35 01
အပိုင်း (၃၅)
ပုံမှန်လုပ်နေကျအတိုင်း ကျန်းကျိရင် ယင်ညန်အား အဆုံးမရှိသော စာများပို့၍ စကားပြောတော့သည်။
"ခင်များ ဒီနှစ်ရက်အတွင်း မွေးထားတဲ့ ကြောင်လေးက ကျွန်တော်ဖြစ်နေမယ်လို့ လုံးဝ မျှော်လင့်မထားဘူး ဟုတ်တယ်မလား"
သူရုတ်တရက် တစ်စုံတစ်ခုကို တွေးမိလိုက်ပြီး အလျင်စလို စာရိုက်လိုက်သည်။
"ဒီနေ့ခေတ်မှာ တိရစ္ဆာန်တွေက သူတို့လိုချင်တဲ့ တစ်စုံတစ်ခု ဖြစ်အောင် ပြောင်းနိုင်ကြတယ်လေ ကျွန်တော့်ကို စိတ်ထဲ ထားမနေနဲ့ ခင်များ တစ်ခြား တိရစ္ဆာန်သေးသေးလေးတွေ ကောက်လာပြီး အိမ်ခေါ်သွားသေးလား အဲဒီဘယ်ကမှန်းမသိတဲ့ဟာလေးတွေနဲ့ လုံးဝ အတူတူမအိပ်နဲ့နော်.....အထူးသဖြင့် သူတို့ရှေ့မှာ ရေမချိုးရဘူး.."
"ဒါပေမဲ့ ကျွန်တော်လေ ခင်များက အဲလို အကောင်သေးသေးလေးတွကို ချစ်တတ်လိမ့်မယ်လို့ လုံးဝ မထင်ထားဘူး.. ကျွန်တော့်မှာလည်း ကြောင်လေး တစ်ကောင်ရှိတယ် အဲတာလေးကို ကျွန်တော်နဲ့ အတူတူ မွေးကြမယ်လေ ကျွန်တော့်ကို နောက်ထပ် ကြောင်တစ်ကောင်လို့ ထပ်မတွေးနဲ့တော့နော် ပြီးတော့ မီမီလို့လဲ မခေါ်နဲ့တော့ ကျွန်တော်တို့ မိသားစုထဲမှာ တကယ့်ကြောင်အစစ်က တစ်ကောင်ပဲ ရှိတယ် "ဒေါက်တာဝိုင်နဲ့ ကျန်းကျိရင်တို့ရဲ့ သားသားလေး" သူ့ကို အိမ်နာမည် "ယင်ရှောက်ရှန်း"လို့ ခေါ်လို့ရတယ်"
"အရမ်းကို စိတ်ပျက်စရာကောင်းတာ သိလား ကျွန်တော်လေ အခုထိ ယိုးခွင်နဲ့ တစ်ခြားသူတွေနဲ့ ဘယ်လို ဆက်လုပ်ရမလဲကို မသိတော့ဘူး"
"ဒီနေ့ ဖောက်သည်တစ်ယောက်လာတယ် ဘော့စ်က ကျွန်တော့်ကို အဲဒီဖောက်သည်နဲ့ပတ်သက်တဲ့ ပစ္စည်းတွေ သယ်ခိုင်း မိတ္တူတွေ ကူးခိုင်းလုပ်ခဲ့ပေမဲ့ အဲဒီဖောက်သည်ကို ရှောင်လိက ရသွားတယ်........ဒါပေမဲ့ ကိစ္စမရှိပါဘူး ကိစ္စမရှိပါဘူး...."
ကျန်းကျိရင် ရုတ်တရက် စာရိုက်နေသည်ကို ရပ်လိုက်ပြီး ဂိမ်းထဲမှ သူ၏ ကျောပိုးအိတ်ကို ဖွင့်လိုက်သည်။ ကျောပိုးအိတ်၏ ပထမဆုံး သိုလှောင်ဘူးနေရာလွတ်ထဲတွင် ထည့်ထားသော လက်စွပ်ကို ကြည့်လိုက်ပြီး တိတ်တိတ်လေး ပြန်ပိတ်လိုက်သည်။
YOU ARE READING
ချောက်ချားဖွယ်ရာဘော့စ်ကြီးကို ၃၆၃ရက် ပွတ်သီးပွတ်သပ် လုပ်ပြီးနောက်...
Fantasyဘာသာပြန်သူ - စွဲညို့အသင်း။ ဘာသာပြန်သူ၏မှတ်စု ဤဇာတ်လမ်းသည် ကျန်းကျိရင်၏ crush အား ကျူးပုံကျူးနည်း အဖြာဖြာကို ရှုစားရမည့် ဝတ္ထုဖြစ်သည်။
