!unicode!
မနက်စာစားချိန်မှထွက်ခွာချိန်အထိ လင်ခုံးလုမှာကောမန့်တောက်လျှောက်ဖတ်နေသဖြင့် လမ်းမီးတိုင်နှင့်တိုက်မိလုနီးပါးဖြစ်သွားပေမဲ့ လန်ဇယ်ကသူ့ကြောင်မြှီးကိုအချိန်မီလှမ်းဆွဲကာတားလိုက်နိုင်သည်။
လင်ခုံးလု: "?" ဒီဟာဘယ်တုန်းကထွက်လာတာတုန်းဟ?
သူအမြန်ပြန်ဖိသွင်းလိုက်ပြီး သူ့ခေါင်းကိုထိကြည့်လိုက်တော့၊ အမ်း၊ ကံကောင်းစွာဖြင့် ကြောင်နားရွက်များကတော့ထွက်မလာပေ။
ထို့နောက်ကောမန့်ဆက်ဖတ်လိုက်သည်။
လန်ဇယ်: "....." အင်း၊ တော်တော်လေးချစ်ဖို့ကောင်းသားပဲ။
လင်ခုံးလုဝေါလန်ကြယ်ဂြိုဟ်ကိုသွားသည့်စစ်သဘော်ပေါ်တက်မှသာရှင်းပေါ်ကထွက်ပြီး ပြောလိုက်မိသည်။
"အခုကစပြီး ခင်ဗျားအနုပညာအသိုင်းအဝိုင်းအကြောင်းဂရုစိုက်စရာမလိုတော့ဘူး။"
လန်ဇယ်သူ့ကိုတစ်ချက်ကြည့်ကာ တွေးလိုက်မိသည်၊ ဒီကြောင်ငပျင်းလေးကတကယ်ဆိုးဝါးပြီးအင်တာနက်သုံးစွဲသူတွေဆီကအမြဲဆူငေါက်ခံနေရတာကြောင့်မဟုတ်ရင် သူတကယ်ဂရုစိုက်မိမှာမဟုတ်လှ။
"ခင်ဗျားကသန့်ရှင်းအောင်လုပ်နေတာမဟုတ်ဘူး၊ မည်းနက်အောင်လုပ်နေတာပဲ!" လင်ခုံးလုသက်ပြင်းချမိသည်။
လန်ဇယ်: "?"
ဝေါလန်ဂြိုဟ်သားတတိယအခြေစိုက်စခန်း၊ ရုံးချုပ်။
အစည်းအဝေးခန်းမထဲတွင် ဗိုလ်ချုပ်မော့မှာနောက်ဆုံးတော့ "မဂ်လာပါ၊ အရှင့်သား၊ ကြင်ယာတော်၊ အရှင့်သားတို့ရဲ့ကြိုးစားပေးမှုအတွက်ကျေးဇူးတင်ပါတယ်"ဟူသည့်နောက်ဆုံးကောမန့်ကိုပို့စ်တင်ပြီးနောက်ဒီနေ့တာဝန်ပြီးဆုံးသွားသဖြင့် သက်မချလိုက်မိသည်။
"အကုန်ပြီးသွားပြီလား။" သူမျက်လုံးပင့်ကာ သူ့ရှေ့ကစီနီယာအရာရှိများကိုစကန်ဖတ်လိုက်သည်။
အရာရှိများမှာသူတို့၏ဆက်သွယ်ရေးစက်ကိုချက်ချင်းချကာ ခပ်တည်တည်ခေါင်းငြိမ့်ပြလိုက်ကြသည်။
လူတိုင်းဒီနေ့တာဝန်ပြီးဆုံးသွားမှန်းအတည်ပြုပြီးနောက် မော့ကစားပွဲပေါ်ရှိစစ်ဦးထုပ်ကိုယူဝတ်ကာ သေချာပြောလိုက်သည်။
"ဒါဆို အဲ့...ဘိုးဘေးလေးကိုသွားကြိုကြတာပေါ့။"
YOU ARE READING
ငါလှည့်စားခဲ့တဲ့ဇာတ်လိုက်ပြန်မွေးဖွားလာပြီဟ || ဘာသာပြန် [ Book-1 ]
RomanceBOOK-1>Arc(1)-Arc(8) လင်ခုံးလုသည် ခွေ့ချွမ်းကမ္ဘာတွင် အမြှောက်စာဇာတ်ကောင်ဖြစ်ကာ အဓိကဇာတ်ဆောင်ထက်ပင်ပို၍ဆန်ကုန်မြေလေးဆန်ပေ၏။ သူအနားယူတော့မည်အချိန်တွင် ခေါင်းဆောင်ကရုတ်တရက်ပြောလာသည်။ "မင်းသွားခဲ့တဲ့ကမ္ဘာကတစ်ခုခုမှားနေတယ်။ မင်းထပ်သွားရမယ်။" လင်ခုံးလုတွ...
![ငါလှည့်စားခဲ့တဲ့ဇာတ်လိုက်ပြန်မွေးဖွားလာပြီဟ || ဘာသာပြန် [ Book-1 ]](https://img.wattpad.com/cover/314337319-64-k57225.jpg)