ချောက်ချားဖွယ်ရာဘော့စ်ကြီးကို ၃၆၃ရက် ပွတ်သီးပွတ်သပ် လုပ်ပြီးနောက်...

Part 81

အပိုင်း (81)

ဒေါက်တာဝိုင်၏ အခြေစိုက်စခန်းတွင် မန်ခါလီနှင့် လဲ့တွန်းတို့က ထိပ်တိုက် ဆုံကြသည်။

မန်ခါလီကလည်း သူမ၏စိတ်စွမ်းအားကိုသုံးပြီး ရှင်းပြပေးသည်။

ခေါင်းဆောင်ဘာတွေတွေးနေမှန်း ငါနားမလည်တော့ပါဘူး၊ အရင်က သူပဲ အထူးတလည် ဆက်ဆံခိုင်းခဲ့တာ မဟုတ်လား၊ ဒါကလည်း ခေါင်းဆောင်ကျန်းကြောင့်ပဲ၊ ငါနားလည်ပြီးသား၊ ဘာလို့ရုတ်တရက် ယွီဟော်ကို သူတို့ကို ထပ်ပြီးတိုက်ခိုက်ဖို့ ညွှန်ကြားခဲ့တာလဲ

လဲ့တွန်းက မျက်မှောင်ကြုတ်သည်။

မင်းအပြင်များများ ထွက်သင့်တယ်၊

ဒီလိုအတိုင်းသာဖြစ်နေရင် မင်းကို ဖားမှိုဆွဲတော့မယ်၊ မင်းမကြားဘူးလား၊ ဒေါက်တာယင်နဲ့ ပိုင်မန်အဖွဲ့အစည်းက ကျန်းကျိရင်တို့က အတွဲလေ၊ ဒီတော့ ခေါင်းဆောင်က သူတို့ကိုဆက်ပြီး သည်းမခံနိုင်တော့တာ ရှင်းလင်းနေတာပဲ၊ ပြောရရင် သူဆက်ပြီး သည်းမခံနိုင်တော့တာ ဖြစ်ရမယ်၊ ငါကြားထားတဲ့အတိုင်းဆိုရင် ဟိုနှစ်ယောက်က သူတို့ရဲ့ဆက်ဆံရေးကိုတောင် တရားဝင်ကြေညာတော့မှာလေ

ဘယ်လိုဖြစ်နိုင်မှာလဲ

မန်ခါလီက ဖိအားများသွားသည်။ သူမက လဲ့တွန်းကို ပြန်ကြည့်သည်။

ခေါင်းဆောင်က ခေါင်းဆောင်ကျန်းကို ထွက်တွေ့ဖို့တောင် ငါကူညီပေးခဲ့သေးတယ်၊ သူတို့တွေ့တဲ့အချိန် ဘာပြောလဲဆိုတာကို မင်းသိလို့လား

လဲ့တွန်းက ခေါင်းခါသည်။

သိသိသာသာပဲ၊ ခေါင်းဆောင်နဲ့ ကျန်းကျိရင်တို့က မင်းနဲ့ငါတို့အရှေ့ အရင်ကတည်းက ဆုံခဲ့ကြပြီးသား၊ ကပ်ဘေးမစခင်ကတည်းက တွေ့ခဲ့ကြတာ ဖြစ်လောက်သေးတယ်၊ ဒါကြောင့် အခုသူတို့က မတူတဲ့ဘက်တွေမှာ ရပ်တည်နေကြပြီ၊ သူတို့အချင်းချင်း တစ်ဖန်ပြန်တွေ့တဲ့အခါ သူတို့ရဲ့ ဆက်ဆံရေးကို ဖျက်ဖို့ ကြိုးစားမှာပဲ

မန်ခါလီက ကြောင်သွားသည်။ ထို့နောက် မေးကြည့်ရန် ကြိုးစားသည်။

ဆိုတော့ ခေါင်းဆောင်ကအခု သဝန်တိုနေတယ်လို့ ထင်တာလား၊ ဒီတော့သူက အဲဒီနှစ်ယောက်ရဲ့ဆက်ဆံရေးကို ဖျက်ဆီးဖို့အတွက် ဒိီလို အခြေအနေဖြစ်အောင် လုပ်ခဲ့တယ်ပေါ့လေ