!unicode!
စဲ့ရှီးအာထံမှခြောက်လန့်ခံလိုက်ရသည့် ဝံပုလွေဖြူလေးမှာဟိုဟိုဒီဒီမလှုပ်ရဲတော့ဘဲ လင်ခုံးလု၏လက်မောင်းကြားထဲမှာအပူပေးစက်ပမာအသိုက်ဖွဲ့နေလိုက်ရသည်။
ဒါပေမဲ့ဘယ်လိုပဲကြည့်ကြည့် စဲ့ရှီးအာမှာသက်တောင့်သက်သာမရှိသေးပုံမှာ သူဒီကောင်လေးကိုအဝေးဖယ်ထုတ်ပြီး ထိုနေရာမှာသူအစားဝင်ကာ လူလိမ်လေးကိုနွေးထွေးအောင်လုပ်ပေးလိုက်မှသာ သူသက်တောင့်သက်သာဖြစ်သွားမည့်အလား။
ဒါပေမဲ့သူ့မှာအမွှေးမရှိပေ...
စဲ့ရှီးအာမည်းမှောင်သွားရပေမဲ့ တွေးကြည့်လိုက်တော့ ဒီစိတ်ပိုင်းဆိုင်ရာခံစားချက်ကမှားယွင်းနေသည်ဟုခံစားလိုက်ရသည်။
သူကားသွေးအေးသောနှလုံးသားရှိသည့်ဝံပုလွေဘုရင်ဖြစ်သည်။ သူကသူ့ကိုမချစ်ဘူးဟုပြောရင် သူကသူ့ကိုတကယ်မချစ်ပေ။
သူသူ့ကိုယ်သူတွန်းအားပေးကာ အကြည့်လွှဲပြီး သူ့နှလုံးသားမာထန်အောင်လုပ်လိုက်ရပြီးနောက်....ကျောက်တုံးကြီးဆီသစ်ရွက်များရွှေ့ကာ ကျောက်တုံးကိုမှီလျက်ကွေးကာဆက်အိပ်လိုက်သည်။
အာရုဏ်တက်ချိန်တွင် စဲ့ရှီးအာမျက်စိဖွင့်ပြီး လင်ခုံးလု၏နှဖူးကိုထပ်စမ်းကြည့်မိပြန်ရာ အနည်းငယ်ပူနေသေးမှန်းသိလိုက်ရတော့ မျက်ခုံးများမနေနိုင်ဘဲတွန့်ခေါက်သွားရသည်။
သူတစ်အောင့်ကြာတွေးလိုက်ပြီး ဟုန်ဝေကိုခေါ်ကာ စကားလုံးအနည်းငယ်တီးတိုးပြောလိုက်ပြီးနောက် သူဝံပုလွေအုပ်ကိုကျောခိုင်းလှည့်ထွက်သွားခဲ့သည်။
ဟုန်ဝေမှာအရေးကြီးတာဝန်တချို့ကိုထမ်းဆောင်နေသယောင်၊ တည်ငြိမ်လေးနက်သောဝံပုလွေမျက်နှာပေးရှိလျက်။ ခဏကြာတော့သူ့ညီနှစ်ကောင်အာ့ဟုန်နှင့်ရှောင်ဟုန်ကိုခေါ်ကာ ကျောက်တုံးကြီးပေါ်မှာအိပ်နေသည့်လင်ခုံးလုကိုအတူစောင့်ကြပ်ကြသည်။
အစကတော့ဝံပုလွေသုံးကောင်၏မျက်လုံးများမှာခိုင်မာပြတ်သားလှပြီး ကျောက်ရုပ်သုံးရုပ်အလား တောင်ထွတ်ပမာယိမ်းယိုင်မှုမရှိ။
YOU ARE READING
ငါလှည့်စားခဲ့တဲ့ဇာတ်လိုက်ပြန်မွေးဖွားလာပြီဟ || ဘာသာပြန် [ Book-1 ]
RomanceBOOK-1>Arc(1)-Arc(8) လင်ခုံးလုသည် ခွေ့ချွမ်းကမ္ဘာတွင် အမြှောက်စာဇာတ်ကောင်ဖြစ်ကာ အဓိကဇာတ်ဆောင်ထက်ပင်ပို၍ဆန်ကုန်မြေလေးဆန်ပေ၏။ သူအနားယူတော့မည်အချိန်တွင် ခေါင်းဆောင်ကရုတ်တရက်ပြောလာသည်။ "မင်းသွားခဲ့တဲ့ကမ္ဘာကတစ်ခုခုမှားနေတယ်။ မင်းထပ်သွားရမယ်။" လင်ခုံးလုတွ...