Please scroll down for Zawgyi
အပိုင်း ၇၁။ ရိုက်အချခံရခြင်း
"ဟမ့်၊ ဟေ့လူ၊ အခု မင်းဘာတွေကြံစည်နေတာလဲ?"
ကောင်လေးရဲ့ မျက်နှာပေါ်က ကျေနပ်ပီတိဖြာနေတဲ့ အမူအယာကို မြင်ရတော့ ကောင်းကင်ဖြိုဖျက်သားရဲက ကောင်လေးအလိုရှိသလို မလုပ်ဆောင်ချင်တော့ဘဲ လေးလံစွာ နှာမှုတ်လိုက်တယ်။
ဒီသားရဲက လွန်ခဲ့တဲ့ ရက်အနည်းငယ်တုန်းက သူခံစားခဲ့ရတဲ့ နာကျင့်မှုတွေကို သူ မမေ့သေးဘူး။ အဲ့တာကြောင့် အခုလောလောဆယ် သူ ဘယ်လောက်ပဲ ကောင်လေးလက်ထဲက သစ်သီးကို လိုချင်ချင် သူ သတိကြီးကြီးထားနေရတယ်။
"မင်း ငါ့ကို လိုလိုလားလား အညံ့ခံမယ်ဆိုရင် မင်းကို ဒီသစ်သီး ငါပေးမယ်။" ဖုန့်ရှိက သူ့ရည်ရွယ်ချက်ကို တိုက်ရိုက် ပြောလိုက်တယ်။
"အိမ်မက်ပဲမက်နေလိုက်! မင်းလို သေးနုပ်တဲ့လူသားတစ်ယောက်ကို ငါ ဘယ်တော့မှ အညံ့ခံမှာမဟုတ်ဘူး! ငါ့ကို သစ်သီးလေးတစ်လုံးလောက်နဲ့ ဝယ်လိုရလောက်အောင် တုံးတယ်လို့ မင်းထင်နေတာလား?" ကောင်းကင်ဖြိုဖျက်သားရဲက သူ့နှာခေါင်းကနေ ဒေါသတကြီး လေရှုထုတ်လိုက်ပြီး ကောင်လေးကို အထင်သေးစွာ ကြည့်လိုက်တယ်။ ဒါပေမဲ့ အဲ့ဒီ့သားရဲက သူ့မျက်လုံးတွေ အဆက်မပြတ် လှုပ်ရှားနေရင်း သူ့ရဲ့ တကယ့်အတွေးစစ်ကို ဖုံးကွယ်ထားပုံရတယ်။
သားရဲက သူ့အဆိုပြုချက်ကို တုန့်ဆိုင်းမှုမရှိဘဲ ငြင်းဆိုလိုက်တာကို ကြားတော့ ဖုန့်ရှီက ကြမ်းတမ်းတဲ့ စကားလုံးတွေ ပြန်ပြောချင်ပေမဲ့ စာအုပ်နတ်ဘုရားက သူ့ကို တားလိုက်တယ်။
"ခဏ၊ သခင်။ အသံနေအသံထားကို နားထောင်ကြည့်ရတာ ဆွေးနွေးလို့ရမယ့်ပုံပဲလို့ ကျွန်တော်ထင်တယ်။ သစ်သီးတစ်လုံးက မလုံလောက်ဘူးလို့ သူထင်တာဖြစ်မယ်။ သားရဲက သစ်သီးပိုလိုချင်နေတာ။" စာအုပ်နတ်ဘုရားက ဖုန့်ရှီကို သူ့တွေ့ရှိချက်ကို တိုးတိုးလေး သွားစေ့ပြီး ပြောလိုက်တယ်။
DU LÄSER
အာဏာရှင်ငရဲမင်းကြီးနှင့် သူ၏အချစ်ကလေး (၁)
Fantasyစာသင်သားဖုန့်ရှီ -အပျော်တမ်းသူခိုး၊ ရည်မှန်းချက် -တစ်ကမ္ဘာလုံးရှိ ပစ္စည်းတွေခိုးဖို့၊ သေပြီးတာတောင် အငြိမ်မနေနိုင်တဲ့ဖုန့်ရှီ။ အကျိုးဆက်ကတော့ သူ ခိုးခဲ့တဲ့ပစ္စည်းတစ်ခုက နတ်ဘုရားတွေနဲ့ မိစ္ဆာတွေကြား စစ်ပွဲကြီးတစ်ခု အစပြုသွားစေခဲ့သည်။ ဤအမှန်တရား သိပြီ...
