အာဏာရှင်ငရဲမင်းကြီးနှင့် သူ၏အချစ်ကလေး (၁)

149. Here Come the Enemies

အပိုင်း ၁၄၉။ ရန်သူတွေ ရောက်လာပြီ

တောင်ကြားလမ်းထဲ လူတွေ ပိုပိုစုလာကြပေမဲ့ သူတို့ နည်းနည်းလေးတောင်မှ လှုပ်မရကြ၊ အကြောင်းကတော့ ရွှေရောင်ရုပ်သေးဆယ်ရုပ်ရဲ့ ဘက်ခံခုခံမှုကြောင့်ဖြစ်သည်။

အဲ့ဒီ့ဘုရင်ကြီးစေလွှတ်ထားခဲ့တဲ့ ရွှေရောင်ရုပ်သေးရုပ်တွေက အားလုံး နတ်ဘုရားခေါင်ချုပ်နယ်ပယ်ဆင့်တွေချည်း ဖြစ်ကြကာ အမှန်အကန်ကို အားကြီးတဲ့အဖွဲ့ဖြစ်လို့နေ၏။ တကယ်တော့ နတ်ဘုရားခေါင်ချုပ်နယ်ပယ်ဆင့် ပညာရှင် သုံးလေးယောက်လောက်ရှိတဲ့မိသားစုတစ်စုကိုတောင် ဒုတိယတန်းစား အင်အားစုတစ်ခုအနေနဲ့ သတ်မှတ်နိုင်နေသည်ပင်။

လူတိုင်း အဲ့အချက်ကို ရှင်းရှင်းလင်းလင်းသိကြသည်။ အဲ့အတွက်ကြောင့် သူတို့က ရွှေရောင်ရုပ်သေးဆယ်ရုပ်ကိုမြင်တော့ အများစုမှာ မျက်နှာကြီးတွေ တောင့်တင်းကုန်သွားကြ၏။

အဲ့ကလူတွေက ကောငးကင်စိတ်ကူးမိသားစုသခင်လေးဟွမ်ရဲ၊ လောင်နန်ရှု၊ ကြီးမြတ်ရက်စက်တဲ့ကောင်းကင်နတ်ဘုရားရဲ့ မြေးဖြစ်တဲ့ ဂူနီလာကုန်သည်ကြီးများအသင်းရဲ့သခင်လေး ကျုံးဝူချင်းတို့တွေ သတ္တုကြောကို တူးဖော်ဖို့အတွက် လှိုင်ဂူထဲဝင်သွားခဲ့တယ်ဆိုတာကို သိရှိပြီးဖြစ်သည်။ အဲ့လူသုံးယောက်မှာ အားလုံးအရမ်းအားကြီးတဲ့နောက်ခံကောင်းတွေရှိကြ၏။ အဲ့အတွက် အဲ့မှာရှိတဲ့လူတွေအားလုံးက ရွှေရောင်ရုပ်သေးတွေဟာ သူတို့က တိုက်ရိုက်စေလွှတ်ထားတာမဟုတ်ပေမဲ့လည်း သူတို့နဲ့တစ်ခုခုတော့ ပတ်သက်နေလိမ်မယ်ဆိုတာ အလွန်သေချာလှသည်။

အဲ့လူတွေက သတင်းစကားအပေါ် အအိပ်ပျက်အစားပျက် ဖြစ်ကုန်ကြခြင်းဟာ မြစိမ်းရောင်နဂါးတောင်တန်းတွေထဲက အဆင့်မြင့်သတ္တုကြောကြောင့်ချည်းပဲမဟုတ်၊ သလင်းကြွက်တွေကြောင့်လည်းပါသည်။ အဲ့စွမ်းအားကြီးမိသားစုကလူတွေအားလုံးက ဒီကိုအချိန်မီအရောက်လာနိုင်ဖို့ရန်အတွက် နေရာကူးပြောင်းစက်ကို အလောသုံးဆယ်အသုံးပြုခဲ့ကြပြီး သူတို့ရဲ့ ချောင်နက်နက်ပတ်လမ်းတွေက အကြောင်းအရာအများကြီးကို ပြဆိုနေသည်။ သူတို့ရဲ့လှုပ်ရှားမှုအတွက် အနည်းဆုံးတော့ တစ်စိတ်တစ်ဒေသတော့ ရနိုင်ကောင်းရဲ့လို့ သူတို့ တွေးခဲ့ကြပေမဲ့ တကယ့်လက်တွေ့မှာတော့ သူတို့အတွက် ရက်စက်လွန်းလှသည်။