أحلام يعرب (ليبية_منقولة)

الحلقة 66

#أحلام_يعرُب ((بين الحب والحرب))
#الحلقة_66((الفصل الثالث والثلاثون رصاصة في بيت النار2))
((دراما واقعية مقتبسة من أحداث حقيقية))
.
.
.
لايك قبل تقري ♥
.
.
.
«اللهم إن ضاقت الأحوال يوماً، أوسعها برحمتك، يا رب استودعتك دعواتي فبشرني بها من غير حول مني ولا قوة
استودعت الله مستقبلي، أحلامي، أمنياتي المنتظرة، نبض قلبي وقلب من أحب سعادتي، اللهم اجعل قادمي أجمل، وارزقني مستقبل يفوق جميع خططي وأمنياتي إنك على كل شيء قدير»
.
.
.
واقفة وترعش والباب انفتح بالشويا وبانت بنت من داخل الحوش 

ابتسمت احلام باقتضاب لما تعرفت على البنت اللي فتحت الباب اخت جازية اسمها غزالة  :  خير 

غزالة  :  اهلين

مدت يدها وسلمت عليها وكان التوتر بين الاثنين واضح

احلام  :  شن اخباركم

غزالة  :  الحمدالله بخير

حركت اعيونها في سور الحوش  :  جازية وباتي هنا

غزالة هزت راسها  :  اها.. تفضلي

وين جت بتخش طلعت مراة كبيرة من داخل الحوش  :  من ياغزيل

تلفتت غزالة على امها  :  هذي أحلام ربيبة جازية يامي

قدمت المراة من الباب وكان ليها رهبة خاصة بيها... من النساء اللي تكون واضح عليها الحزم والوعارة

عقدت حواجبها وشافت لاحلام  :  خير

حست بخوف ولكن قدمت منها وسلمت عليها  :  اهلين ياعمتي صالحة كيف حالك

وخرت عنها  :  سلم حالك الحمدالله.. شنو حالك وحال عربك

احلام  :  بخير الحمدالله

شافت لبرا وعقدت حواجبها الحادة  :  منو اللي معاك برا

تلفتت احلام وشافت ليعرب في السيارة  :  هذا راجلي ياعمتي

بحتت فيه صالحة زين ويعرب يشوفلها وملامحه جامدة وكله اهتمامه كان منصب على احلام وبس

صالحة بحدة  :  اااها هذا اللي حبس بنتنا

بلعت ريقها وحبت اتغير الموضوع  :  باتي وين... قالوا مريض ونبي انشوفه

صالحة  تلفتت على غزالة  :  امشي كلمي اختك فيسع

خشت غزالة وامها شافت لاحلام  :  باتك روح منك مريض بعد طردتيه من حوشك

حطت يدها على صدرها  بصدمة  :  أنا طردت باتي؟!!  امتى صار الكلام هذا

صالحة بعصبية  :  خلاص معاش تذكري توا.. ما مشلك لعند حوشك في البيضاء وطرده حماك

أحلام  :  مافيش منه الكلام هذا... باتي جاء يبي ياخذني وراجلي مريض ومش قاعد وماقدرتش نمشي معاه