أحلام يعرب (ليبية_منقولة)

الحلقة 37

#أحلام_يعرُب ((بين الحب والحرب))
#الحلقة_37((الفصل العشرون فبراير الحزين))
((دراما واقعية مقتبسة من أحداث حقيقية))
.
.
.
لايك قبل تقري ♥
.
.
.
« اللهم بلطيف صنعك في التسخير، وخفي لطفك في التيسير، الطف بي فيما جرت به المقادير، واصرف عني السوء إنك على كل شيء قدير»
.
.
.
رمش عينه الحاد.. بالعادة يزيد من نظرته العصبية خوف
أما توا وبالشكل هذا.. ولما يكون ناعس او كيف نايض
يزيد من جمال اعيونه.. ويعطي شعور بالتوتر اكثر
فمه الشبه مفتوح اشوي...فيه رجفة خفيفة زي مايكون في كلمات تبي تتطلع منه بالرغم عنه

رفع اعيونه لعيونها... ويده القوية مازال شادة معصم يدها بقوة... حس برعشة جسمها

بلعت الكيكة بالغصب وترجف  :  شن تبي مني.. باعد من عليا

حرك يده وجبرها اتكب طاسة العصير في الحوض

انفتحت اعيونها بصدمة  :  ليش هكي باهي؟!!

بلع ريقه وتنهد... فلت يدها وخر عنها.. وطلع من المطبخ

زمت فمها وطلعت وراه  :  هذا شنو يعرب... شن الحركات هذين

فتح باب الشقة وبيطلع  :  سقدي روحك واطلعي هيا كان بتمشي لجامعة

تكلمت بسرعة وقهر  :  وصلت بيك لعند هنا... معقولة هذين تصرفاتك توا... خلاص هذا اخر شي عندك... عمري ماتخيلت بيكون هذا تفكيرك للاسف.. وبدير حركات تافة زي هكي

رفع حاجبه وتلفت عليها  :  قصدك على العصير اللي توا.... راهو فاسد وهذا علاش بزعته

تكلمت بحدة  :  كيف فاسد.. العصير جديد واليوم كيف فتحته

رفع يده بحدة  :  اليوم والا امس مايهمنيش.. أني جيت بنشرب منه وانتي تلبسي..و البلي فاسد وفيه بنة غربية.. ابصر سوء تخزين والا صلاحيته تامة وخرب

أحلام بعناد  :  وحتى كان خارب وفيه بنة.. انتا شن دخلك بيا نشربه والا انخليه

تنهد وقلب اعيونه  :  ياسر من الدوة الزايدة ع الصبح.. أني بننزل الحقني تحت لسيارة

طلع وصكر الباب.. واحلام زفرت بعصبية... رجعت للمطبخ.. وشافت لسفرة زين... وبعدين بحتت للكناسة وكان باكو العصير محذوف فيها.. يعرب مفضيه في الحوض كله

غمضت اعيونها وتتخيل في الموقف بينهم من شويا... وين كان لما دخلت للمطبخ... الباين كان واقف في جيهة الثلاجة هذا ليش ماشافتاش لما خشت

ليش ماقالش العصير خارب وخلاص.. عليش قربي مني ودار معايا هكي.... كان قاصد يقرب مني ويشوش تفكيري.. والا كان يشوف لردة فعلي عليه

نفخت من تفكيرها.. رفعت شنطتها وطلعت من المطبخ.. نزلت لتحت وتوجهت لسيارة... كان مقمعز ويشوف لتليفونه والسيارة والعة... مجرد ماقمعزت وصكرت الباب.. تحرك طول