『Unicode』
ချောင်းကြည့်တဲ့ အဖြစ်အပျက်ပြီးနောက် တစ်လနီးပါးကြာသောအခါ ဒီ့အတွက် အွန်လိုင်းပေါ်မှာ လှုပ်လှုပ်ရှားရှားဖြစ်တာလဲလျော့ကျသွားသည်။ အန်းနင်က ဒါဟာ အသုံးမဝင်တဲ့ ကြိုးပမ်းမှုတစ်ခုဖြစ်သွားသလားလို့တောင် စတင်သိချင်လာတဲ့အချိန်မှာပဲတစ်နေမှာ ရှောင်ပေါင်ရဲ့ WeChatကို ရုတ်တရက်လက်ခံရရှိခဲ့သည်။ ထိုအချိန်က သူ စာကြည့်တိုက်မှာ စာလေ့လာနေခဲ့တာဖြစ်သည်။
သူ Voice Messageကို နှိပ်လိုက်သည့်အခါ ရှောင်ပေါင်ရဲ့ စိတ်လှုပ်ရှားနေတဲ့အသံကို ကြားလိုက်ရသည်။
"ကော, သူ့ကိုမိပြီ!!"
အသံက ရုတ်တရက်ကြီး ထွက်လာတာကြောင့် အရှေ့နဲ့ အနောက်စားပွဲက လူတွေကပါ အန်းနင်ကို ကြည့်လာခဲ့ကြသည်။ အန်းနင်သည်လည်း စိတ်လှုပ်ရှားသွားရပြီး ပထမဆုံးအကြိမ်အဖြစ် သူ့ရဲ့ ကိုယ်ပိုင်စာကြည့်တာကို ရပ်ပစ်လိုက်သည်။ သူ ပစ္စည်းတွေကို ထုတ်ပိုးလိုက်ပြီး မြန်မြန်ပင် အိပ်ဆောင်ကို ပြန်လာခဲ့သည်။
သောကြာနေ့ဖြစ်သောကြောင့် နေ့လည်အတန်းတွေမရှိပေ။ လျန်ရှန်းဟန်က ဂိမ်းဆော့ဖို့ ထွက်သွားခဲ့၏။ တပ်ဆင်ပြီးနောက်တွင်ရှောင်ပေါင်ကသာ အမြဲလိုလို ကွန်ပြူတာဖွင့်ပြီး ကင်မရာမှ ရိုက်ခဲ့သမျှ ဗွီဒီယိုတွေကို ကြည့်တတ်သည်။
ဗွီဒီယိုတွေသိမ်းဖို့အတွက် သူက များပြားလှတဲ့ hard driveတွေကိုတောင် ဝယ်ခဲ့သည်။ ဒီရက်တွေမှာတော့ သူကနေ့ရောညပါစောင့်ကြပ်ကြည့်ရှူ့ခဲ့ပြီး နောက်ဆုံးမှာတော့ ဒီလူကို ဖမ်းမိခဲ့လေပြီ။ အန်းနင်လဲ မြန်မြန် ပြန်လာပြီး သူနဲ့အတူ ဗွီဒီယိုကြည့်လိုက်သည်။ ၎င်းမှာ ချင်ဝေ့ဟော် ပုံပို့ပေးခဲ့တဲ့ ခပ်ပုပုညိုညို ကောင်ပင်။ မြင်ကွင်းထဲတွင် သူက မိန်းကလေးသန့်စင်ခန်းထဲမဝင်ခင် သူ့ဖုန်းရဲ့ ကင်မရာကိုပါ ဖွင့်လိုက်သေးသည်။ ဒါက ခိုင်မာလှသည့် သက်သောအထောက်အထားပင်။ နှစ်ယောက်သား ချင်ဝေ့ဟော်နဲ့လျန်ရှန်းဟန်ကို WeChat Messageတွေ ပို့လိုက်ကြရာ ချင်ဝေ့ဟော်က replyမပြန်လာပေမယ့် လျန်ရှန်းဟန်ကတော့ Voice messageဖြင့် ပြန်ဖြေလာသည်။
YOU ARE READING
လီမွန်ရောင်လျှပ်စီး || ဘာသာပြန် || 『Completed』
Romance柠檬闪电 by "Dr.Solo" ||Burmese Translation|| Shounen Ai, School Life, Slife-of-life, Sports 65 Chapters ( Completed ) CP : Qin WeiHeng & An Ning 16.12.2021 >> 2.3.2022 If you want to read with English translation, you can visit the following link, http...