ငါလှည့်စားခဲ့တဲ့ဇာတ်လိုက်ပြန်မွေးဖွားလာပြီဟ || ဘာသာပြန် [ Book-1 ]

[၉၄] လင်ဇိုင်းဇိုင်း၏အဖေရှာပုံတော်။

!uncode!

လင်ခုံးလုနှင့်ကုစစ်တို့၏လက်ထပ်ပွဲမှာအလွန်ခပ်လျိုလျိုကျင်းပခဲ့ပေမဲ့ သူတို့နှစ်ယောက်လုံးကစီးပွားလောကမှာနာမည်ကြီးများဖြစ်ကြသည့်အပြင် လက်ထပ်ပွဲကိုယင်းရှပင်လယ်အော်၏ခရီးသွားအပန်းဖြေစခန်းမှာကျင်းပခဲ့တာမို့ သတင်းတချို့ပေါက်ကြားသွားခဲ့သည်။

အင်တာနက်ပေါ်ကလူအများစုမှာထွက်လာသည့်ဓာတ်ပုံများကိုမယုံကြည်ကြဘဲ အများအားဖြင့်ကောမန့်ပေးကာ အံ့အားသင့်ကြသည်---

[ P၊ ဥက္ကဌကုကလူထုရှေ့မှာတစ်ခါမှပေါ်မလာဖူးတဲ့အပြင် ဓာတ်ပုံထဲမှာဆိုကျောကုန်းပဲပါတယ်။ မှန်လားမှားလားဘယ်သူသိမှာတုန်း? ]

[ ထင်ကြေးပေးကြည့်ရအောင်၊ အခုတလောကုအုပ်စုနဲ့ဖေးလုအုပ်စုကပရောဂျက်တစ်ခုကိုအတူပူးပေါင်းလုပ်ဆောင်နေကြတာ။ ]

[ ဟာ့၊ ငါသိတာကတော့အနုပညာcpနောက်လိုက်နေတာ၊ အခုကျတော့ကုမ္ပဏီနှစ်ခုပါပါကုန်ပြီလား? ]

[ အဲ့ဒါအပြင် ဥက္ကဌနှစ်ယောက်ကကိုယ်ရေးကိုယ်တာအရတိုက်ခိုက်နေကြတာလေ၊ အဆင့်မြင့်စီးပွားရေးတိုက်ပွဲကဒီလောက်တည့်တိုးဆန်ပြီးရိုးရှင်းတာပဲ #ခွေးခေါင်း# ]

နှစ်ကုန်မှာ ကုစစ်ကဘဏ္ဍာရေးပရိုဂရမ်တစ်ခုတွင်အင်တာဗျူးလက်ခံခဲ့သည်။ အင်တာဗျူး၏အဆုံးသတ်မှာ တင်ဆက်သူကလည်းထိုအကြောင်းသိချင်စိတ်ဖြစ်စွာမေးလာခဲ့သည်။

ကုစစ်ကပြုံးလိုက်ပြီးအ​ဖြေမပေးဘဲ ခရုခွံလက်ကောက်နှင့်လက်ထပ်လက်စွပ်ကိုသွယ်ဝိုက်နည်းဖြင့်ကြွားဝါလိုက်သည်။

ပရိုဂရမ်ထုတ်လွှင့်ပြသလာသည်နှင့် အင်တာနက်နှင့်စက်ဝန်းထဲမှာအာရုံများစွာကိုချက်ချင်းဆွဲဆောင်သွားပြီး ဓာတ်ပုံများကအတုအယောင်ဆန်လွန်းသည်ဟုဆဲဆိုခဲ့ကြသည့်အင်တာနက်သုံးစွဲသူများမှာခပ်မြန်မြန်စိတ်ပြောင်းသွားကာ ပြောလာကြသည်--

[ ဓာတ်ပုံထဲကကျောကုန်းကမှုန်ဝါးနေပေမဲ့ တစ်ချက်ကြည့်ရုံနဲ့တင်လူနှစ်ယောက်မှန်းမှတ်မိသွားတာရယ်။ ပါးပါးတို့ပျော်ရွှင်တဲ့အိမ်ထောင်တစ်ခုဖြစ်ပါစေလို့ ဆုတောင်းပေးတယ်နော်၊ ပြီးတော့မေးချင်တာက သားကိုဘယ်တော့လာခေါ်မှာလဲလို့? ]