Part 133
အစားအစာတွေအပြင် ဆီကိုပါဝယ်လို့ရတော့မယ်!
အလူမီနီယံ သေတ္တာလေးအားမလိုက်သောအခါ သူမခါးပင်ကျိုးတော့မည်လားမှတ်ရသည် ။
ဘာလို့ဒီလောက် လေးနေရတာလဲ?
အထဲမှာရွှေတုံးတွေများလား?
သေတ္တာလေးအားဖွင့်လိုက်သောအခါတွင် သူမ၏မျက်လုံးများပင် ကန်းလုနီးနီးဖြစ်သွားရသည် ။
များလိုက်တဲ့ ဂုဏ်ပြုတံဆိပ်တွေ !
ပထမအဆင့် ၊ ဒုတိယအဆင့် ၊ တတိယအဆင့် ။ ဂုဏ်ပြုဆုတံဆပ်အပြည့်နဲ့ နေ့လည်စာဘူးကြီး!
သူမကတစ်ခုချင်းစီ စေ့စေ့စပ်စပ်ကြည့်ရူပြီးသည့်နောက် ဟန်ချင်စုန့် မည်မျှကြိုးစားခဲမှန်းသတိပြုမိလာသည် ။
သူမက ဟန်ချင်စုန့် အားလှည့်မကြည့်ဘဲမနေနိုင်တော့ချေ ။
သူမ၏အကြည့်များအား ခံစားမိပုံရသဖြင့် ဟန်ချင်စုန့်ကငဲ့စောင်းကြည့်လာသည် ။ ရွှေအိုရောင်နေခြည်က သူ၏မျက်နှာနှင့်ခန္ဓာကိုယ်ပေါ်သို့ လင်းလက်စွာဖြာကျနေသည် ။ မျက်ခုံတန်းများအပြင် စေ့စပ်သောနူတ်ခမ်းနှင့် တိကျသောမေးရိုးတို့မှာ သန်မာသောယောက်ျားသားပုံစံအားဖော်ကျူးနေသည် ။
ဟန်ချင်စုန့်က သူမအားတစ်စုံတစ်ခုပြောလိုသော်ပုံစံဖြစ်နေသော်လည်း လင်းလန်က ခေါင်းငုံ့သွားသောကြောင့်မပြောလိုက်ရချေ ။ သူမ လွယ်အိတ်ကိုသာ ဆက်လက်မွှေနှောက်နေသည် ။ အနီရောင်ရတနာစာအုပ်များနှင့် လက်ဖဝါးအရွယ်မှတ်စုတစ်အုပ်အားတွေ့လိုက်ရပြီး ထိုထဲမှစာတစ်စောင်လျှောကျလာသည် ။
ထိုစာပေါ်တွင် ပေးပို့သောလိပ်စာအပြင် လက်ခံမည့်လိပ်စာလည်းမပါရှိချေ ။ ဤကဲ့သို့စာမျိုးမှာ သေချာပေါက်အမည်မသိ တိုင်ကြားစာမျိုးပင်ဖြစ်မည် ။
သူစိတ်ဝင်တစားဖတ်ရူလိုက်သောအခါ အလွန်အံ့သြသွားရသည် ။ စာပါအကြောင်းအရာမှာ ဟန်ချင်စုန့်က အမျိုးသမီးတစ်ယောက်နှင့်တိတ်တိတ်ပုန်း ပွေရူပ်နေသောကြောင့် အရာရှိဖြစ်ရန်မသင့်လျှော်ဟုသော အခြေအမြစ်မရှိသည့်စွပ်စွဲစာဖြစ်သည် ။
YOU ARE READING
၇၀ခုနှစ်များဆီမှစည်းကမ်းကြီးသည့်ဇနီးသည်
General FictionTitle - Strict Wife of the '70s Manages the Household 💥Description လင်းလန် နိုးလာချိန်တွင် သူမသည် ပိုးသတ်ဆေးသောက်ထားသည့် အိမ်ထောင်ရှင်မတစ်ဦး၏ ကိုယ်ထဲသို့ ကူးပြောင်းသွားသည်ကို သိလိုက်ရသည်။ မူလကိုယ်သည် သူမခင်ပွန်း၏ ကောင်းမွန်သည့်အနာဂတ်ကို ဖျက်စီးလိ...
