Chapter (114) Arc 3
နောက်ပြန်လှည့်
"တစ်ကြိမ်အကဲဖြတ်ရင် စိတ်ဝိညာဉ်ကျောက်တုံး ၁၄၀၀ ကျမယ်"
အကဲဖြတ်သူက ရတနာကို ယူကာ အပိုစျေးနှုန်းတစ်ခု ထုတ်ပေးလာသည်။
ရတနာအကဲဖြတ် သူများသည် အကဲဖြတ်ရန်အတွက် ရတနာတန်ဖိုး၏ ၂၀% ကို ပေးဆောင်လေ့ရှိသည်။ ဤရတနာ၏ စျေးနှုန်းသည် ရောင်းချပြီးချိန်တွင် ၇၀၀၀ ဖြစ်ပြီး ၂၀% မှာ ဝိညာဥ်ကျောက်တုံး ၁၄၀၀ ဖြစ်သည်။
"ပိုက်ဆံပေးလိုက်!"
ဆူဖြိုးသော လူသည် ချမ်းသာပြီး တန်ခိုးကြီးမား၍ သူ့လက်ဝှေ့ယမ်းကာ သူ့နောက်တွင်ရှိ အစောင့်အကြပ်က ငွေပေးစေလိုက်သည်။
"ဝယ်လိုက်တာက အမြတ်ထွက်တယ်လို့ မင်းထင်သလား? ဒါမှမဟုတ် ဝယ်လိုက်လို့ ဆုံးရှုံးသွားတယ်လို့ မင်းထင်လား?"
"ဘယ်သူက သိနိုင်မလဲ!"
"ဝိညာဉ်ကျောက်တုံး ၇၀၀၀နဲ့ ဝယ်တယ်....အကဲဖြတ်ကြေးပါ ပေါင်းလိုက်ရင် စုစုပေါင်း ဝိညာဉ်ကျောက်တုံး ၈၀၀၀ လောက်ကို ရှိနေပြီ... အကဲဖြတ်ပြီးလို့ အဆင့်နိမ့်လွန်းရင် ဆုံးရှုံးမှုက ကြီးကြီးမားမား ဖြစ်သွားလိမ့်မယ်"
"ဒါပေမဲ့ ဒါက တစ္ဆေနယ်ပယ် ပြီးပြည့်စုံတဲ့အဆင့် လက်နက်တစ်ခု ဆိုရင် အမြတ်ပဲ!"
"မှန်တယ်... တစ္ဆေနယ်ပယ် ပြီးပြည့်စုံခြင်းအဆင့်က လက်နက်ဆိုရင် အဆိုးဆုံး သောင်းနဲ့ချီတဲ့ ဝိညာဉ်ကျောက်တုံးတွေပဲ... ဝိညာဥ်ကျောက်တုံး ၈၀၀၀နဲ့ ဝယ်ခဲ့ရတာ ဆိုတော့ အဲဒါက တကယ်ကို အမြတ်ကြီးပဲ!"
ပိုက်ဆံအများကြီး အကုန်ခံတဲ့ ဝဖိုင့်ဖိုင့်လူကြီးရဲ့ အသွင်အပြင်ကို မြင်တော့ လူတိုင်းက ရပ်ပြီး ပထမလူက ဘယ်လောက် ကံကောင်းလဲ ဘယ်လောက် ရှုံးလဲ သိချင်လွန်းလို့ ရပ်ပြီး ကြည့်နေသလို တခြား တစ်ယောက်ကလည်း စိတ်လှုပ်ရှားစွာ ကြည့်နေကြသည်။
ဒင် ဒင် ဒင် !
အကဲဖြတ်ကြေးကို လက်ခံရရှိပြီးနောက် ရတနာ အကဲဖြတ်သူသည် အဓိပ္ပါယ်မရှိသော အထူးကိရိယာများကို ထုတ်နှုတ်ကာ ရတနာ၏ မျက်နှာပြင်ရှိ ကျောက်တုံးများနှင့် မြေဆီလွှာများကို လျင်မြန်စွာ သန့်စင်စေပြီး အတွင်းသဏ္ဌာန်ကို ဖော်ထုတ်ပေးလိုက်သည်။
YOU ARE READING
ပြန်လည်မွေးဖွားလာသော ဧကရာဇ် (book 2) ဘာသာပြန်
Historical FictionArc 2 chapter (54)ရဲ့ အဆက်ပါ Arc 2 chapter (54)ရဲ႕ အဆက္ပါ
