Arc(8) အချပ်ပို: တိတ်တခိုးအချစ်ဒိုင်ယာရီ။
အတန်းပြီးတော့ ဖုကျင်စစ်တစ်ယောက်အောက်ထပ်ကအတန်း၃စာသင်ခန်းတံခါးရှေ့ကနေ ဒီနေ့၇ကြိမ်မြောက်ဖြတ်လျှောက်လေသည်။
အထက်တန်းတုန်းကသူဟာကျောင်းမှာနာမည်ကြီးပုံရိပ်တစ်ခုဖြစ်သည်။ သူ့မှာကောင်းမွန်သောအဆင့်၊ ကောင်းမွန်သောမိသားစုနောက်ခံအသိုင်းအဝိုင်း၊ ချောမောသောရုပ်ရည်၊ အေးစက်သောပင်ကိုယ်စရိုက်နှင့်လူငယ်များနှင့်မတူသောစူးရှရှမျက်ဝန်းတစ်စုံရှိသည်။ သူပွချောင်ချောင်ကျောင်းယူနီဖောင်းကိုဝတ်ထားရင်တောင် သူ၏ရှည်သွယ်သွယ်ပုံရိပ်နှင့်သေးသွယ်သောခါးကိုဖုံးကွယ်ထားနိုင်ခြင်းမရှိ။ ခြေတံရှည်များကြောင့် သူဟာဘယ်နေရာသွားသွားလူတိုင်း၏အာရုံစိုက်ရာဗဟိုချက်မအလွယ်လေးဖြစ်လာလေသည်။
အတန်း၃ကလူအများအပြားမှာပြတင်းပေါက်အပြင်ကိုကြည့်လိုက်ပြီးနောက် တစ်အောင့်ကြာမှအထဲပြန်ဝင်ကာခပ်တိုးတိုးသက်ပြင်းချလိုက်သည်။
"နတ်ဘုရားဖုကတကယ့်ကိုမျက်စိဖမ်းစားဖွယ်ရာပဲ။""ကျောင်းမြက်လေးကမျက်စိပသာဒတအားဖြစ်တယ်။"
လင်ခုံးလုလည်းခေါင်းလှည့်ကာတစ်ချက်ကြည့်လိုက်ပြီး လူများထွက်သွားတာကိုစောင့်နေလိုက်သည်။ သူစနစ်ကိုမေးလိုက်သည်။
"သူဒုတိယထပ်ကသန့်စင်ခန်းကိုထပ်လာပြန်ပြီလား။"0687: "အင်း။"
လင်ခုံးလုနှုတ်ခမ်းကွေးလိုက်မိသည်။
"တတိယထပ်ကသန့်စင်ခန်းကအဲ့လောက်လူများတယ်လား။ ပြီးတော့ဒီကမ္ဘာကဇာတ်လိုက်ကဆီးအိမ်သိပ်မကောင်းဘူးထင်တယ်။"0687: "......"
"သူကကြွားဝါရတာကိုသဘောကျပြီးတော့အေးစက်ပုံပေါက်ပေမဲ့ အမှန်တော့ဘယ်သွားသွားအတောင်ဖြန့်ပြနေတဲ့ဒေါင်းတစ်ကောင်လိုပဲ။"
လင်ခုံးလုမှတ်ချက်ပေးလိုက်ပြန်သည်။0687သက်ပြင်းချမိသည်။ သူ့ရဲ့လေ့လာတွေ့ရှိချက်အရဆို ဇာတ်လိုက်ကဘာကိုမှဂရုမစိုက်ပုံပေါက်ပေမဲ့ အမှန်တော့ရုပ်ရည်ကိုအရမ်းအရေးစိုက်လေသည်။ သူဟာအောက်ထပ်ကသန့်စင်ခန်းကိုမလာခင်သူ့ဆံပင်ကိုသေသပ်အောင်လုပ်လေ့ရှိသည်။ တစ်ခါတရံ သူ့ကိုယ်ပေါ်မှာအဆင့်မြင့်ရေမွှေးနံ့ဖျော့ဖျော့ရှိနေတတ်သည်။
YOU ARE READING
ငါလှည့်စားခဲ့တဲ့ဇာတ်လိုက်ပြန်မွေးဖွားလာပြီဟ || ဘာသာပြန် [ Book-1 ]
RomanceBOOK-1>Arc(1)-Arc(8) လင်ခုံးလုသည် ခွေ့ချွမ်းကမ္ဘာတွင် အမြှောက်စာဇာတ်ကောင်ဖြစ်ကာ အဓိကဇာတ်ဆောင်ထက်ပင်ပို၍ဆန်ကုန်မြေလေးဆန်ပေ၏။ သူအနားယူတော့မည်အချိန်တွင် ခေါင်းဆောင်ကရုတ်တရက်ပြောလာသည်။ "မင်းသွားခဲ့တဲ့ကမ္ဘာကတစ်ခုခုမှားနေတယ်။ မင်းထပ်သွားရမယ်။" လင်ခုံးလုတွ...