အပိုင်း ၁၃၈။ ရေခဲကုန်းမြေ
မြစိမ်းရောင်နဂါးတောင်တန်းတွေရဲ့ ရာသီဥတုက မကြာခဏ ဆောင်းတွင်းလို အေးလွန်းလှသည်။
တစ်နှစ်ပတ်လုံး မြူတွေက တောင်တစ်ခုလုံး အုံ့ဆိုင်နေတတ်၏။ တောထဲ ဟိုဟိုဒီဒီ လျောက်သွားမယ်ဆိုလျင် လမ်းပျောက်သွားဖို့က လွယ်လွန်းသည်။ ဒါပေမဲ့ ဒီကို လူသားတွေ လာရောက်နှောက်ယှက်နိုင်ခြေ နည်းပါးတာမို့ ဒီပတ်ဝန်းကျင်အနေအထားက မိစ္ဆာသားရဲတို့အတွက် အလွန်သင့်တော်ပေသည်။ အကျိုးဆက်အနေဖြင့် မိစ္ဆာသားရဲအကောင်ရေ တဖြည်းဖြည်း များပြားလာပေမဲ့ အများစုကတော့ သိပ်အသန်မာကြီးတွေ မဟုတ်ကြပါ။
ငရဲမင်းကြီးပြောခဲ့သလိုပင် သတ္တုရိုင်းကြောက မြစိမ်းရောင်နဂါးတောင်တန်းတွေမှာ မြေအောက် အနက် မီတာလေးထောင်မှာ ဖုံးကွယ်တည်ရှိနေတာဖြစ်သည်။ အကယ်၍ အားလုံးလူစုံရောက်တဲ့အထိသာ သူတို့စောင့်နေကြမယ်ဆိုလျင် တစ်လလောက် အချိန်ကြာမြင့်သွားမှာဖြစ်သည်။ အဲ့အချိန်လောက်ဆို လူတော်တော်များများက ဒီသတင်းကို သိရှိသွားပြီးဖြစ်လောက်မှာဖြစ်၏။ အဲ့အတွက်ကြောင့်လည်း ငရဲမင်းကြီးနဲ့ဖုန့်ရှီတို့က အခြားသူတွေကို သတ္တုကြော ရှာဖွေရာမှာ ထားခဲ့တာဖြစ်သည်။ ဒါပေမဲ့လည်း သူတို့နှစ်ယောက်က အဲ့တာကြောင့်ရယ်တော့ အုပ်စုကနေ ခွဲထွက်လာခဲ့သည်မဟုတ်ပေ။
"ခေါင်းဆောင်၊ ကျွန်တော်တို့ ဘယ်သွားနေကြတာလဲ?" ဖုန့်ရှီက သူ့ခေါင်းကို မော့လိုက်ပြီး ဇဝေဇဝါအကြည့်ဖြင့် မေးလိုက်သည်။
ငရဲမင်းကြီးက တောအုပ်အတွင်း သွားရာလမ်းတလျောက်လုံးမှာ သူ့ကို ချီထား၏။ သူတို့ရဲ့သွင်ပြင်က တစ္ဆေအလားပင်။ အတော်ဝေးဝေးနေရာ ရောက်တော့မှသာ သူတို့ မြေပြင်ပေါ် ခြေပြန်ချကာ ပြန်ပေါ်လာကြသည်။ အကယ်၍ တစ်စုံတစ်ယောက်က သူတို့ကို မြင်သွားခဲ့မယ်ဆိုရင် သူတို့အနေနဲ့ သရဲတစ္ဆေကို မြင်လိုက်ရတယ်လို့သာ ထင်သွားကြမည်ပင်။
သူ့လက်မောင်းထဲကကောင်လေးရဲ့ အမေးကို ကြားရတဲ့အချိန်မှာ ငရဲမင်းကြီးရဲ့အမူအယာက ပြောင်းမသွားခဲ့ပေ။ သူက တည်ငြိမ်စွာပင် ပြန်ဖြေလိုက်၏၊ "နောက်တစ်နေရာဆီ"
YOU ARE READING
အာဏာရှင်ငရဲမင်းကြီးနှင့် သူ၏အချစ်ကလေး (၁)
Fantasyစာသင်သားဖုန့်ရှီ -အပျော်တမ်းသူခိုး၊ ရည်မှန်းချက် -တစ်ကမ္ဘာလုံးရှိ ပစ္စည်းတွေခိုးဖို့၊ သေပြီးတာတောင် အငြိမ်မနေနိုင်တဲ့ဖုန့်ရှီ။ အကျိုးဆက်ကတော့ သူ ခိုးခဲ့တဲ့ပစ္စည်းတစ်ခုက နတ်ဘုရားတွေနဲ့ မိစ္ဆာတွေကြား စစ်ပွဲကြီးတစ်ခု အစပြုသွားစေခဲ့သည်။ ဤအမှန်တရား သိပြီ...
