Part 134
ဟန်ချင်စုန့်က လင်းလန်ကိုတစ်ဖန်ပြန်မော့ကြည့်လိုက်ပြီး သူ့နှလုံးသားထဲ၌ ထူးဆန်းသောခံစားချက်တစ်ခုပေါ်လာသည် ။ နောက်ဆုံးအကြိမ်က လင်းလန်သူ၏ ပါးကိုနမ်းခဲ့သည်အားတွေးမိကာ ရုတ်တရက် ရှက်လာ၍ စောင်ကိုသာ ပြန်ကိုင်ချုပ်နေရသည် ။
စာကျက်နေသော လင်းလန်၏ အသံမှာစည်းချက်ညီညာ၍ သူမခေါင်းကိုခါယမ်းလိုက်တိုင်း လှပသိမ့်မွေ့သောမိန်းမပျိုလေး၏ လည်တိုင်လေးမှာလှစ်ဟထားသကဲ့သို့ပင် ဆွဲဆောင်မူရှိနေသည် ။
ဟန်ချင်စုန့်အနေဖြင့် မည်သည့်နည်းနှင့်မျှ စောင်ဆက်မချုပ်နိုင်တော့ပါချေ ။
" ကိုယ်မင်းကို ဘယ်လိုစာရေးရမလဲသင်ပေးမယ် "
ဟန်ချင်စုန့်၏ နားရွက်များမှာမထိန်းချုပ်နိုင်စွာပင်နီရဲနေသည်အား လင်းလန်တွေ့၍ စနောက်သောအနေဖြင့် ယပ်တောင်နှင့်လှမ်းပုတ်ရင်းပြောလိုက်သည် ။
" မရဘူးလေ...ရှင်ကအခုစောင်ချုပ်နေတာမဟုတ်ဘူးလား "
စောင်ချုပ်ခြင်းလုပ်ငန်းစဥ်မှာ အလွန်ပင်ပန်းကြောင်းလင်းလန်သတိထားမိသည် ။ ဟန်ချင်စုန့် ကအရမ်းအာရုံစိုက်နေရ၍ သူ၏နဖူးနှင့်နှာတံတစ်လျှောက်တွင်ပင် ချွေးများစီးကျနေသည် ။
အဓိကအချက်မှာ ဟန်ချင်စုန့်စာရေးသင်ပေးသည်အား သူမမခံလိုပေ ။ သူမ၏လက်ရေးက သူ့ထက်များစွာသာလွန်သောကြောင့် ဟန်ချင်စုန့် စိတ်ဓာတ်ကျသွားမည်အား မမြင်လိုချေ ။
ထို့အပြင် ဟန်ချင်စုန့် ကအလွန်အကဲဆတ်သောသူဖြစ်၍ သူမအားသံသယဖြစ်စေမည့် အသေးအမွှားသဲလွန်စလေးကိုပင် မပေးချင်ပေ ။
ဟန်ချင်စုန့် ထံမှစာလုံးများနှင့် အသံထွက်များကိုပါသင်ယူရန်လိုအပ်ပြီး ကလေးများကျောင်းတက်သည့်အခါ သူတို့ထံမှ စာရေးနည်းသင်ယူခဲ့သည်ဟု အကြောင်းပြချက်ပေး၍ဖြေရှင်းနိုင်သည် ။
ဟီး...ဟီး..
အဖွားကြီးဟန်က ယုဝူဇီနှင့်အတူခြံဝန်လေးထဲသို့ ကျယ်လောင်စွာအော်ရင်းဝင်လာသည်။
" တတိယလေး...တတိယလေး..."
ဟန်ချင်စုန့်က သူ၏အမေအော်သံအားကြား၍ အနွေးကုတင်ပေါ်မှအမြန်ထကာ လင်းလန်နှင့်အတူအိမ်ရှေ့သို့ထွက်လာသည် ။ လင်းလန်က သေချာပေါက် ကိစ္စတစ်ခုခုဖြစ်တော့မည်ဟု အာရုံရနေသောကြောင့် ပြောလိုက်သည် ။
YOU ARE READING
၇၀ခုနှစ်များဆီမှစည်းကမ်းကြီးသည့်ဇနီးသည်
General FictionTitle - Strict Wife of the '70s Manages the Household 💥Description လင်းလန် နိုးလာချိန်တွင် သူမသည် ပိုးသတ်ဆေးသောက်ထားသည့် အိမ်ထောင်ရှင်မတစ်ဦး၏ ကိုယ်ထဲသို့ ကူးပြောင်းသွားသည်ကို သိလိုက်ရသည်။ မူလကိုယ်သည် သူမခင်ပွန်း၏ ကောင်းမွန်သည့်အနာဂတ်ကို ဖျက်စီးလိ...
