Part 17
သူမအိမ်ထဲဝင်လာသည့်နှင့် ပင်မခန်းမမှ သူမ၏ဒုတိယမရီးနှင့် အဖွားကြီးဟန်တို့ လျှောက်လာသောအသံအား ကြားလိုက်ရသည်။
ဟန်မိသားစု၏ ဒုတိယမရီးမှာ ဒေါသထွက်နေသည်။
" တပ်မဟာရုံးချုပ်ကနေ ပိုက်ဆံချေးပြီး ဆေးရုံသွားတဲ့သူရယ်လို့ ဘာလို့များရှိရတာလဲ...သူမကလေးကို အကြောင်းပြပြီး သူမအတွက်သူမသုံးလိုက်တာဟုတ်မဟုတ် ငါတို့ဘယ်လိုသိမှာလဲ... အစကတည်းက သူမကလေးတွေကို ဆရာဝန်သွားပြပြီး ဂရုစိုက်ခဲ့လေ... အခုမှလာပြီး ဂရုစိုက်ပြနေတာ..."
ပိုက်ဆံများကို အဖွားကြီးဟန်တစ်ဦးတည်းကသာ စီမံခန့်ခွဲသည်_ ငွေကြေးတစ်ပြားနှစ်ပြားကအစ အဖွားကြီးဟန်ပေးမှသာ ရတတ်သည်။ ဒတိယမရီးသည် သူမကိုယ်တိုင် ပိုက်ဆံတစ်ပြားမှ မကိုင်နိုင်ချိန်တွင် လင်းလန်က တပ်မဟာဝင်းထိသွားချေးခဲ့ပြီး သုံးခဲ့သည့်အတွက် မကျေမနပ်ဒေါသထွက်နေခြင်းဖြစ်သည်။
အရှက်မရှိလိုက်တာ!
အလုပ်မလုပ်ချင်လို့ ပိုးသတ်ဆေးသောက်ပြီး သတ်သေချင်ယောင်ဆောင်တယ်... ပြဿနာကအဲ့မှာထင်မပြီးသေးဘဲ ပိုက်ဆံပါသွားချေးလိုက်သေးတယ်... သူမ ဘာကြောင့် အဲ့လောက်အရှက်မရှိရတာလဲ...
အဖွားကြီးဟန်လည်း ဒေါသအရမ်းထွက်နေခဲ့သည်။ သို့သော် အဖိုးကြီးဟန်က သူမကို ချော့ထားသည့်အတွက် သူမဒေါသအတော်များများ လျော့သွားခြင်းဖြစ်သည်။ အဖိုးကြီးက ရှောင်ဝမ့်၏ရောဂါကို အခုမဟုတ်လည်းနောက်ခါ ကုပေးရမည်ဖြစ်သည့်အတွက် စိတ်လျှော့ရန် ဖျောင်းဖြသည်။ ထိုသို့မှမဟုတ်လျှင် သူတို့မကောင်းပြောခံရလိမ့်မည်ဖြစ်သည်။
သူမသည် ကုသစရိတ်အတွက် ငါးဒေါ်လာယူသွားသော်လည်း လုံးဝပျောက်ကင်းအောင် ကုသနိုင်မည်မဟုတ်ချေ။ ထိုသို့နှင့် တတိယမိသားစုလည်းအလျော့ပေးပြီး နောက်အခါ ထိုအကြောင်းနှင့်ပတ်သက်၍ စောဒကတက်ခြင်းလည်း ပျောက်သွားလိမ့်မည်။
အဖွားကြီးဟန်လည်း သူမခေါင်းထဲတွင် ထိုအကြောင်းအား တွေးထားပြီးဖြစ်သည် _
သူမသည် ကြွက်စုတ်နှင့်တော့ ဖက်ပြီးရန်ဖြစ်မှာမဟုတ်... အဘယ်ကြောင့်ဆို ရှောင်ဝမ်လည်း သူမမြေးပင်ဖြစ်သည့်အတွက်ဖြစ်သည်။
ВЫ ЧИТАЕТЕ
၇၀ခုနှစ်များဆီမှစည်းကမ်းကြီးသည့်ဇနီးသည်
Художественная прозаTitle - Strict Wife of the '70s Manages the Household 💥Description လင်းလန် နိုးလာချိန်တွင် သူမသည် ပိုးသတ်ဆေးသောက်ထားသည့် အိမ်ထောင်ရှင်မတစ်ဦး၏ ကိုယ်ထဲသို့ ကူးပြောင်းသွားသည်ကို သိလိုက်ရသည်။ မူလကိုယ်သည် သူမခင်ပွန်း၏ ကောင်းမွန်သည့်အနာဂတ်ကို ဖျက်စီးလိ...
