ပြန်လည်မွေးဖွားလာသော ဧကရာဇ် (book 2) ဘာသာပြန်

Arc 2🗡79🗡ချင်မိသားစု၏ဘိုးဘေး (ပထမပိုင်း)

Chapter (79) Arc 2
ချင်မိသားစု၏ဘိုးဘေး (ပထမပိုင်း)

မိသားစုကြီး သုံးစုသည် အချင်းချင်း အမြဲပြိုင်ဆိုင်ခဲ့ကြသည်။ အပြင်ပန်းတွင် ဖော်ရွေကြသော်လည်း လျှို့ဝှက်စွာ ယှဥ်ပြိုင်သည့် နည်းလမ်းမျိုးစုံက တစ်မျိုးပြီးတစ်မျိုး ပေါ်ထွက်နေပါသည်။

အထူးသဖြင့် ချင်မိသားစုသည် ပထမမိသားစု၏ ခွန်အားကို အားကိုးကာ သူတို့နှင့် ကျောက်အိမ်တော်အား စက်ဆုပ်ဖွယ်ကောင်းသည့် အရာများစွာကို ပြုလုပ်ခဲ့သည်။ ချင်ဘိုးဘေးက အင်မတန် သန်မာတာကြောင့် သူတို့မှာ ဘာမှပြန်မပြောရဲခဲ့ပေ။

အဲဒီလူကိုသာ တစ်ရှိန်ထိုး သတ်ပစ်လိုက်နိုင်ခဲ့ရင် နှစ်ခါပြန် စဥ်းစားစရာ မလိုအောင် သဘောတူပြီးသား ဖြစ်သည်။ ဒီအရာဟာ ဟန်မိသားစုနဲ့ ကျောက်မိသားစုတို့ အိပ်မက်မက်ခဲ့လည်း ဖြစ်ပေ၏။

"ဆရာကြီး လုရွှမ်ရဲ့ အထောက်အပံ့ကို ရနိုင်ရင် ကျုပ် သေချာပေါက် လက်နှေးနေမှာ မဟုတ်ပါဘူး.."

ဟန်မိသားစု၏ ဘိုးဘေးက သူ၏စိတ်လှုပ်ရှားမှုကို နှိမ့်ချကာ ကမန်းကတန်း ပြောလိုက်သည်။

သူတစ်ယောက်တည်းက ချင်မိသားစုရဲ့ ဘိုးဘေးနဲ့ မယှဉ်နိုင်ပေမယ့် မုယန်ဖုန်း နဲ့ ဟန်ရောင်ကိုပါ ထည့်ပေါင်းလိုက်ရင် မတူတော့ဘူးလေ။

သူတို့ သုံးယောက်ပေါင်းလိုက်ရင် ၎င်းကို သတ်နိုင်ဖို့ ဖြစ်နိုင်ချေများသည်။

"ဒါနဲ့ ဆရာကြီးက ချင်မိသားစုကို ဘာကြောင့် သုတ်သင်ချင်တာလဲ?"

ဟန်မိသားစု၏ ဘိုးဘေးသည် လုရွှမ်အား ထူးဆန်းသော အမူအရာများ အပြည့်ဖြင့် ကြည့်နေတော့သည်။

တစ်ဖက်သားကို မယုံတာမဟုတ်ပေမယ့် ဒီကိစ္စက ကြီးလွန်းနေလို့ အဆင်မပြေရင် ဟန်မိသားစု ပျက်စီးသွားမှာမို့ တစ်ဖက်လူက နောက်ပြောင်တာ မဟုတ်ဘူးဆိုတာကို အတည်ပြုရမည်။

"ဘိုးဘေးကြီးကို တင်ပြပါတယ်...ချင်မိသားစုက လုရွှမ်ကို လိုက်သတ်ဖို့ လူတွေကို အကြိမ်ပေါင်းများစွာ စေလွှတ်ထားပြီး လွန်ခဲ့တဲ့ ရက်အနည်းငယ်ကမှ သူတို့က သမီးတို့ကို တိုက်ခိုက်ဖို့ ဂိုဏ်းဆရာနယ်ပယ် ပြီးပြည့်စုံခြင်းအဆင့်က လူနှစ်ယောက်ကိုတောင် စေလွှတ်ခဲ့တာ...ကံကောင်းလို့သာ မဟုတ်ရင် သမီးတို့ သေသွားတာကြာပြီ!"