Arc(8) တစ္ဆေလောင်ကုန်းပြန်မွေးဖွားလာပြီ-(၁၂)။
ရှယွိချန်မှာအလွန်စိတ်ချယုံကြည်ရသည်။ သူကကြမ်းပြင်ပေါ်မှာအိပ်မည်ဟုပြောရင်ပြောတဲ့အတိုင်းလုပ်လိမ့်မည်ပင်။ သူကဖုကျင်စစ်ရှာတွေ့သွားပြီးလင်ခုံးလုကိုပြဿနာဖြစ်စေမှာကိုရှောင်ရှားရန် ပြတင်းပေါက်မှတဆင့်အိပ်ခန်းထဲကျော်ဝင်ခဲ့သည်။
သူမိုးရေစိုရွှဲနေတာမြင်တော့ လင်ခုံးလုသူ့ကိုရေမြန်မြန်သွားချိုးခိုင်းကာ သူ၏ကိုယ်ပိုင်ရေချိုးဝတ်ရုံတစ်စုံထုတ်ပေးလိုက်သည်။
လင်ခုံးလု: အင်း၊ နည်းနည်းတော့သေးသလိုပဲ၊ အဆင်ပြေအောင်ဝတ်လိုက်ပေါ့ကွာ။
ရှယွိချန်၏နားရွက်များမှာပူနွေးလို့နေသည်။ သူရေချိုးခန်းထဲမှာရေချိုးနေစဥ်ရှောင်လု၏ရေချိုးဂျယ်လ်ကိုအသုံးပြုခဲ့သည်။ အခုဆိုသူကတစ်ဖက်လူ၏ဝတ်စုံကိုဝတ်ထားသည့်အပြင် ကြမ်းပြင်ပေါ်မှာအိပ်ရာခင်းရန်သုံးထားသည့်အိပ်ရာခင်းမှာလည်းတစ်ဖက်လူဟာဖြစ်သည်......
သူပင့်သက်ရှိုက်မိကာသူ့တစ်ကိုယ်လုံးပူနွေးလာချေသည်။ အကုန်လုံးကတစ်ဖက်လူ၏ခပ်ဖျော့ဖျော့အငွေ့အသက်ဖုံးလွှမ်းလျက်ရှိသည်။
ထိုစဥ် ရေချိုးခန်းထဲမှရေသံထွက်လာပြန်ပြီး ၎င်းမှာလင်ခုံးလုရေစချိုးနေခြင်းပင်။ ထိုအရာမှာသူအခုပဲအသုံးပြုထားသည့်ရေချိုးခန်းဖြစ်သည်။ အပူမှာမပျောက်သွားလောက်သေးပေ၊ လင်ခုံးလုကသူ့အငွေ့အသက်ကျန်နေသေးသည့်နေရာမှာ....မဖြစ်ဘူး၊ သူတွေးကြည့်လို့မရတော့ဘူး။
ရှယွိချန်ရုတ်တရက်သူ့ခန္ဓာကိုယ်ပူနွေးလာရသဖြင့် ကြမ်းပြင်ပေါ်မြန်မြန်လှဲချကာသူ့ကိုယ်သူစောင်အပါးခြုံလိုက်မိသည်။ သို့သော်စောင်ပေါ်မှာခပ်ဖျော့ဖျော့သင်းရနံ့ရှိနေပြီး ၎င်းမှာရှောင်လုကိုယ်ပေါ်ကခပ်ဖျော့ဖျော့သင်းရနံ့နှင့်အလွန်ဆင်တူလေသည်။ သူမနေနိုင်ဘဲရှူကြည့်လိုက်မိပြီးမှ တိတ်တိတ်လေးမျက်စိမှိတ်ကာသူ့အာရုံကိုလွှဲပြောင်းရန်ရေတွက်လိုက်သည်။
အချိန်ဘယ်လောက်ကြာသွားမှန်းမသိ၊ ရေချိုးခန်းထဲကရေသံရပ်သွားပြီး ခဏကြာတော့လင်ခုံးလုကဆံပင်သုတ်ပြီးနောက်ထွက်လာသည်။
YOU ARE READING
ငါလှည့်စားခဲ့တဲ့ဇာတ်လိုက်ပြန်မွေးဖွားလာပြီဟ || ဘာသာပြန် [ Book-1 ]
RomanceBOOK-1>Arc(1)-Arc(8) လင်ခုံးလုသည် ခွေ့ချွမ်းကမ္ဘာတွင် အမြှောက်စာဇာတ်ကောင်ဖြစ်ကာ အဓိကဇာတ်ဆောင်ထက်ပင်ပို၍ဆန်ကုန်မြေလေးဆန်ပေ၏။ သူအနားယူတော့မည်အချိန်တွင် ခေါင်းဆောင်ကရုတ်တရက်ပြောလာသည်။ "မင်းသွားခဲ့တဲ့ကမ္ဘာကတစ်ခုခုမှားနေတယ်။ မင်းထပ်သွားရမယ်။" လင်ခုံးလုတွ...