ငါလှည့်စားခဲ့တဲ့ဇာတ်လိုက်ပြန်မွေးဖွားလာပြီဟ || ဘာသာပြန် [ Book-1 ]

[၅၆] မသန်စွမ်းရေသူထီးနှင့်လက်ထပ်ခြင်း။

!unicode!

လန်ဇယ်အစာပြီးအောင်မစားနိုင်တော့ပေ။ သူမသိလိုက်ခင်အကြံသမားလေး၏သွားရည်ကိုအကြိမ်ပေါင်းများစွာစားမိသွားသလားမသိပေ။

ဒါပေမဲ့လင်ခုံးလုအမှားပြင်ဆင်ကာ သူ့အတွက်ကြီးမားသောငါးအသားတစ်ပိုင်းယူကာ အရိုးနွှင်ပြီးဖိချလိုက်ပြီးနောက်ဇွန်းထဲထည့်ပေးလိုက်သည်။

လန်ဇယ်: "....."

ထိုစဥ် ဧကရီအရှင်မအန်နာ၊ လင်ဝမ်ပိုင်နှင့်သူ့ဇနီးတို့ပြိုင်တူရောက်လာကြသည်။ ဒါကိုမြင်လိုက်ရသော် လန်ဇယ်ရုတ်ခြည်းနူးညံ့စွာပြုံးလိုက်ပြီး ဇွန်းထဲကငါးကိုလင်ခုံးလုပါးစပ်နားကပ်ကာ နူးညံ့စွာပြောလိုက်သည်။
"လာပါ၊ ရှောင်လု၊ များများစားနော်။"

လင်ခုံးလု: "...." ရုတ်တရက်ကြီးနည်းနည်းအေးလာသလားလို့?

ဒါပေမဲ့သူမော့ကြည့်လိုက်တော့ ဧကရီအရှင်မအန်နာ၏အံ့အားသင့်မှုနှင့်သူ့မိဘနှစ်ပါး၏အံ့အားသင့်မှုတို့ကိုမြင်လိုက်ရရာ ဘာဖြစ်သွားမှန်းသူတမဟုတ်ချင်းနားလည်သွားသည်။

သူကလန်ဇယ်သူ့ကိုခွံ့ကျွေးလာသည်နှင့်အသားတစ်ပိုင်းလုံးတစ်လုတ်တည်းစားပစ်ကာ ရှက်ရွံ့ချင်ယောင်ဆောင်ပြီးပြောလိုက်သည်။
"ကျွန်တော်ပင်လယ်ငါးပူပူလေးစားချင်သေးတယ်။"

လန်ဇယ်၏အပြုံးအေးခဲသွားရသည်၊ အဲ့မှာငါးအရိုးတွေအများကြီးပဲ။

ဒါပေမဲ့ဧကရီအရှင်မအန်နာရှေ့မှာ သူရွေးချယ်စရာမရှိဘဲအနောက်လှည့်ကာ စက်ရုပ်အိမ်တော်ထိန်းကိုပြောလိုက်သည်။
"တစ်ပိုင်းယူပြီးအရိုးနွှင်လိုက်။"

ဒါကိုမြင်လိုက်ရသော် ဧကရီအရှင်မအန်နာကအရိုးနွှင်ပြီးသားငါးများကိုလန်ဇယ်၏ဇွန်းထဲထည့်ပေးဖို့ စက်ရုပ်ကိုအမြန်အချက်ပြလိုက်သည်။

လန်ဇယ်: "...."

သူ့မှာရွေးချယ်စရာမရှိဘဲ ဇွန်းကိုလင်ခုံးလုပါးစပ်နားတိုးကပ်ပေးရန်သူ့ကိုယ်သူတွန်းအားပေးလိုက်ရပြီး လင်ခုံးလုကတစ်ကိုက်ကိုက်ကာအကုန်စားပစ်လိုက်ပြီးမှ အပြုံးလေးဖြင့်ပြောလိုက်သည်။
"ကျွန်တော်စားချင်သေးတယ်။"