ငါလှည့်စားခဲ့တဲ့ဇာတ်လိုက်ပြန်မွေးဖွားလာပြီဟ || ဘာသာပြန် [ Book-1 ]

[၂၄] စေ့စပ်ထားသောသတို့သားလောင်း။

!unicode!

"စေ့စပ်ထားရုံမဟုတ်ဘူးနော်၊ လက်ထပ်တော့မဲ့သတို့သားလောင်းလည်းဟုတ်တယ်။"

"သေစမ်း၊ ဒီအိုမီဂါလေးကဒီလောက်လှတာ၊ သူကချမ်းသာတဲ့မိသားစုကအထည်ကြီးပျက်သခင်လေးဆို? လုမျိုးရိုးရှိတာကံကောင်းတာပဲ။"

"အဲ့အကြောင်းမစဥ်းစားနဲ့တော့၊ ငါတို့သူ့ဆီကငွေအများကြီးညစ်ရမယ်။"

သည်းမခံနိုင်ဖွယ်စကားများကသူ့နားထဲဆက်တိုက်တိုးဝင်လာပေရာ လင်ခုံးလုမှာကြောက်လန့်မှုဖြင့်ဖြူဖျော့သွားရပြီး ကိုယ်ကိုကွေးကာ နောက်ဆုတ်နေမိသည်။ သူ့နောက်မှာချည်ထားသည့်လက်နှစ်ဖက်ထဲမှာ ဓားငယ်လေးရုတ်တရက်ပေါ်လာပြီး သူ့လက်ကောက်ဝတ်ရှိကြိုးကိုပြာတီးပြာယာဖြတ်နေမိသည်။

ဤသည်ကားကျောင်းမှာတုန်းကလုစစ်သူ့ကိုသင်ပေးခဲ့သည့်နည်းလမ်းဖြစ်ပြီး ဓားကလည်းလုစစ်ပေးခဲ့တာဖြစ်သည်။ သူဒေါသတကြီးလွှတ်ပစ်ခဲ့ပေမဲ့ နောက်ကျဘယ်တုန်းကမှန်းမသိပြန်ကောက်သိမ်းထားခဲ့သည်။

လုစစ်ဒါကိုမှတ်မိသည်၊ ၎င်းကတရားရုံးမှာလင်ခုံးလုအတုပေးခဲ့သည့်သက်သေခံဓားဖြစ်​ကြောင်းကိုပါမှတ်မိသည်။

လုစစ်၏နှလုံးသားမှာထုံကျင်သွားရပြီး ဓားကကြိုးပေါ်မဖြတ်ဘဲ သူ့နှလုံးသားပေါ်ဖြတ်နေသည့်အလား။

"ရှောင်လု...."

သူလက်ဆန့်ကာကူညီချင်ပေမဲ့ သူ့လက်ကသခင်လေး၏ကိုယ်ကိုဖောက်ထွက်သွားသည်။ ၎င်းမှာမှတ်ဉာဏ်တစ်ခုသာသာမို့ သူလုပ်နိုင်တာဘာမှမရှိပေ။

ပြန်ပေးဆွဲသမားက"သူ့"ကိုဖုန်းခေါ်နေပေမဲ့ သူ့မှာကိုယ်ပိုင်နံပါတ်မရှိသဖြင့် စစ်ဌာနချုပ်ကိုခေါ်ရုံသာတတ်နိုင်ပြီး သူဘာမှမပြောရသေးခင် သူဟာခွင့်ပြုချက်ကိစ္စကြောင့်ဖုန်းလွှဲပေးဖို့အငြင်းခံရကာဖုန်းချခံလိုက်ရတော့သည်။

ပြန်ပေးဆွဲသမားအနက်တစ်ယောက်ကသခင်လေးဆီလျှောက်သွားပြန်ကာ သူ့မေးစေ့ကိုညှစ်ပြီး ဒေါသတကြီးမေးလာသည်။
"လုစစ်ရဲ့ကိုယ်ပိုင်အကောင့်နံပါတ်ကဘာလဲ။"

သခင်လေးမှာကြောက်ရွံ့နေပြီး သူ့မျက်လုံးများမှာမျက်ရည်တို့ပြည့်လျှံလျက် သူမဖုံးကွယ်ရဲဘဲ ထိတ်လန့်တကြားပြောလိုက်ရသည်။
"766XXX၊ သူသေချာပေါက်ငါ့ကိုလာကယ်မှာ၊ မင်း၊ သူ့ကိုကောင်းကောင်းပြောလိုက်၊ သူလာမှာ၊ သူသေချာပေါက်လာမှာ...."