!unicode!
ညဘက်၌ ဝံပုလွေများမှာအမဲလိုက်ထွက်သွားကြပြန်ပေမဲ့ စဲ့ရှီးအာကတော့မထသေးပေ။
ဘေးအိမ်ကဝံပုလွေများထပ်မံတိုက်ခိုက်လာမည်စိုးသဖြင့် သူပိုင်နက်ထဲမှာနေပြီး အနီးနားကယုန်အနည်းငယ်ကိုသာဖမ်းလိုက်သည်။
လင်ခုံးလုကမအိပ်ဘဲ မီးမွှေးပြီးနောက် လက်ဦးမှုရယူကာ ယုန်ကင်ပေးရင်း လုပ်ငန်းစဥ်အတွင်းမှာခဏခဏမေးလိုက်သည်---
"ရှောင်လောင်၊ မင်းအပျော့ကင်တာကြိုက်လား၊ အမာကင်တာကြိုက်လား။"
"ရှောင်လောင်၊ မင်းအချိုကြိုက်လား၊ အစပ်ကြိုက်လား။ ဒါမှမဟုတ်အချိုလား၊ အချဥ်လား။"
"ရှောင်လောင်၊ ငါ့ကိုအမွှေးရွက်တွေကမ်းပေးပါအုံး။"
"ရှောင်...."
သူတမင်သက်သက်စကားကိုနှေးချကာ မသိမသာမြင့်တက်သွားသောအဆုံးသတ်ဖြင့် ချိတ်ကောက်ပမာကော့တက်သွားပြီး သူ့မျက်လုံးများကစဲ့ရှီးအာ၏ဘေးတိုက်မျက်နှာကိုအမြဲလေးနက်စွာကြည့်နေပြီး အပြုံးလေးက ညကောင်းကင်ယံထဲရှိကြယ်များပမာတောက်ပလျက်ရှိသည်။
စဲ့ရှီးအာ၏နားရွက်မှာသူ၏ခေါ်သံကြောင့်နီစွေးသွားပြီး အပူမှာလုံးဝမလျော့ကျသွားပေ။
သူတို့နှစ်ယောက်ဘေးမှာဆောင့်ကြောင့်ထိုင်နေသည့်ဝံပုလွေဖြူလေးကခေါင်းဆန့်ကာ မဝံ့မရဲအူလာသည်။
"ဝံပုလွေဘုရင်မ၊ ကင်စရာမလိုပါဘူး၊ တန်းစားလို့ရတယ်လေ။"
လင်ခုံးလုသူ့ခေါင်းလေးကိုပုတ်ပေးကာ အပြုံးတစ်ပွင့်ဖြင့်ပြောလိုက်သည်။
"ငါ့ကိုဝံပုလွေဘုရင်မလို့မခေါ်နဲ့၊ မင်းငါ့ကို....ရှောင်လု(သမင်လေး)လို့ခေါ်လို့ရတယ်။"
သူအစကသူ့ကို"လုကော"ဟုခေါ်စေချင်ပေမဲ့ ဝံပုလွေဖြူလေးကိုသူ့ကိုကောဟုခေါ်ခိုင်းတာကထူးဆန်းသည်ဟုခံစားလိုက်ရသဖြင့် သူ့နာမည်ကိုယာယီပြောလိုက်သည်။
သူ့ကို"ဝံပုလွေဘုရင်မ"ဟုမခေါ်နဲ့ဟုသူပြောတာကိုစဲ့ရှီးအာကြားလိုက်ရသော် အလိုလိုခေါင်းလှည့်ကြည့်လိုက်မိပြီး သူ့နားရွက်ရှိအပူမှာတမဟုတ်ချင်းလျော့ကျသွားချေသည်။
YOU ARE READING
ငါလှည့်စားခဲ့တဲ့ဇာတ်လိုက်ပြန်မွေးဖွားလာပြီဟ || ဘာသာပြန် [ Book-1 ]
RomanceBOOK-1>Arc(1)-Arc(8) လင်ခုံးလုသည် ခွေ့ချွမ်းကမ္ဘာတွင် အမြှောက်စာဇာတ်ကောင်ဖြစ်ကာ အဓိကဇာတ်ဆောင်ထက်ပင်ပို၍ဆန်ကုန်မြေလေးဆန်ပေ၏။ သူအနားယူတော့မည်အချိန်တွင် ခေါင်းဆောင်ကရုတ်တရက်ပြောလာသည်။ "မင်းသွားခဲ့တဲ့ကမ္ဘာကတစ်ခုခုမှားနေတယ်။ မင်းထပ်သွားရမယ်။" လင်ခုံးလုတွ...
![ငါလှည့်စားခဲ့တဲ့ဇာတ်လိုက်ပြန်မွေးဖွားလာပြီဟ || ဘာသာပြန် [ Book-1 ]](https://img.wattpad.com/cover/314337319-64-k57225.jpg)