ငါလှည့်စားခဲ့တဲ့ဇာတ်လိုက်ပြန်မွေးဖွားလာပြီဟ || ဘာသာပြန် [ Book-1 ]

[၃၉] Arc|3| ကမ္ဘာပျက်ကပ်ကရည်းစားဟောင်း။

!unicode!

ကျောက်ကျင်းစစ်၏မကောင်းတဲ့စိတ်တန်ဖိုးပြောင်ရှင်းသွားပြီး နှစ််သက်မှုတန်ဖိုးပြည့်သွားပြီးနောက် နေရာလွတ်-အချိန်စီမံခန့်ခွဲရေးဌာနက လင်ခုံးလု၏မစ်ရှင်မှာကောင်းမွန်စွာပြီးမြောက်သွားပြီဟုတွေးမိကြသည်။ ဒါပေမဲ့ ချက်ချင်းထွက်ခွာမှုကကျောက်ကျင်းစစ်ကိုမကောင်းတဲ့စိတ်ပြန်ဝင်လာစေမှာစိုးလို့ ခေါင်းဆောင်များသည်သုတေသနပြုလုပ်ပြီးနောက် လင်ခုံးလုကိုဒီကမ္ဘာမှာနည်းနည်းပိုကြာကြာနေခွင့်ပေးရန်တညီတညွှတ်တည်းဆုံးဖြတ်ခဲ့ကြသည်။

ဘယ်လောက်ကြာကြာနေမလဲဆိုတာကတော့ လင်ခုံးကိုယ်တိုင်အခြေအနေအရဆုံးဖြတ်ရသည်။ ထို့ကြောင့် လင်ခုံးလုကကျောက်ကျင်းစစ်သေဆုံးချိန်အထိနေခဲ့သည်။

ထွက်ခွာနေစဥ် ယခင်ကမ္ဘာကကဲ့သို့ပင် နွေးထွေးသောစွမ်းအားကကျောက်ကျင်းစစ်၏ခန္ဓာကိုယ်ထဲမှထွက်လာကာ လင်ခုံးလု၏မျက်ခုံးများကြားမှာဆင်းသက်သွားပြီး သူ့အသိစိတ်ကိုရစ်ပတ်သွားသည်။

လင်ခုံးလုနှင့်သူ့ချစ်သူတို့မျက်လုံးအတူမှိတ်လိုက်ပြီး သူတို့မျက်လုံးဖွင့်လိုက်ချိန်တွင် သူတို့နှစ်ယောက်မှာဖက်ကာနမ်းရှိုက်လျက်သားဖြစ်နေမှန်းတွေ့လိုက်ကြရသည်။

လင်ခုံးလု: "!!!" တောင်းပန်ပါတယ်၊ ဘာတွေဖြစ်ကုန်တာလဲ။

"ကလေးလေး၊ ကလေးလေး...."
သူ့ကိုယ်ပေါ်ကလူကသူ့ခါးကိုလက်မောင်းများဖြင့်ရစ်ပတ်ကာ အက်ရှရှတီးတိုးဆိုလျက် သူ့ကိုပိုင်စိုးပိုင်နင်းဆန်သောအရှိန်အဝါဖြင့်တင်းကြပ်စွာပွေ့ဖက်လာသည်။

လင်ခုံးလုမှာဒီနာမ်စားကြောင့်မိန်းမောသွားရကာ သူဘယ်ကမ္ဘာမှာဘယ်သူနှင့်တစ်ညတာဖြတ်သန်းခဲ့မှန်းမမှတ်မိတော့ပေ။

"မင်း၊ ငါ့ကိုလွှတ်။"
သူအံကြိတ်ကာ ခပ်ပြင်းပြင်းရုန်းလိုက်သည်။

ထိုစဥ်တံခါးခေါက်သံထွက်လာပြီးနောက် သက်လတ်ပိုင်းအမျိုးသား၏အသံထွက်ပေါ်လာသည်။
"လင်သခင်လေး၊ လူကြီးမင်းကဒီနေ့အလုပ်ခရီးရှိတာမို့ ကျွန်တော်မနက်ဖြန်ကျရင်သခင်လေးကိုကျောင်းလိုက်ပို့ပေးပါ့မယ်ဗျ။"