ့ ရှောင်းကျန့် မလောပါဘူး၊ ဘာပဲဖြစ်ဖြစ် အမှန်တရားကို သူ ရအောင်စုံစမ်းမှာလေ။
ရှောင်းကျန့်နဲ့ ၀မ်ရိပေါ်က ရှောင်လုကျစ်ကိုခေါ်ပြီး မြို့ကိုသွားတယ်၊ မြို့အ၀င်တံခါးနား ရောက်လာတော့ ရှောင်းကျန့်က ရှောင်လုကျစ်ကို ဆေး၀ယ်ဖို့အတွက် ငွေစတချို့ ထုတ်ပေးလိုက်တယ်၊ ရှောင်လုကျစ်က မအီမလည်မျက်နှာနဲ့ ငွေတုံးကိုယူလိုက်ပြီး ကျောက်စိမ်းပြားကို ရှောင်းကျန့်လက်ထဲ ပြန်ထည့်ပေးတယ်။
ရှောင်းကျန့်က ကျောက်စိမ်းပြားကို လေထဲမြှောက်ပစ်ကာ ဆော့ကစားလိုက်ပြီး။
"ကောင်စုတ်လေး မင်းက စကားတော့တည်သားပဲ"
ရှောင်လုကျစ်က မျက်နှာမဲ့ပြလာပြီး။
"ဆရာတူအစ်ကိုကြောင့်မို့လေ..မဟုတ်ရင် မင်းကိုပြန်ပေးမနေဘူး"
ရှောင်းကျန့်က ကိုရင်လေးရဲ့ခေါင်းကို ပုတ်လိုက်ပြီး။
"မလိမ်မာတဲ့ကလေးကို ဘယ်သူမှမကြိုက်ဘူး"
"ဟွန့်.. မင်းကိုလဲ ဘယ်သူမှ မကြိုက်ပါဘူး"
ရှောင်လုကျစ်က ရှောင်းကျန့်ကို တစ်ခွန်းမကျန် ပြန်ပက်ပြီးတာနဲ့ ကျောမှလွယ်ထားတဲ့ ပဝါဦးထုပ်ကိုချွတ်ကာ ၀မ်ရိပေါ်ဘက် ကမ်းပေးလိုက်တယ်။
"သာ့ရှီး ဒါကိုဆောင်းသွားပါ.. သာ့ရှီးက ဟယ်ရှန်ဆိုတာကို မြို့ထဲကလူတွေ မမြင်စေနဲ့"
YOU ARE READING
He Dufo [何渡佛] •COMPLETED•
Fanfiction"အမှန်စင်စစ် အတွင်းအထိ ဗလာနတ္ထိ ဖြစ်ရိုးမှန်ရင် ဘယ်လိုကြောင့် ငါ့ကို မကြည့်ဝံ့သလဲ" ⚠️ BJYX, Yizhan, Adventure, Romance, Angst, Historical, Monk and Princess. I do not own this story. Fan translation. All rights reserved to the original author : 橘子...