أحلام يعرب (ليبية_منقولة)

الحلقة 69

#أحلام_يعرُب ((بين الحب والحرب))
#الحلقة_69((الفصل الخامس والثلاثون زهرة الليلك 2))
((دراما واقعية مقتبسة من أحداث حقيقية))
.
.
.
لايك قبل تقري ♥
.
.
.
«اللهمّ لا تشمّت أعدائي بدائي، واجعل القرآن العظيم شفائي ودوائي، فأنا العليل وأنت المداوي، أنت ثقتي ورجائي، واجعل حسن ظنّي بك شفائي»
.
.
.
من شارع لشارع يلحق فيه ويحاول يوصل لعنده ولكن خوه كان طاير بالسيارة ويجري ومن خلال المسار اللي ماشي فيه قدر يتوقع وجهته

فعلاً وصل خلفه ولقى سيارته برا... نزل وتوجه للمحل.. كان خوه يتعارك مع صاحبه والصوت بينهم مرتفع

يتكلم بعصبية ويهدد  :  والله العظيم وديني ومانعبد لو ماتتكلم وتقول لمني عطيته بنهد ام المحل هادا فوق راسك

صاحب المحل  :  ياراجل بيش تفهم قتلك معاش تهددني واعلى مافي خليك اركبه

ضرب الكاصة بيده بغضب وعليها بضاعة معروض جت على الارض كلها 

وصاحب المحل طلع من وراء الكاصة وعلقوا في بعض

خش وقدم من خوه وشده  :  سيف بالشويا مش هكي.. خلونا نتكلموا بالعقل

تلفت عليه  : تي اي عقل ياراجل... هوا الموضوع خلى فينا عقل.. الاشكال هادي ماتفهمش الا بالضرب باش تتكلم

دف خوه وراه وفنص فيه  :  سيف بطل واهدا اشويا راهو المرة هادي أني اللي بنضربك... اسكت خيرلك

شاف لخوه زين.. وكان داهش وانفاسه مرتفعة  لوح بيده  :  اهو قدامك تفاهم معاه بالعقل ترا وريني كيف بديرها هادي

يعرب  :  اسكت بس وخليني نتفاهم معاه

حط ايديه على اجنابه.. ومشى بعيد عنه يحاول يلتقط انفاسه ويهدأ

وخوه تلفت على صاحب المحل  :  بالله ماعليش اعذرنا ياخوي.. الولد دمه فاير وماقدرش ايشد اعصابه

صاحب المحل  :  تي غير كان خش بالشويا وفهمنا شن يبي قبل بدال ماطاح فيه تهزيب وتهديد راه ماحد واحل فيه الجو هذا

يعرب  :  قوتلك ماعليش واعذرنا... وبعدين الغلط راهو منكم بالاساس وهذا اللي خلاه فصل عليك

رفع حاجب  :  اي غلط اللي درناه.. الكاميرا خاصة بالمحل واي شي مصور فيها خاص بينا ونحنا احرار بيه

يعرب بحدة  :  لا مش احرار.. ومش من حقك تتصرف فيه من راسك

صاحب المحل بعصبية  :  ياخوي قبل قلت انك اعقل من خوك وتفهم لكن شكلكم شر من بعضكم

سيف رجع لعنده ويعرب شده  :  تي حول اطلقني عليه نكفخه هادا مايبيش العقل اللي تدوي بيه

يعرب دفه بغضب  :  ياراجل  لو على الضرب مانيش واحل فيه.. راني مديت يده عليه طول.. اصبر وخليك ساكت خيرلك ياسيف ماتعصبنيش تربح