အာဏာရှင်ငရဲမင်းကြီးနှင့် သူ၏အချစ်ကလေး (၁)

156. The Evolution of a Robber

အပိုင်း ၁၅၆။ ဓါးပြတစ်ယောက်ရဲ့ ဆင့်ကဲဖြစ်စဉ်

သူ့လက်မောင်းထဲက ကောင်လေးရဲ့ 'ဒေါသတကြီး' ကြေငြာချက်က ငရဲမင်းကြီးကို ပျော်ရွှင်သွားစေသည်။ ဒါပေမဲ့ သူ့အမူအယာကတော့ စိတ်မဝင်စားသလို၊ အလေးမထားသလို ဖြစ်နေမြဲပင်။ ချောမွတ်လုံးဝိုင်းတဲ့ မျက်နှာလေးကို သူ လှမ်းထိလိုက်ကာ၊ "ကောင်းပြီ။ အဲ့တာဆို ကိုယ်တော်တို့ သူတို့ကို အလွှတ်မပေးဘူး။"

ဖုန့်ရှီက ချက်ချင်း ပျော်ရွှင်စွာဖြင့် ခေါင်းညိတ်လိုက်သည်။ ခေါင်းဆောင်က သဘောတူလိုက်ပြီဆိုကတည်းက ဘယ်အရာကမှ သူတို့ကို တားဆီးလို့ ရတော့မည်မဟုတ်!

"လူကြီးမင်း၊ မင်းကိုယ်မင်း အရမ်းကို အထက်ကနေ ပြောနေတာပါလား။ ငါတို့ကို အလွှတ်မပေးဘူးဆိုတာ ဘာကိုပြောချင်တာလဲဆိုတာ ကြည့်ချင်စမ်းပါဘိ!"

ချင်းမင်ဖိတ်ခေါ်ထားတဲ့လူက ဘုရင်ကြီးတို့က အားလုံးကို လုံးလုံးလျားလျား လျစ်လျူရှုထားတာကို မြင်ရတော့ ူ့အမူအယာတို့က လျင်လျင်မြန်မြန်ကို အတော်ကြီး မနှစ်မြို့ဟန်ဖြစ်လာတော့သည်။ သူက ဘုရင်ကြီးကို စိုက်ကြည့်နေသည်မှာ သူတို့နှစ်ယောက်လုံးကို အမဲဖျက်ချင်နေပြီး အဆင့်မြင့်သိမ်မွေ့နက်နဲလက်နက်တွေ နှစ်ခုလုံးကို သူရယူပိုင်ဆိုင်ချင်သည်ကို မစောင့်နိုင်တော့သည့်အလားပင်။

အဲ့လူရဲ့အမည်ကတော့ တောင်အကြီးအကဲ ယင်ဖြစ်ပြီး အားလုံးထဲမှာ အသန်မာဆုံးကျင့်ကြံသူဖြစ်သည်။ သူက အဆင့်နိမ့် ကောင်းကင်နတ်ဘုရားနယ်ပယ်ဆင့် အဆင့်ငါး ရောက်ရှိနေပြီဖြစ်ကာ ချင်းမင်ထက် သုံးဆင့် ပိုမြင့်ကာ သူ့ခွန်အားကြောင့် သူ့ပတ်လည်တွင် မြင့်မားသည့်လေထုအငွေ့အသက်တို့ ဝိုင်းပတ်လို့နေသည်။ ဖုန့်ရှီနဲ့ ငရဲမင်းကြီးကို ရင်ဆိုင်ဖို့ဆိုတာ သူ့အတွက် ထမင်းစား၊ ရေသောက်လောက်လို လွယ်လွန်းလှသည်ဟု ခံစားရ၏။ အဲ့အတွက် သူက လျစ်လျူရှုခြင်းခံလိုက်ရသည့်အခါမှာတော့ မနှစ်မြို့သွားရတာဖြစ်သည်။

ချင်းမင်ပြောတာကိုကြားတော့ ဖုန့်ရှီက မျက်လုံးလှန်လိုက်ကာ မေးလိုက်သည်၊ "ဘယ်လိုနည်းလမ်းမျိုးနဲ့ အနိုင်ခံလိုက်ယူရတာကို မင်းအကြိုက်ဆုံးလဲ?"