!unicode!
နေရာအပိတ်ကစိုးရိမ်ပူပင်မှုကိုလွယ်လင့်တကူဖြစ်စေနိုင်သည်၊ အထူးသုဖင့် အားနည်းသောအိုမီဂါတစ်ယောက်ကAအဆင့်နှင့်မြင့်မားသောစိတ်ပိုင်းဆိုင်ရာခွန်အားရှိသည့်အယ်ဖာနှင့်မျက်နှာချင်းဆိုင်နေရသည့်ဓာတ်လှေကားထဲမှာဖြစ်သည်။
လုစစ်ကအနောက်မှချဥ်းကပ်လာချိန်တွင် သခင်လေးမှာအေးခဲသွားရကာ သူ့စိတ်ဝိညာဥ်မှာအလွန်အမင်းတင်းမာသွားရပြီး တစ်ဖက်လူသူ့ကိုတွန်းလိုက်တုန်းကသူ့ကျောပြင်ပေါ်မှာတင်ထားသည့်လုစစ်လက်ပေါ်မှာတစ်ချိန်လုံးအာရုံစိုက်နေမိပြီ....ထိုလက်အောက်ဆင်းသွားမည်ကိုကြောက်ရွံ့နေမိသည်။
ပြီးတော့ သူ့ကိုတောင်းဆိုရမယ်ဆိုတာကဘာကိုဆိုလိုတာလဲ။ ဘယ်လို ဘယ်လိုတောင်းဆိုရမှာလဲ။
"မင်းကြောက်နေတာလား။"
ကောင်လေး၏ခန္ဓာကိုယ်ကကြိုးမျှင်ပမာဆန့်တန်းသွားပြီး မသိမသာတုန်ရီနေပေရာ လုစစ်အနားကပ်သွားပြီး ဦးထုပ်အဖျားကကောင်လေး၏ဆံနွယ်ပျော့ပျော့ကိုပွတ်တိုက်သွားကာ အသံကားသူ့နားရွက်ဘေးမှာရှိနေသည့်နှယ်။သူကဖြည်းညှင်းစွာစကားပြောလျက် ရာ်ရွယ်ချက်ရှိရှိခြိမ်းခြောက်လျက်ရှိသည်။
"အမှန်ပဲ၊ ဒီမှာကိုယ်တို့နှစ်ယောက်ပဲရှိတယ်။ ကိုယ်သာတစ်ခုခုလုပ်လိုက်ရင် မင်းအော်ခေါ်နေရ....""အား!"
သူပြောလို့မပြီးသေးခင် သခင်လေး၏ဦးခေါင်းခွံမှာထုံကျင်သွားရပြီး သူနှင့်အဝေးဆုံးထောင့်မှာပုန်းကွယ်လျက် နံရံကိုမှီကာ စိတ်ပူတကြီးအသိပေးလိုက်သည်။
"မင်း၊ လာရှုပ်မနေနဲ့၊ မင်းကဖယ်ဒရယ်စစ်သားတစ်ယောက်နော်၊ ဓာတ်လှေကားထဲမှာစောင့်ကြည့်ကင်မရာတွေရှိတယ်။"လုစစ်အသာရယ်လိုက်ပုံမှာ လှောင်နေသည့်အလား ထို့နောက်ဓာတ်လှေကားထဲမှာရပ်မြဲရပ်နေရင်း ကောင်လေးကိုဥပေက္ခာပြုထားလိုက်သည်။
သူအနားကပ်မလာတာကိုမြင်လိုက်ရရင်း သခင်လေးမှာနောက်ဆုံးတွင်စိတ်သက်သာရာရသွားပြီး တဖြည်းဖြည်းချင်းပိုမိုရဲတင်းလာကာ သူ့ကို"ဝေ့"ဟုပြော၍ ထူးဆန်းစွာမေးလိုက်သည်။
" 'တောင်းဆိုတယ်'ဆိုတာက...ဘာကိုဆိုလိုတာလဲ။"
YOU ARE READING
ငါလှည့်စားခဲ့တဲ့ဇာတ်လိုက်ပြန်မွေးဖွားလာပြီဟ || ဘာသာပြန် [ Book-1 ]
RomanceBOOK-1>Arc(1)-Arc(8) လင်ခုံးလုသည် ခွေ့ချွမ်းကမ္ဘာတွင် အမြှောက်စာဇာတ်ကောင်ဖြစ်ကာ အဓိကဇာတ်ဆောင်ထက်ပင်ပို၍ဆန်ကုန်မြေလေးဆန်ပေ၏။ သူအနားယူတော့မည်အချိန်တွင် ခေါင်းဆောင်ကရုတ်တရက်ပြောလာသည်။ "မင်းသွားခဲ့တဲ့ကမ္ဘာကတစ်ခုခုမှားနေတယ်။ မင်းထပ်သွားရမယ်။" လင်ခုံးလုတွ...