أحلام يعرب (ليبية_منقولة)

الحلقة 73

#أحلام_يعرُب ((بين الحب والحرب))
#الحلقة_73((الفصل الثامن والثلاثين انقلاب الموازين))
((دراما واقعية مقتبسة من أحداث حقيقية))
.
.
.
لايك قبل تقري ♥
.
.
.
«الحمد لله ربّ العالمين، يُحب من دعاه خفيًا، ويُجيب من ناداه نجيًّا، ويزيدُ من كان منه حيِيًّا، ويكرم من كان له وفيًّا، ويهدي من كان صادق الوعد رضيًّا. الحمد لله ربّ العالمين، الّذي أحصى كلّ شيء عددًا، وجعل لكلّ شيء أمدًا، ولا يُشرك في حُكمهِ أحدًا، وخلق الجِن وجعلهم طرائِق قِددا»
.
.
.
قربت منهم... وكان في جنبها مراة كبيرة اشوي تبان زي أمها

سلمت على المحامي  :  كيف حالك يا أستاذ

المحامي  :  الحمدالله.. شن اخبارك انتي.. مستعدة

شافت لامها وضغطت على يدها  :  أكيد.. مادام أمي في جنبي وأنا مش خايفة من حد

امها حطت يدها الثانية على كتف بنتها وربتت عليه

المحامي موجه كلامه للبنت  :  هذا الاستاذ يعرب... اخ زوجة عزالدين واللي متكفل بقضيتها

شاف بعدين ليعرب  :  الاخت هذه طالبة في الجامعة وكانت تعرف عزالدين من قبل

شاف لبنت وهز رأسه  :  اهلين

البنت  : اهلين بيك

المحامي  :  الاخ كان خاطبها من أمها وعلى اساس يبي يتزوجها... وبعدين طلع نذل ورخى بيها

رفع حاجبه وشافلها مش فاهم

البنت  منحرجة بدت تشرح وتبرر :  كان مفهمني أن بيجي يخطب رسمي ويقرأ فاتحة وبعدين سمعت انه خطب ولما واجهته قعد يتحلف ويتقطع ويقولي مافيش منها الدوة هذه ومش عارفة شنو... وأستمر الوضع بينا مرة هكي ومرة هكي.. لعند عرفت أنه تزوج وساعتها معاش قدر ينكر ولما قعدت انقوله ليش ضحكت عليا وعشمتني قعد يهدد فيا وخوفني..  وأنا بنت يتيمة ماعنديش الا أمي وخفت ايدير فيا حاجة او في أمي.. وخرت وكلت ربي عليه وخلاص

المحامي  مكمل كلامها  :  ولما عرفت بالقضية المرفوعة عليه... تشجعت وجت عشان تشهد معنا

يعرب  :  لا حول ولا قوة الا بالله... أنسان تافه وحقير

المحامي  :  مش تافه وبس... مازال لما تعرف بالبلاوي اللي دايرهم شن تبي تقول عليه

يعرب  :  في اكتر من هكي؟!!

المحامي  :  توا لما انخشوا للجسلة وتسمع بروحك حاتفهم قصدي

امها بخوف  :  اهم شي عندي بنتي مانبيش حاجة تضرها والا يصيرلها اي شي ماعنديش الا هي وخايفة عليها

المحامي  :  اطمني ياحاجة بنتك مش شورها شي وماحد يقدر يضرها بأذن الله وبتاخذ حقها من الوسخ هذا

أمها  :  مانبوش منه شي.. غير يخليها في حالها ومايجيش شورها مرة اخرى

يعرب قرب من المحامي وخذاه على جنب  :  شهادتها حاتفيد القضية والا شنو