ပြန်လည်မွေးဖွားလာသော ဧကရာဇ် (book 2) ဘာသာပြန်

Arc 3🗡16🗡အရူး

Chapter (16) Arc 3
အရူး

သူ့ရှေ့ရှိ မရေမတွက်နိုင်အောင် မြင့်မားသော အဆောက်အဦးများနှင့် ယင်းယန်အကယ်ဒမီ၏ ကမ္ပည်းပြားကြီးကို ကြည့်လိုက်ရာ လုရွှမ်၏ မျက်နှာမှာ မယုံကြည်နိုင်သည့် အကြည့်များ ပြည့်နှက်လာသည်။

"ဖြစ်နိုင်မလား"

ဒီအဆောက်အဦတွေကို သာမန်လူတွေ မျက်စိနဲ့မမြင်ရပေမယ့် သူ့မျက်လုံးထဲမှာတော့ ကောင်းကင်ရှိ ကြယ်များ၏ အသွင်အပြင်အရ လျှို့ဝှက်ဆန်းကြယ်၍ ကြီးမားသော အခင်းအကျင်း တစ်ခု ရှိနေသည်။

သူ့အရင်ဘဝက ဒီလိုမျိုး ကြီးမားတဲ့ ပုံစံမျိုးကို မြင်ဖူးပြီး ကိုယ်ခံပညာကို တိတ်တဆိတ် သင်ယူဖို့တောင် ခိုးဝင်ခဲ့ဖူးသည်။ သူ့ရှေ့မှာ ကြီးမားတဲ့ ပုံစံက သူ့အရင်ဘဝကထက် အများကြီး ပိုဆိုးနေသေးပေမယ့် ခိုင်မာသော ရှေ့ပြေးပုံစံ ဖြစ်သည်။

ဖွဲ့စည်းမှုဟာ တကယ်ပဲ လည်ပတ်နေတယ်ဆိုရင် သူမပြောနှင့် သေမျိုးအသွင်ပြောင်းခြင်းနယ်ပယ်က ဝင်သွားမိတာနဲ့ သေကြလိမ့်မည်။

"ယင်းယန်အကယ်ဒမီကို အမွေဆက်ခံခဲ့တာ ဖြစ်နိုင်မလား?"

လုရွှမ်မှာ အံ့ဩနေမိသည်။

လွန်ခဲ့သော နှစ်ပေါင်းသုံးရာခန့်က ဂိုဏ်းခြောက်ခုသာ သိကြပြီး ယင်းယန်အကယ်ဒမီ ကဲ့သို့သော သေးငယ်သော နေရာသည် လုံးဝမသိသာသည့်အပြင် ၎င်းတို့၏ တိကျသော အရင်းအမြစ်က ဘယ်ကလာသည်ကိုပင် မသိခဲ့ကြပေ။

သူတို့ရဲ့ အဆောက်အဦတွေနဲ့ အပြင်အဆင်ကို မြင်လိုက်ရတော့ သူ့စိတ်ထဲမှာ နည်းနည်းတော့ နားလည်သွား၏။ သို့သော် မှန်သည်ဖြစ်စေ မမှန်သည်ဖြစ်စေ အထဲကို ဝင်ပြီး ဂရုတစိုက် စောင့်ကြည့်နေဖို့ လိုပါသေးသည်။

အပြင်ဘက်က ကြည့်တာ အပြင်ပန်းပဲ မြင်ရလို့ အထဲရောက်မှ သူ့သံသယတွေ မှန်မမှန် အကဲဖြတ်နိုင်မည်။

"ယင်းယန်အကယ်ဒမီက သန့်ရှင်းတဲ့ နယ်မြေ... ပြင်ပလူတွေ ဝင်ခွင့်မပြုဘူး!"

ကျောင်းတံခါးကို ရောက်တာနဲ့ တစ်စုံတစ်ယောက်က လာရောက်တားဆီးလေ၏။