ချောက်ချားဖွယ်ရာဘော့စ်ကြီးကို ၃၆၃ရက် ပွတ်သီးပွတ်သပ် လုပ်ပြီးနောက်...

Part 39

39 01

အပိုင်း (၃၉)

ယိုးခွင်သည် စိတ်စွမ်းအားရှင်တစ်ယောက် ဖြစ်သည့်အလျောက် သူတို့ စိတ်စွမ်းအားတိုက်ခိုက်မှုထဲသို့ ကျရောက်နေကြောင်းသိလေသည်။ ထို့ကြောင့် ဤစက္ကန့်ပိုင်းအတွင်းမှာပင် သူအတိုက်ခိုက်ခံနေရပြီဆိုတာ သေချာနေခဲ့ပြီး တစ်ဖက်လူ ဖန်တီးထားသည့် ပုံရိပ်ယောင်အတွင်း ဝင်သွားမိသည်မှာ သေချာသွားသည်။

သို့သော် သူ ဤတိုက်ခိုက်မှုကို မရှောင်ရှားနိုင်သည်မှာလည်း သာမန်သာ ဖြစ်သည်။

နောက်ဆုံးတွင် သူ၏ ပြိုင်ဘက်သည် အဆင့်ခြောက် စိတ်စွမ်းရှင်ဖြစ်သည်။ ထို့ကြောင့် ဤအကြောင်းအရာများမှာ အမှန်မဟုတ်ဟူ၍သာ တွေးနေပြီး အရာအားလုံးကို လစ်လျူရှုထားနိုင်သ၍ သူအဆင်ပြေနေမည်ဆိုသည်ကိုလည်း သူသေချာပေါက် သိထားသည်။

ဤနေရာတွင် သူသည် ကလေးဘဝမှ လူငယ်ဘဝ နောက်ဆုံး ကမ္ဘာပျက်ကပ်ရောက်သည်အထိ ကြုံတွေ့ခဲ့ရသည်။ ထို့အပြင် ထိုစဉ်အချိန်အခါများတွင် ကြုံတွေ့ခဲ့ရသော ဝမ်းနည်းမှု၊ ပျော်ရွှင်မှု၊ ပူဆွေးမှု၊ မောက်မာမှု ၊ ကြောက်ရွံ့မှုတို့ကိုလည်း ခံစားခဲ့ရပြီး နောက်ဆုံး ယနေ့တိုက်ပွဲအထိ အကုန်ပြန်ပြီး ခံစားဖြစ်ပေါ်လာသည်ကို ကြုံရသည်။

နောက်ဆုံး ဤပုံရိပ်ယောင်အတွင်းမှ လွတ်မြောက်ပြီထင်ပြီး ပျော်သွားတော့မည့်အချိန်တွင် သူ့နှလုံးကို ရေခဲမြှားတစ်စင်း ရုတ်တရက် ဖောက်ဝင်သွားကာ သူ့ခန္ဓာကိုယ်တစ်ခုလုံးမှ သွေးများ အေးခဲသွားသည်။ သူတို့ တိုက်ပွဲတွင် ရှုံးနိမ့်သွားပြီး အခြေစိုက်စခန်းမှ နှင်ထုတ်ခံခဲ့ရသည်။ အစပိုင်းတွင် သူတို့သည် အခြေစိုက်စခန်း ခပ်သေးသေးတစ်ခုသို့ ဝင်ခဲ့ကြပြီး သူတို့၏ စွမ်းရည်အဆင့်များကြောင့် ထိုစခန်းတွင် အာဏာရသူများဖြစ်လာကြသည်။

သူတို့သည် စခန်းမှ လူတိုင်းအပေါ် နိုင့်ထက်စီးနင်းဆက်ဆံခဲ့ကြပြီး သာမန်လူများကို လူလိုမဆက်ဆံခဲ့ကြပေ။ သို့သော် သကာလောင်းထားသော တိုက်ခိုက်မှုများအောက်တွင် ဝမ်ဖုန်းတစ်ယောက် မကြာခင်တွင် တစ်စုံတစ်ယောက်နှင့် ချစ်သွားတော့သည်။ သူ(ဝမ်ဖုန်း)သည် ကိုယ်တိုင်ကိုယ်ကျ သူ့(ယိုးခွင်)ကို သတ်ခဲ့ပြီး သူ၏ သလင်းအမြုတေကို သူ၏ချစ်သူအသစ်လေးအား ပေးခဲ့သည်။