Chapter (152) Arc 3
ကြေးနီကြက် အမျိုးအစားခွဲခြားခြင်း။
"ကောင်းပြီ... ဒီအခင်းအကျင်းကို ချိုးဖျက်ဖို့ နည်းလမ်းရှာရအောင်!... ဒီဘက်က ကျောက်အိတ်ကို ရိုက်လိုက်... ပြီးတော့ ဟိုဘက်က ကျောက်အိတ်ကိုရောပဲ"
လှိုဏ်ဂူထဲမှာ လုရွှမ်က ထျန်ကျွင့်နမ်ကို ကျောက်နံရံပေါ်က အချွန်အထက်များကဲ့သို့ ပုံစံပေါ်နေသော ကျောက်တွေကို ဆက်တိုက်ခိုက်ဖို့ ညွှန်ကြားနေ၏။
ဘယ်အချွန်ကိုပဲ ဖြစ်ဖြစ် အကြိမ်အနည်းငယ် ရိုက်သည်ဖြစ်စေ အကြိမ်ပေါင်းမနည်း ရိုက်သည်ဖြစ်စေ တိုက်ခိုက်မှုသည် ကျပန်း တိုက်ခိုက်ခြင်းမျိုး မဟုတ်ပေ။
ကျောက်နံရံမှာ အခင်းအကျင်း တည်ရှိနေတယ် ဆိုတာကို အတည်ပြုပြီး နောက်မှာတော့ ရပ်တန့်မနေဘဲ ဖွဲ့စည်းတည်ဆောက်ပုံ အမျိုးအစားနဲ့ ဖြိုခွဲနည်းကို အလျင်အမြန် ရှာဖွေခဲ့သည်။ သို့သော် သူ့ရဲ့ လက်ရှိ အင်အားနဲ့ ဖောက်ထွင်းလို့ မရနိုင်သေးလို့ ထျန်ကျွင့်နမ်ရဲ့ လက်ကိုပဲ အားကိုးရသည်။
ဗုန်း!
အချိန်မည်မျှ ကြာသွားသည်မသိ ကျောက်နံရံသည် အလင်းရောင်များ ဖြာထွက်သွားပြီး တောက်တောက် အသံနှင့်အတူ ပြိုကျပျက်စီးသွားသည်။
အခင်းအကျင်းကြောင့်သာ မဟုတ်ရင် ကျောက်နံရံသည် သာမန်စိမ်းပြာရောင် သံမဏိကျောက်တုံး တစ်ခုမျှသာ ဖြစ်သည်။ ဖြတ်ကျော်ရန် ယခင်ကဲ့သို့ ခက်ခဲနေမည် မဟုတ်ပေ။
"ကောင်းပြီ... မင်း လှုပ်ရှားဖို့ အချိန်ရောက်ပြီ ငါတို့ဝင်လာဖို့ ဒီမှာ လမ်းကြောင်းတစ်ခု လုပ်ပေးပါ..."
တောင်ဖောက်နဂါးကို ကြည့်ရန် ခေါင်းကိုလှည့်ကာ လုရွှမ်သည် အကွာအဝေး တစ်ခုကိုဆွဲ၍ ဆိုလိုက်သည်။
ဝူး!
တောင်ဖောက်နဂါးကြီးသည် သူ့စကားများကို နာခံလိုက်သည်။ ဟောက်သံနှင့်အတူ သူ့တစ်ကိုယ်လုံးရှိ အကြေးခွံများ ထိုးထွက်လာကာ သူ့ရှေ့က ကျောက်နံရံကို တည့်တည့် တိုးဝင်သွားသည်။
ဝုန်း!
ပြင်းထန်သော တုန်ခါမှုများကြောင့် ကျောက်တုံးများ ကွဲကြေကာ နေရာအနှံ့ ပြန့်ကျဲသွားသည်။ တောင်ဖောက်နဂါးကြီးသည် မြစ်နှင့်ပင်လယ်ကို ဖြတ်ကူးနေသည့် ဧရာမနဂါးကြီး ကဲ့သို့ ပြင်းထန်သော အင်အား၏ သက်ရောက်မှုအောက်တွင် သူ့ခန္ဓာကိုယ်သည် ရှေ့သို့ လျင်မြန်စွာ ရွေ့လျားသွားနေသည်။
ESTÁS LEYENDO
ပြန်လည်မွေးဖွားလာသော ဧကရာဇ် (book 2) ဘာသာပြန်
Ficción históricaArc 2 chapter (54)ရဲ့ အဆက်ပါ Arc 2 chapter (54)ရဲ႕ အဆက္ပါ
