أحلام يعرب (ليبية_منقولة)

الحلقة 55

#أحلام_يعرُب ((بين الحب والحرب))
#الحلقة_55 الفصل السابع والعشرون أشواك ناعمة 2))
((دراما واقعية مقتبسة من أحداث حقيقية))
.
.
.
لايك قبل تقري ♥
.
.
.
«اللهم إنك تعلم سري وعلانيتي فاقبل معذرتي، وتعلم حاجتي فاعطني سؤلي وتعلم ما في نفسي فاغفر لي ذنوبي اللهم اني أسألك ايماناً يباشر قلبي. ويقيننا صادقا حتى أعلم إنه لن يصيبني إلا ما كتبه علي والرضا بما قسمته لي يا ذا الجلال والإكرام»
.
.
.
مش فاهم شي.. ولا عنده اي تفاصيل
بس من واقع معرفته بيها.. قدر أن في مصيبة دايرتها من وراه
كان متوتر.. ومعصب.. ويمشي جاي وغادي.. وينتظر فيها ترد عليه

اما هيا تقريباً ماحستش بحجم الكارثة اللي دارتها لعند شافت رقمه يضرب عندها

حست بخوف.. وقلبها قريب وقف... بس بينها وبين نفسها كانت اتقول هذا التصرف من حقي... مادرتش حاجة غلط ومن حقي اندافع عن شريك حياتي باي طريقة ومانخليش اي بنت غيري تاخذه مني

ردت اخيراً بتردد  :  الو

وقف عن الحركة ورفع راسه  :  الو... اروى شن مدايرة انتي

هزت راسها  :  مادرت شي

عقد حواجبه  :  تي كيف مادرتي شي... متاكدة يافرخة

تكلمت بحدة  :  مادرت شي.. عليش شن في

جمال  بتهديد :  اروى اخر مرة بنسالك.. شن مقايلة ليقين انتي

رفعت حاجبها  :  ااااها.. كلماتك  تشكي هيا... بسم الله امتى لحقت بس توا كيف صكرت من عندها

انفرج فمه اشويا  :  يعني انتي صاح مكلمتها

اروى  :  اها كلمتها... شنو تبيني نتفرج عليكم وانتم تضحكوا عليا عيني عينك هكي

تكلم بعصبية  :  تي شن لبزتي بس شني... خيرك انتي شن صارلك

برغم خوفها تكلمت باصرار  :  ما لبزت شي... أنتا اللي قاعد تكذب عليا وتلبز من ورايا وتحسابني هبلة ومضحكة

جمال بغضب  :  غير امتى كدبت عليك بس  امتى

اروى  :  لما سألتك عن قصتك مع يقين... مشيت قتلي عشان موضوع سحر ما سحر مع صدام ومراته وحكيتلي قصة طويلة عريضة.. وعلى اساس خلاص وتبي تطلق واليوم مراة خوك مروحة مع راجلها لحوشها عادي

ضيق اعيونه   :  وانتي من وين تعرفي بكل هادا

اروى  :  شفتها منزلة حالة على الواتس وهيا في السيارة مع صدام مروحة معاه

جمال بعصبية  :  تمشي حضرتك ترفسي وتكلمي البنت اللي مادخلها بشي وتهزبيها

اروى مخنوقة   :  لا دخلها... والا ليش كنت تهدرز معها في الجامعة وتجري في جرتها وتتجدى فيها كان مش ديرتلك سريب

جمال  :  ماهو فهمتك يافرخة وحكيتلك كل شي خيرك ماتفهميش يامختشة

اروى  :  شن فهمتني جمال... القصة كلها طلعت كذب في كذب وابصر شن في بينكم