ငါလှည့်စားခဲ့တဲ့ဇာတ်လိုက်ပြန်မွေးဖွားလာပြီဟ || ဘာသာပြန် [ Book-1 ]

[၈၃] သူဌေးကြီးနှင့်အစားထိုးခံ။

!unicode!

ကုစစ်ဂရုchatကိုခဏကြာအောင်ကြည့်နေမိပြီးမှ ရုတ်တရက်ပြဿနာကိုသဘောပေါက်သွားသည်။ အဖွဲ့ကလင်ခုံးလုရဲ့မွေးရပ်မြေကိုတကယ်သွားမှာဆိုရင် သူ့ယောက္ခထီးကိုကြိုတွေ့ရမှာမဟုတ်လား။

ဒါကိုတွေးမိရင်း သူအလိုလိုခေါင်းမော့ကာ ဆိုဖာပေါ်တွင်ဗလာမျက်ဝန်းများဖြင့်မှီထိုင်နေသည့်လင်ခုံးလုကိုမေးကြည့်လိုက်မိသည်။
"ဥက္ကဌလင်ရဲ့မွေးရပ်မြေကယင်းရှပင်လယ်အော်မှာလား။"

"အာ?" လင်ခုံးလုက0687၏တိုက်ရိုက်ထုတ်လွှင့်မှုအောက်မှာဝန်ထမ်းများကသူဘယ်လောက်ကပ်စေးနည်းတဲ့အကြောင်းစောဒကတက်နေကြတာကိုနားထောင်နေတာဖြစ်သည်။
ထိုစကားကိုကြားသော် သူအနည်းငယ်မလုံမလဲဖြစ်ကာရှက်ရွံ့သွားလျက်ပြောမိသည်။
"ဂရုငယ်လေးထဲမှာသူတို့ဘာတွေကွန်ပလိန်းတက်နေကြလဲဆိုတာမင်းမြင်ပြီးသွားပြီပေါ့?"

ကုစစ်အံ့သြသွားကာပြောလိုက်မိသည်။
"ဥက္ကဌလင်လည်းဂရုငယ်လေးထဲမှာရှိတာလား။"

ဒါပေါ့၊ လင်ခုံးလုထိုထဲမှာမရှိပေမဲ့ 0687ကသူ့ကိုတိုက်ရိုက်ထုတ်လွှင့်ပြသလိမ့်မည်ဖြစ်ကာ သူဌေးအကြောင်းတိတ်တခိုးကွန်ပလိန်းတက်နေကြသည့်ဝန်ထမ်းအုပ်စုငယ်​လေးရှိတာကိုသိထားသည်၊ ဒါဘယ်လောက်ပုံမှန်ဖြစ်လိုက်လဲ။

အတိတ်တုန်းက သူတို့ကူးပြောင်းဝင်ရောက်သူများမှာလည်းတိတ်တခိုးဂရုငယ်လေးတစ်ခုရှိခဲ့ပြီး လူတိုင်းကဇာတ်လိုက်၊ ဇာတ်အိမ်ဇာတ်ကွက်နှင့်ခေါင်းဆောင်အကြောင်းကွန်ပလိန်းတက်ခဲ့ကြသည်...ခြုံပြောရရင် ကွန်ပလိန်းမျိုးစုံရှိပေသည်။

နောက်ပိုင်း တစ်စုံတစ်ယောက်ကခေါင်းဆောင်အကြောင်းကွန်ပလိန်းတက်မိချိန် သူစိတ်လှုပ်ရှားလွန်သွားကာ တစ်အောင့်ကြာအောင်ဇာတ်အိမ်နောက်လိုက်လုပ်ဖို့မေ့သွားသဖြင့် လုပ်ဆောင်မှုကိုထိခိုက်သွားစေလေရာ ခေါင်းဆောင်ကရှာတွေ့သွားပြီး ဂရုငယ်လေးမှာအဘမ်းခံလိုက်ရသည်။

သနားစရာမှာ လင်ခုံးလုကဂရုထဲတွင်အခြားကူးပြောင်းဝင်ရောက်သူတို့၏ထူးဆန်းသောဇာတ်အိမ်များကိုကြည့်ရှုရတာကိုနှစ်ခြိုက်ခဲ့ဖူးသည်။ လူတိုင်းကပါရမီရှိကာစကားပြောရကောင်းမွန်လှပြီး အထူးသဖြင့်ခေါင်းဆောင်အ​ကြောင်းကွန်ပလိန်းတက်ရာတွင်ဖြစ်သည်။