أحلام يعرب (ليبية_منقولة)

الحلقة 89

#أحلام_يعرُب ((بين الحب والحرب))
#الحلقة_89((الفصل السادس والاربعون_أثراً بعد عين))
((دراما واقعية مقتبسة من أحداث حقيقية))
.
.
.
لايك قبل تقري ♥
.
.
.
«اللهم استعنت بك في كشف كل غمة، فيسر لي بلطفك كل عسير، إن تيسير العسير عليك يسير، اللهم اجعل لي سورًا من لطفك يحول بيني وبين ما يؤذيني ومن يعتد علي. اللهم يا حيّ يا محيي، يا كافي يا كريم، أجرني في مصيبتي بالرضى والعفو والعافية، والمعافاة الدائمة، في الدنيا والآخرة، والعوض الصالح في الزوج، والأهل والجسد والمال والأصحاب والعمل والذرية، إنك على كل شيء قدير، وارحمني برحمتك واكشف ما نزل بي من ضر، وخلفني خلاصًا جميلًا عاجلًا غير آجل»
.
.
.
اكيد في شي صار غير رائها..لكن شنو؟!!

وهنا قرر يسألها  :  كيف صار.. مش قبل ماتبيش.. شن غير رائك فجاة

ابتسمت وملامح وجهها بدت عليهم الراحة اكثر من قبل  :  ماهو باتي طلع من المستشفى

عقد حواجب  :  جديات؟!!

رفعت تليفونها  :  اها والله... توا كنت نحكي مع عمي اجويدة وقالي الدكتور اليوم دارله خروج

يعرب  :  الحمدالله  على سلامته

تحكي بحماس  :  الله يسلمك...الاسبوع هذا كل مرة نتصل بيهم انحسه احسن من قبل وصحته تتحسن واجد... واليوم الدكتور بعد شاف وضعه احسن.. قرر ايطلعه من المستشفى

يعرب  :  ماشالله... وعلى اي اساس طلعه.. قصدي معادش في علاج والا شني

هزت رأسها  :  لا مازال مابدأ في علاجه.. قال بيخليه يتريح اسبوع هكي ويزيد يتحسن اكثر وبعدين يبدأ في علاجه باذن الله

بلل شفافه  :  على خير إن شاءالله

ابتسمت  :  إن شاءالله

عقد حواجبه لاحظ الراحة في صوتها و وجهها.. قرب منها  :  وهادا علاش غيرتي رائك وقررتي تمشي لطرابلس

مسكت ايديها في بعض وتحكي بتوتر  :  بصراحة ماكنتش نقدر نمشي لاي مكان وبوي مريض وراقد في المستشفى... بس توا على الاقل وضعه اكويس وطلع من المستشفى ومادام الدكتور طلعه من المستشفى فأكيد صحته اكويسة والا لا

يعرب  :  اي أكيد

اتشوف لعيونه  :  وبصراحة اكثر ما نبيش نكسر بخاطر عمتي والبنات ونحرمهم من المشية

يعرب  :  أحلام ماتفكريش في حد الا نفسك... لو ماتبيش تمشي ماتخليش شي يأثر عليك وعلى قرارك

هزت رأسها طول   :  لا لا الوضع تمام.. ومافيش مشكلة عندي مادام اطمنت على بوي خلاص

ميل راسه بشك وبنفس نظرته المعتادة   :  متأكدة

ابتسمت بمجاملة  :  متاكدة إن شاءالله...عدي شوف عمتي واحكي معاها وخليهم يجهزوا اروحهم بدري