ငါလှည့်စားခဲ့တဲ့ဇာတ်လိုက်ပြန်မွေးဖွားလာပြီဟ || ဘာသာပြန် [ Book-1 ]

[၅၈] မသန်စွမ်းရေသူမင်းသားနှင့်လက်ထပ်ခြင်း။

!unicode!

လန်ဇယ်အစကမတုံ့ပြန်မိပေမဲ့ ကြောင်နားရွက်များကိုမြင်လိုက်ရချိန် သူကြောင်အမ်းသွားရပြန်သည်။

အမွှေးဖွာဖွာ၊ အောက်ငိုက်စိုက်ကျနေတဲ့ကြောင်နားရွက်လေးတွေ၊ အင်း၊ နည်းနည်းတော့ချစ်ဖို့ကောင်းသား။

သူကောင်လေးကိုတစ်အောင့်ကြာမျက်စိမလွှဲဘဲစိုက်ကြည့်နေမိပြီး သူ့လက်ချောင်းထိပ်များမှာရုတ်တရက်အနည်းငယ်ယားကျိကျိဖြစ်သွားသည်။

ကြောင်နားရွက်များလည်းပေါ်နေပြီမှန်း လင်ခုံးလုမသိပေ။ ဤအခိုက်အတန့်မှာ သူဟာစိုးရိမ်ပူပင်နေသောမျက်နှာဖြင့်လက်ကိုကျောနောက်အမြန်ပို့ကာ မြှီးညှောက်ရိုးကိုအုပ်ပြီးခပ်ပြင်းပြင်းဖိချကာ အမြှီးကိုအရင်ပြန်သွင်းလိုက်သည်။

ဖိချလိုက်ပြီးနောက် သူလန်ဇယ်ကိုမလုံမလဲအသိစိတ်ဖြင့်မော့ကြည့်လိုက်မိပေမဲ့ မထင်မှတ်ထားစွာဖြင့်သူ့မျက်လုံးများကလန်ဇယ်၏ငါးမြှီးဆီရောက်သွားလေရာ ကြောက်လွန်းလို့သူ့ခေါင်းနောက်ဖိသိပ်ခံလိုက်ရသည့်လေယာဥ်ပျံနားရွက်လေးများမှာချက်ချင်းထောင်လာပြန်ကာ ပျော်ပျော်ကြီးလှုပ်ခါနေကြသည်။

လန်ဇယ်: "....."

လင်ခုံးလုကသတိမထားမိဘဲ သူ့မြှီးညှောက်ရိုးကိုတင်းကြပ်စွာဆုပ်ကိုင်လျက် အလိုလိုတံတွေးမျိုချလိုက်မိသည်။

0687အသိပေးလိုက်သည်။
"ကြောင်နားရွက်တွေလည်းပေါ်နေပြီ၊ ဟေ့ကောင်ရ!" ပျော်ပျော်ကြီးတောင်လှုပ်နေကြသေးတာရယ်။

လင်ခုံးလု: "!"

စဥ်းပင်မစဥ်းစားဘဲ သူလက်မြှောက်ကာသူ့နားရွက်ဖိပြီးပြန်သွင်းလိုက်သည်။ ဒါပေမဲ့ ဖိချပြီးနောက်ချက်ချင်းအေးခဲသွားရပြန်ကာ လန်ဇယ်၏မျက်နှာပေါ်အချိန်နှောင်းမှအကြည့်ရောက်သွားမိသည်။

လန်ဇယ်: "?" ပြန်ဖိသွင်းလို့ရတယ်လား။

လင်ခုံးလု: "...." နားရွက်တွေကအတုဆိုပြီးတော့ဟန်ဆောင်ဖို့အချိန်ရှိသေးလား။

နှစ်ယောက်သားမှာမျက်လုံးပြူးမျက်စံပြူးဖြင့်စိုက်ကြည့်နေမိကြသည်။ တစ်အောင့်ကြာသော် လန်ဇယ်ကအရင်ဆုံးအသိပြန်ဝင်လာကာ တည်ငြိမ်စွာမေးလိုက်သည်။
"မင်းကကြောင်ဗီဇနိုးထလာတာပေါ့?"