အာဏာရှင်ငရဲမင်းကြီးနှင့် သူ၏အချစ်ကလေး (၁)

131. Who's Right and Who's Wrong

အပိုင်း ၁၃၁။ ဘယ်သူကမှန်ပြီး ဘယ်သူက မှားသလဲ

ဆိုင်တာဝန်ခံဝန်ထမ်း အခန်းတံခါးဝပေါ်လာတဲ့အချိန်မှာတော့ ချွေးတွေက သူ့မျက်နှာကနေ မိုးရေအလား စီးကျနေ၏။

တံခါးဖွင့်လိုက်သူက သူ့မိသားစုသခင်ငယ်လေးဆိုတာ မြင်လိုက်ရတော့ သူက အမြန်ထပ်ပြောလိုက်သည်။ ဒါပေမဲ့ ဒီတစ်ကြိမ်မှာတော့ သူ့မျက်နှာက ဒေါသတို့နဲ့ ပြည့်နေပြီဖြစ်သည်၊ "သခင်ငယ်လေး၊ အခြေအနေတွေ မကောင်းတော့ဘူး။ သီနိုမိသားစုကလူတွေ ဒီရောက်နေကြပြီ၊ တစ်ယောက်ယောက်ကို လာရှာတာလို့ပြောတယ်။ အခု သူတို့က အောက်ထပ်မှာ။ တပ်မှူးယန်ကြောင့်သာမဟုတ်ရင် သူတို့ ဝင်လာပြီးနေလောက်ပြီ။"

"သူတို့က တကယ်ကြီး ဘောင်ကျော်လိုက်တာပဲ။ ဒါက ကောင်းကင်စိတ်ကူးမိသားစုရဲ့နယ်မြေ။ သီနိုမိသားစုက အင်အားကြီးတယ်ဆိုရင်တောင်မှ ဒီလိုကြီး ဝင်ချင်သလိုဝင်စွက်လို့မရဘူး။ သူတို့က ကောင်းကင်စိတ်ကူးမိသားစုကို တန်းတူလို့ မသတ်မှတ်မှန်း ရှင်းနေတာပဲ။" ဆိုင်တာဝန်ခံဝန်ထမ်းက ဒေါသထွက်ရလွန်းလို့ မုတ်ဆိတ်မွှေးတောင် တွန့်ကွေးတက်နေတော့သည်။

ကျုံးဝူချင်းက ခေါင်းညိတ်လိုက်ကာ၊ "တကယ်ပဲ သူတို့က ဘောင်ကျော်လာတာပဲ။ ဘယ်သူ့ကိုလာရှာတယ်လို့ ပြောသေးလား?"

မေးလိုက်သူက ကျုံးဝူချင်းဆိုတာကို ဆိုင်တာဝန်ခံ မြင်လိုက်တော့ တုန့်ဆိုင်းမနေဘဲ ပြန်ဖြေလိုက်သည်၊ "သူတို့သခင်ငယ်လေးကို အနာတရဖြစ်အောင်လုပ်ခဲ့တဲ့သူက ဒီတည်းခိုခန်းထဲ ဝင်သွားတာကို သူတို့မျက်စိနဲ့ တပ်အပ်မြင်လိုက်တယ်လို့ပြောတယ်။ သုံးယောက်တဲ့၊ လူလတ်ပိုင်းနှစ်ယောက်နဲ့ ခလေးတစ်ယောက်တဲ့၊ အဲ့တာကြောင့် သူဆို့က ဝင်ရှာချင်နေကြတာ။"

ဟွမ်ရဲ အေးစက်စက်ရယ်လိုက်ကာ၊ "ကောင်းကင်စိတ်ကူးမိသားစုရဲ့ အပိုင်မြေယာက သူတို့ရှာချင်တိုင်း ရှာလို့ရတဲ့နေရာလား? သူတို့က ဘယ်သူတွေလဲဆိုတာ မင်းမြင်လိုက်ရလား?"

"မြင်လိုက်ပါတယ်" ဆိုင်တာဝန်ခံက ချက်ချင်း ခေါင်းညိတ်လိုက်ပြီး၊ "အဲ့တာက သီနိုမိသားစုရဲ့ နတ်ဘုရားခေါင်ချုပ်နယ်ပယ်ဆင့် မိုလန်းနဲ့ အစွမ်းထက် ပညာရှင်နှစ်ယောက်ရယ်၊ ကိုယ်ရံတော်တွေရယ်ပါ။"