အခန်း (၉၆၈)(စာစဉ် ၇၀- အပိုင်း၂)
“ရွှမ်ပိုင်၏ သဝန်တိုမှု”
ရွှမ်ပိုင်၏ သဘောထား ပြောင်းလဲလာသည်ကို ရဲရှောင် သတိမပြုမိသေးချေ။
မကြာခင် သူဒုက္ခရောက်တော့မည်ကိုလည်း မသိ ဘဲ မိန်းကလေးများ အကြောင်းကိုသာ ဆက်ပြောနေ သည်။
ထိုမိန်းကလေးမှာ တိမ်မြူခိုးနန်းတော် အတွက် မည်မျှအရေးပါပုံ၊ မည်သို့ အရာရောက်ပုံများကိုလည်း ရှင်းပြနေပြန်သည်။
“ဟဲဟဲ . . .”
“ကျုပ်ကို သိပ်မမြှောက်ပါနဲ့ . . .”
“အဲဒီ မိန်းကလေးနှစ်ယောက်မှာ တစ်ယောက်က မိန်းကလေး ပိုင်ရှင်းယွဲ့ နောက်တစ်ယောက်ကတော့ မိန်းကလေး ဝရမ်ချူးချူးလေ . . .”
“ဪဒါနဲ့ မိန်းကလေး ဝရမ်က မိန်းကလေးပိုင် ရဲ့ တပည့်ပဲ . . .”
ရွှမ်ပိုင်၏ မျက်လုံးများ အရောင်ဝင်းလက်သွားပြီး နောက် -
“အင်း ဟုတ်တယ် . . .”
“သူတို့က ငါ့ရဲ့ ဂိုဏ်းထဲမှာ ရှိတယ် . . .”
“အဲဒီတော့ ဘာဖြစ်လဲ . . .”
ရဲရှောင် ပြုံးလိုက်သည်။
သူ၏ ပုံစံမှာ ရွှမ်ပိုင်မှ စိတ်ဝင်စားနေ၍ ကျေနပ် နေသည့်ပုံလည်း ပေါ်သည်။
“ကျုပ်က သူတို့နဲ့ ကျုပ်လာခဲ့တဲ့ နေရာမှာ တွေ့ခဲ့ ကြတာပေါ့ . . .”
“သူတို့ရဲ့ ပြဿနာကိုလည်း ကျုပ်ကူညီပြီး ဖြေ ရှင်းပေးခဲ့သေးတယ်၊ အဲဒါကြောင့်ပဲ ကျုပ်တို့က မိတ် ဆွေတွေ ဖြစ်လာကြတာပေါ့ . . .”
ရွှမ်ပိုင်မှ အံတင်းတင်း ကြိတ်လိုက်ရင်း -
“ဪ ပြဿနာတွေ ဟုတ်လား . . .”
“ဘယ်လို ပြဿနာမျိုးတွေလဲ ပြောစမ်းပါဦး . . .”
ရဲရှောင်မှ အပြုံးဖြင့် -
“သိပ်ကြီးကြီးမားမားတော့ မဟုတ်ပါဘူး . . .”
“ခင်ဗျားတို့ရဲ့ ကျင့်စဉ်က အဆင့်တက်တဲ့နေရာမှာ ပြဿနာ နည်းနည်းရှိတယ် . . .”
“ခင်ဗျားတို့ လင်းရှောင် ရေခဲကျင့်စဉ်ကို အဆင့် တက်ဖို့ ကြိုးစားတိုင်း ခင်ဗျားတို့ပေါ်ကို အမြဲတမ်း သက်ရောက်မှု ဖြစ်နေတယ် မဟုတ်လား . . .”
YOU ARE READING
မိုးကောင်းကင်အောက်မှကလဲ့စား (အတွဲ ၄) မိုးေကာင္းကင္ေအာက္မွကလဲ့စား
AdventureMc က ဥာဏ်အရမ်းများပြီး စည်းရုံးသင့်တဲ့လူဆို စည်းရုံးပြီး အပြတ်ရှင်းပစ်သင့်တဲ့ လူဆို အပြတ်ရှင်းပစ်တတ်တဲ့ character ပါ။ (っ˘̩╭╮˘̩)っ လက်တွဲဖော်တစ်ယောက်ထက်ပိုပါတယ်။ မင်းသားကပွေရှုပ်နေတာမျိုးတော့မဟုတ်ပါ။ Mc က ဥာဏ္အရမ္းမ်ားၿပီး စည္း႐ုံးသင့္တဲ့လူဆို စည္း႐...
