Chapter (153) Arc 3
ရွှေငါးအကြေးခွံ
ထျန်ကျွင့်နမ်ရဲ့ စိတ်လှုပ်ရှားမှုနဲ့ ယှဉ်ရင် လုရွှမ်သည် ထိုအရာကို တစ်ချက်ကြည့်လိုက်ရုံနဲ့ အာရုံမစိုက်ချင်တော့ချေ။
ဤအလိမ်အညာ စာအုပ်များသည် ဝိညာဉ်နယ်ပယ် အဆင့်တွင် ရှိသော်လည်း ၎င်းတို့သည် အနိမ့်ဆုံး အဆင့်တွင်သာ ရှိသေးသည်။
"ဒါက ရွှေငါးရဲ့ အကြေးခွံလား"
အခန်းထဲ လျှောက်သွားပြီးနောက် လုရွှမ် တစ်နေရာ၌ ရုတ်တရက် ရပ်တန့်သွားပြီး သူ့မျက်လုံးများသည် ရွှေရောင် အကြေးခွံပေါ် ကျရောက်သွားခဲ့သည်။
ဤအရာအား မြင်လိုက်ရသည့် အခါတွင် ယခင်က ရတနာများစွာကို ဂရုမစိုက်ခဲ့သော လုရွှမ်၏ မျက်လုံးများမှာ စိတ်လှုပ်ရှားမှု အလင်းတန်းများ ထွက်ပေါ်လာခဲ့သည်။
"ရွှေငါးအကြေးခွံတွေ ရှိတယ်.... ဆိုလိုတာက ရှန့်ခုန်းချိုင့်ဝှမ်းထဲမှာ ရွှေငါး ရှိရမယ် ရွှေငါးဝိညာဉ်လည်း ရှိနိုင်တယ်!"
ရေရွတ်ရင်း လက်လှမ်း၍ အကြေးခွံကို ကောက်ယူလိုက်သည့။
ဇိဇီ
ဖီးနစ်၏မီးသည် လက်ချောင်းထိပ်များမှ ထွက်ပေါ်လာပြီး အကြေးခွံပေါ်တွင် လောင်ကျွမ်းသွားခဲ့သည်။ ရုတ်တရက်ပင် ပြင်းထန်သော ရနံ့တစ်ခု ထွက်ပေါ်လာပြီး လူတို့ကို ဝိညာဉ်စွမ်းအင် အတွင်း နှစ်မြုပ်သွား သကဲ့သို့ သက်တောင့်သက်သာ ခံစားလာရစေသည်။
"အဲဒါဘာလဲ?"
ထျန်ကျွင့်နမ်သည် ထိုရနံ့၏ ဆွဲဆောင်မှုကြောင့် ပဟေဠိဆန်သော အမူအရာဖြင့် လျှောက်လာခဲ့သည်။
"ရွှေငါး အကြေးခွံ... မီးလောင်သွားတဲ့အခါ စိတ်ဝိညာဉ်ကို သန့်စင်စေပြီး ဝိညာဉ်စွမ်းအား အတိုင်းအတာကို မြှင့်တင်ပေးနိုင်တယ်!"
လုရွှမ် အနည်းငယ် ပြုံးကာ လက်ကောက်ဝတ်ကို လှည့်ကာ အကြေးခွံပေါ်ရှိ မီးတောက်ကို မီးငြိမ်းစေပြီး ကျောက်စိမ်းပြားထဲသို့ ထည့်ထားလိုက်သည်။
"စိတ်ဝိညာဉ် စွမ်းအားကို တိုးစေတယ်?? ကမ္ဘာပေါ်မှာ ဒီလိုကောင်းတဲ့ အရာတွေလည်း ရှိတယ်လား?"
YOU ARE READING
ပြန်လည်မွေးဖွားလာသော ဧကရာဇ် (book 2) ဘာသာပြန်
Historical FictionArc 2 chapter (54)ရဲ့ အဆက်ပါ Arc 2 chapter (54)ရဲ႕ အဆက္ပါ
