أحلام يعرب (ليبية_منقولة)

الحلقة 32

#أحلام_يعرُب ((بين الحب والحرب))
#الحلقة_32 (( الفصل التاسع عشر كشف المستور))
((دراما واقعية مقتبسة من أحداث حقيقية))
.
.
.
لايك قبل تقري ♥
.
.
.
«اللهم إنّي أسألك في صلاتي ودعائي بركة تطهّر بها قلبي، وتكشف بها كربي، وتغفر بها ذنبي، وتصلح بها أمري، وتغني بها فقري، وتذهب بها شرّي، وتكشف بها همّي وغمّي، وتشفي بها سقمي، وتقضي بها ديني، وتجلو بها حزني، وتجمع بها شملي، وتبيّض بها وجهي يا أرحم الرّاحمين»
.
.
.
صكرت باب سيارتها.. ودخلت للمبنى.. والملف في يدها... خشت وتوجهت للمكتب طول

دقت بأطراف أصابعها على الباب... رفع رأسه وشافلها.. مبتسمة بخجل  :  السلام عليكم

في البداية عقد حواجبه مش متذكرها.. وبعدين أبتسم و وقف  :  وعليكم السلام.. اهلين تفضلي

قربت من المكتب  :  شكرا... كيف حالك

مد يده  :  الحمدالله بخير.. تفضلي قمعزي

قمعزت ومدت الملف  :  هذا ملف امي زي ماطلبت

عقد حواجبه.. وفتحه يقلب في الاوراق ويقرأ.. وبعدين رفع راسه  :  هممم.. زي ماقلت من قبل.. الموضوع هادا مايحلاش غير المصرف اللي فيه حساب الوالدة.. صاير لاخبطة في رقم لحساب

يقين عبست  :  شن اندير انا توا يعني

تنهد وصكر الملف  :  ماتخافيش.. عندي خويا يخدم في نفس المصرف وبنخليه يتكفل بالموضوع بنفسه ويحله ليك بسرعة.. بنعطيك اسمه وبتاخدي اوراقيك هادم وكل شي خاص بالوالدة من بطاقة شخصية او جواز سفر وتمشي اتقوليله أني من طرف صدام وبأذن الله امورك كلها بتنحل بسرعة

يقين ابتسمت  :  ياريت والله لان الموضوع طول واجد وامي تاخذ في علاج ومحتاجة مرتبها ضروري

ابتسم  :  بتنحل باذن الله والف لاباس على الوالدة.. غير أهم شي فكينا من الدعاوي متاعك

ابتسمت بخجل ونزلت اعيونها  :  متأسفة كان قلت كلام في ساعة غضب.. بس والله مش قصدي

صدام  :  حصل خير ماعليش

رفعت اعيونها  :  لا والله جديات مش قصدي ندعي عليك او اي شي.. بس يومها كنت فعلاً معصبة ومتوترة من الامتحانات والتعب وفورة اعصابي جت فيك.. متأسفة وياريت تعذرني ياخوي

ابتسم  :  ولا يهمك.. وخلاص عاد قتلك معذورة معادش تتأسفي تاني

يقبن  :  باهي تمام... شنو توا.. امتى نمشي لمصرف

عقد حواجبه.. وفتح درج طلع ورقة.. وكتب فيها رقم جمال.. ومدها لها  :  هادا رقم خوي.. اسمه جمال.. مجرد ما تتلاقي معاه حايعرفك على طول.. لاني كلمته عليك

خذت منه وشافت لرقم.. وبعدين فتحت شنطتها وحطت الورقة

صدام مد يده  :  معاك البطاقة الشخصية متاع الوالدة او جواز السفر توا