Chapter (913)(စာစဉ် ၆၆- အပိုင်း၃)
“ပြင်းထန်စွာ စုပ်ယူခြင်း”
ရဲရှောင် စိတ်ထဲ ကြိတ်ကျေနပ်နေမိသည်။
အားဟူအပေါ် သဘောထားကြီးသယောင် ပြသခဲ့ သည် မဟုတ်ပါလား။
စင်စစ် ရဲရှောင်မှာလည်း လူပါး။
တိမ်တိုက်များနှင့် ပတ်သက်လျှင် မည်သို့ ဖြေရှင်း ရမည်ကို သူမသိ၍ ယခုလို သဘောထားကြီးပြခြင်း ပင်။
အားဟူမှာမူ အမှန်တကယ် အံ့ဩနေသည်။
(ကြားသားမိုးကြိုးပါလား . . .)
(ငါ့သခင်ရော ဟုတ်ရဲ့လား . . .)
ထိုစဉ် ရဲရှောင်က -
“ဘာတွေ တွေးနေတာလဲ လုပ်တော့လေ . . .”
“လုပ်စရာရှိတာသာ မြန်မြန်လုပ်လိုက်တော့ . . .”
အားဟူက ရဲရှောင် အမှန်တကယ် ခွင့်ပြုမပြုကို စောင့်နေဟန်ပါပင်။
ယခုအခါ သခင်၏ ခွင့်ပြုချက်ကို ရလိုက်ပြီ ဖြစ်၍ အားဟူ အလွန် ပျော်ရွှင်သွားသည်။
ထို့နောက် ရဲရှောင်ကို လေးငါးပတ်ခန့် ပတ်လိုက် ပြီး ဝတ်ရုံစကို လက်သည်းဖြင့် ခပ်ဖွဖွ ကုတ်ခြစ်ကာ ပျော်ရွှင်သည့် ဟန်မျိုး လုပ်ပြလိုက်သည်။
“ညောင် . . .”
အော်သံ အဆုံးတွင် အားဟူလည်း အနီရောင်နှင့် အဖြူရောင် တိမ်တိုက်များကြား ပြေးဝင်သွားသည်။
“ကြောင်ငတုံးကောင် . . .”
“သေတော့မလို ဖြစ်နေတာလား မသိဘူး . . .”
“ဖြည်းဖြည်း မပြေးဘူး အောက်ကိုသာ ပြုတ်ကျ သွားရင် ဘယ်လိုလုပ်မလဲ . . .”
ရဲရှောင် ထိုသို့ ပြောနေချိန်တွင် အားဟူက တိမ်တိုက်များကြား လွင့်မျောနေပါပြီ။
သူစိုးရိမ်နေသလို အောက်ပြုတ်ကျဖို့ မဆိုနှင့် ပျော်ပင် ပျော်ရွှင်နေပါသေးသည်။
တိမ်တိုက်များက မြေပြင်အလား ဖြစ်တည်နေ၍ အားဟူအဖို့ အေးအေးလူလူပင် နေနိုင်နေသည်။
ထို့ကြောင့် ခုန်ဆွခုန်ဆွဖြင့် တိမ်တိုက်များကြား ဟိုဟိုဒီဒီပင် ပြေးလွှားနေတော့သည်။
YOU ARE READING
မိုးကောင်းကင်အောက်မှကလဲ့စား (အတွဲ ၄) မိုးေကာင္းကင္ေအာက္မွကလဲ့စား
AdventureMc က ဥာဏ်အရမ်းများပြီး စည်းရုံးသင့်တဲ့လူဆို စည်းရုံးပြီး အပြတ်ရှင်းပစ်သင့်တဲ့ လူဆို အပြတ်ရှင်းပစ်တတ်တဲ့ character ပါ။ (っ˘̩╭╮˘̩)っ လက်တွဲဖော်တစ်ယောက်ထက်ပိုပါတယ်။ မင်းသားကပွေရှုပ်နေတာမျိုးတော့မဟုတ်ပါ။ Mc က ဥာဏ္အရမ္းမ်ားၿပီး စည္း႐ုံးသင့္တဲ့လူဆို စည္း႐...
