အာဏာရှင်ငရဲမင်းကြီးနှင့် သူ၏အချစ်ကလေး (၁)

113. Liuli Beast

အပိုင်း ၁၁၃။ လျိုးလီသားရဲ

အနက်ရောင်ဝတ်လူက ထိတ်လန့်တကြားဖြစ်သွားပြီး ချက်ချင်းပဲ သူတော့ သေမင်းတမာန် မာန်နတ်နဲ့တိုးပြီဆိုတာ သူ သိလိုက်သည်။

အနီရောင်နဲ့ကောင်လေးက နတ်ဘုရားဥဿျှောင်နယ်ပယ် ပထမအဆင့်ပဲ ရှိနေသေးပေမဲ့ သူသုံးလိုက်တဲ့ မီးဓါတ်စွမ်းရည်က အနက်ဝတ်လူရဲ့စွမ်းအားကို ထိန်းချုပ်ထားလိုက်ဟန် ပေါ်သည်။ အဲ့တာကြောင့် တဖက်လူက ပထမကျော့မှာတင်ကို အနိုင်တိုက်ခံလိုက်ရခြင်းပင်။

အနက်ဝတ်လူက ဒီလို ထူးချွန်ပြောင်မြောက်တဲ့လူငယ်တစ်ယောက်က ကျဆင်းနေတဲ့ ဆူးလားမိသားစုထဲ ရုတ်တရက် ပေါ်ထွက်လာတာကို ထူးဆန်းသလို ခံစားလိုက်ရသည်။ ဆူးလားမိသားစုသွေးဆက်က အခြားကျင့်ကြံသူတွေလိုမျိုး နတ်ဘုရားဥဿျှောင်နယ်ပယ်အဆင့် မရောက်နိုင်ချေ၊ ပြီးတော့ သူတို့မှာ သိမ်မွေ့နက်နဲပညာရပ်အဆင့်မြင့်အဆင့်စာအုပ်တစ်အုပ်လည်း လုံးဝရှိမှာမဟုတ်။ အခုတော့ နတ်ဘုရားဥဿျှောင်နယ်ပယ်အဆင့် ပညာရှင်နှစ်ယောက် မိသားစုထဲ ရှိနေတာမို့ အနက်ဝတ်လူ ထူးဆန်းသလို မခံစားရဘဲ မနေနိုင်တော့ချေ။

အနက်ဝတ်လူက တိုက်ပွဲအရှုပ်အထွေးထဲ ပါနေတဲ့လူတွေကို တစ်ချက်ကြည့်လိုက်ပြီး ရေခဲတောင်ကြားကလူတွေနဲ့ တိုက်နေတဲ့ အမဲလိုက်အဖွဲ့ဝင်တွေကို မြင်တော့ ရုတ်တရက် မျက်စိပြူးကျယ်သွားတော့သည်။ 'နူးညံ့တဲ့အစိမ်းရောင်ချပ်ဝတ်တန်ဆာနဲ့ နဖူးပေါ်က အစိမ်းရောင်ပိုးသားခေါင်းပတ်၊ ဒါ အစိမ်းရောင်ငရဲသားအမဲလိုက်အဖွဲ့ရဲ့ အထူးဝတ်စုံမဟုတ်ဘူးလား?'

အနက်ဝတ်လူက ဆူးလားမိသားစုရဲ့မူလအခြေစိုက်က ငရဲပြည်မှာဆိုတာ မှတ်မိသွား၏။ ကြည့်ရတာ ဆူးလားမိသားစုက ဖော်လိုက်တာကြောင့် သူ့တည်ရှိရာနေရာကို ငရဲသားတွေ သိသွားကြပြီထင်တယ်။

အဲ့နောက် သူ့အကြည့်ကို အနီရောင်နဲ့ကောင်လေးအပေါ် ပို့လိုက်ရင်း တဖက်လူက ဘုရင်ကြီးလွှတ်လိုက်တဲ့ သူ့ဖမ်းမယ့်သူ ဖြစ်ရမယ်လို့ ယူဆလိုက်သည်။

အနက်ဝတ်လူက ချက်ချင်း လန့်သွားရကာ၊ 'အဲ့တာက တကယ်ပဲ ကောင်လေးရဲ့ တာဝန်ဆိုရင် သူ ငါ့ကို တိုက်ဖို့ လျို့ဝှက်လက်နက်အချို့ ယူလာမှာပဲ။ ဒီမှာနေတာက မြောက်ဘက်ပိုင်းဒေသကို တိုက်မယ့်အစီအစဉ်ပဲ ကျရှုံးသွားတာမဟုတ်ဘဲ ငါ့အသက်တောင် အန္တရာယ်ရှိနေပြီပဲ' လူကြီးက တွေးလိုက်ပြီးနောက် ရုတ်တရက် ထအော်လိုက်သည်။ အဲ့နောက် သူ့ကိုယ်ကနေ အနက်ရောင်အငွေ့တို့ ထုတ်လွှတ်လိုက်ကာ အနက်ရောင်အလင်းတန်းအဖြစ်ပြောင်းလိုက်ပြီး ပျံသန်းထွက်ပြေးဖို့ ကြိုးစားလိုက်သည်။