60 01
အပိုင်း (၆၀)
"ရှောင်မို"
ကျန်းကျိရင် သူ့ရှေ့မှ မိန်းကလေးကို ကြည့်ရင်း တစ်ခနလောက် ဆွံ့အသွားသည်။ သို့သော် ယခုအချိန်တွင် သူအသိချင်ဆုံး ကိစ္စမှာ တစ်ခြားသော မေးခွန်းဖြစ်သည်။
"မင်း သူ့နာမည်ကို ဘယ်လို သိတာလဲ"
"ဒေါက်တာဝိုင်နဲ့ ကျန်းကျိရင်တို့ရဲ့ သားသားလေး"
သူ ဤနာမည်အား ယင်ရှောက်ရှန်းကိုသာ ပြောပြခဲ့ဖူးသည်။ ထို့အပြင် အပြင်လောက ဂိမ်းထဲမှ ယင်ညန်ကိုလည်း ပြောပြခဲ့ဖူးသည်။
မုန့်ကာလီက ပြန်ဖြေသည်။
"ဒေါက်တာပြောပြတာ ကျွန်တော်တို့ အားလုံးကို..."
'သူက ဘယ်လိုလုပ် သိရတာလဲ'
ကျန်းကျိရင် ချက်ချင်း မူးခနဲမိုက်ခနဲပင် ဖြစ်သွားသည်။ ထိုအခိုက်အတန့်တွင် သူ လျစ်လျူရှုခဲ့သော အရာအားလုံး မဟုတ်သေး ယခင်က လုံးဝ မတွေးမိခဲ့သော အရာများက သူ့ခေါင်းထဲသို့ အလုအယက် တိုးဝင်လာသည်။
ယင်ညန်လိုလူမျိုးက ကြောင်တစ်ကောင်ကို တရားလွန် အလိုလိုက်အကြိုက်ဆောင်၍ မွေးသည်။ ပိုင်မုန့် အဖွဲ့အစည်းတွင် ဒေါက်တာယင်ဟူ၍ အသွင်ယူပြီး တရားမျှတသည့် လူ့အဖွဲ့အစည်းသို့ ဝင်လာပြီး သူ့ကိုမှ အထူးတလှယ် ဂရုစိုက်ပေးခဲ့သည်။ ထို့အပြင် ထန်လီ၏ တင်ပြချက်ထဲမှ ဒေါက်တာဝိုင် လုပ်ခိုင်းခဲ့သော ချောကလက်များသည် သူ Item Store မှ ဝယ်ပေးတတ်သော အသည်းပုံ ပန်းရောင် ချောကလက်ဘူးနှင့် တစ်ထပ်တည်း တူနေခြင်း၊ သူ၏ ပစ္စတိုတွင် ရေးထိုးထားသော "ကိုယ့်ရဲ့ အချစ်စစ်" ဟူသော စာလုံးများ၊
မည်သည့်နေရာမှ ပေါ်လာမှန်းမသိသော အလွန်တရာ သန်မာသည့် ရှန်းရှီ နှင့် ထိုသူ၏ သူ့အပေါ် ခံစားချက်များ ဖွင့်ဟခဲ့ပုံများ.... ထိုသူသည် သူ့အပေါ်တွင် စတွေ့စဉ်က စိတ်ပျက်စရာကောင်းသော လုပ်ရပ်တစ်ချို့ကို လုပ်ခဲ့သည်မှန်သော်လည်း နောက်ပိုင်းတွင် သူ(ကျန်းကျိရင်) ကိုယ်တိုင်ကပင် ထိုသူအနားသို့ ရောက်ရောက် သွားမိသည်။
أنت تقرأ
ချောက်ချားဖွယ်ရာဘော့စ်ကြီးကို ၃၆၃ရက် ပွတ်သီးပွတ်သပ် လုပ်ပြီးနောက်...
الخيال (فانتازيا)ဘာသာပြန်သူ - စွဲညို့အသင်း။ ဘာသာပြန်သူ၏မှတ်စု ဤဇာတ်လမ်းသည် ကျန်းကျိရင်၏ crush အား ကျူးပုံကျူးနည်း အဖြာဖြာကို ရှုစားရမည့် ဝတ္ထုဖြစ်သည်။
