أحلام يعرب (ليبية_منقولة)

الحلقة 90

#أحلام_يعرُب ((بين الحب والحرب))
#الحلقة_90((الفصل السادس والأربعون_أثراً بعد عين2))
((دراما واقعية مقتبسة من أحداث حقيقية))
.
.
.
لايك قبل تقري ♥
.
.
.
«يا رب ترى ضعفي وقلة حيلتي، فإني ضعيف ذليل متضرع إليك مستجير بك من كل بلاء، مستتر بك فاسترني يا مولاي مما أخاف وأحذر وأنت أعظم من كل عظيم، بك استترت يا الله. اللهم إني أسألك مغفرة تشرح بها صدري وترفع بها ذكري وتيسر بها أمري وتكشف بها ضري وترفعه بها إنك على كل شيء قدير»
.
.
.
السبت  6 / 6/ 2015  قبل المغرب

كانت فطيمة مع اولادها عند حوش خوها اسماعيل ⬇️

تنهدت بتعب  :  والله ياوخيتي صارت فينا لليلة مانحساب الصبح يطلع عليا من الرعايش يومها

فطيمة  :  الحمدالله اللي ربي ستر وسلم... حتى احني اللي بعاد عنكم وين.. رعشنا معاكم وحسيت روحي مرضت ليلتها.... وراهو هادا كله ماقالوليش الا بعد اطمنوا على الصغير قبل

عويشة  :  باهي اللي ماريته اللي شبحته اني... رعشونا وداروا فينا لليلة سودة يرعش حشاهم... حتى صدام مسكين جابه الحظ قدام حوستنا ورعشناه معانا

تنهد ومسح وجهه  :  الحق اني اللي كنت  حايس وخايف عليه وحوسته معاي وصار اللي صار

يعرب  :  ماعليش اللي صار نصيب ومكتوب من ربي والحمدالله على سلامة الولد

سمعة  :  الله يسلمك

فطيمة  :  زعما كان مشينا للمستشفى توا يدخلونا نشوفوه

صدام  :  لا يما.. اليوم الوقت تأخر.. غدوة الصبح نرفعك زيارة وتطمني عليه

عويشة  :  اي حق..  خليك مستريحة اليوم كيف واصلة من سفر وطريق طويلة... غدوة بادن الله نمشوا مع بعضنا

مرر نظره على اولاد اخته  .. وعقد حواجبه  :  وينه سيف... خيره ماجاش معاكم

جمال  :  كان بيجي معانا لكن شدوا فيه اولاد امجاد قال توا ايجي غدوة مع البنات اخواته

عويشة  :  مرحبا بيهم

فطيمة  :  سلمك وإن شالله  هادا حد السوء... ومانجوكم الا في الفرح والخير ياربي

عويشة  :  إن شالله يارب.  اجمعين

سمعة تنهد وقف  :  عشاءكم الليلة عندي رد بالكم تتحركوا

فطيمة  :  لكن احني اااا

رفع يده  :  خلاص كلمة وحدة عاد بتتعشوا معانا الجود من الموجود.... تلفت على يعرب  :  تعالا نبيك

كح وصبا وقف  ولحق خاله برا...
.
.
.
************«روايات أم ناصر»
.
.
.
مسحت مكان القرصة وفنصت فيها :  وووك خيرك معاي يادعوة

هناء قلبت اعيونها وحطت يدها على وجهها وشافت لعروبة.. والاخيرة اتفنص في اختها اللي مش فاهمة شي