Part 84
ယခုခေတ်ကာလ၏ ဆောင်းတွင်ဝတ်ဆင်ကြပုံမှာ ချည်သားရှပ်နှင့် ဝါဂွမ်းခံကာချုပ်ထားသည့် အနွေးထည်များဖြစ်သည် ။ ချည်သားရှပ်ပေါ်တွင် ဝါဂွမ်းအနွေးထည်ကိုဝတ်ဆင်ခြင်းသည် သက်တောင့်သက်သာရှိပြီး ရာသီဥတုနှင့်လည်းကိုက်ညီလေသည် ။ အနည်ငယ်ပူနွေးနေသည့်အချိန်တွင် အနွေးထည်ကိုချွတ်ကာ ရှပ်အကျီဖြင့်သာသက်တောင့်သက်သာနေနိုင်သည် ။
ထိုကဲ့သို့စဥ်းစားလိုက်သည့်အခါ လင်းလန်သည် သူမတွင် ဝါဂွမ်းများလုံလောက်လောက်မရှိကြောင်းတွေးမိသွားသည် ။ ယခုအချိန်တွင်တော့ အဝတ်လျှော်ရန်အတွက် အဝတ်များထဲမှဝါဂွမ်းများအား ထုတ်ယူလိုက်ရသည် ။သို့သော်လည်း သူမ၏ကလေးများအတွက် ဆောင်းတွင်းအဝတ်များလုံလောက်အောင် ချုပ်ပေးနေချင်ဆဲဖြစ်ကာ ဆောင်းတွင်းတွက် နွေးထွေးစွာဖြတ်သန်းစေချင်သည် ။
ကလေးတစ်သိုက်အား ဆောင်းတွင်းတွင်ရေချိုးမှန်စေရန်အတွက်လည်း သူမစဥ်းစားရဦးမည်ဖြစ်ကာ သုံးလေးလ လုံးရေမချိုးရ၍တော့မဖြစ်ပေ ။ လျှော်ဖွတ်ပြီး သည့်နောက်တွင် အဝတ်လှန်းကာ အကျီအသစ်များချုပ်ရန်စတင်ခဲ့သည် ။
အချိန်အနည်းငယ် အတွင်းမှာတင် လင်းလန်၏အမေမွေးနေ့သို့ရောက်လာပြီဖြစ်ကာ ရှောင်ဝမ် ကိုခေါ်ပြီးမိဘအိမ်သို့မပြန်ခင် ပြင်ဆင်စရာရှိသည်များကိုပြင်ဆင်ခဲ့သည် ။ ဟန်ချင်စုန့် သည်လင်လန်ဖောင်းကားနေသည့်ဘေးလွယ်အိတ်တစ်လုံးအား လွယ်ထားပြီး အသစ်ဝယ်လာသည့် ခြင်းတောင်းကို ယူလိုက်သည့်အားတွေ့လိုက်ရသည် ။ ခြင်းတောင်းတစ်လုံးသည် မွေးနေ့လိုက်ဆောင်အဖြစ်သင့်တော်သည်ဟု သူမထင်မိပေ ။
လင်းလန်၏ ဘေးလွယ်အိတ်ထဲတွင် ပန်ကိတ်များအပြင် သကြားလုံးများကလွဲ၍ဘာမှမပါတော့ပေ ။ ခြင်းတောင်းအလွတ်ထဲသို့ သခွားသီးအနည်းငယ်နှင့် တည်သီးတချို့ကိုထည့်လိုက်ကာ ပြင်ဆင်ပြီးပြီဖြစ်၍ ဟန်ချင်စုန့်အားပြောလိုက်သည် ။
" ကျွန်မနေ့လည်ကျော်လို့မှ ပြန်မရောက်သေးရင် မိုင့်စွေ့နဲ့အားဝမ်က ဟင်းပြန်နွှေးပေးလိမ့်မယ် စားလို့အဆင်ပြေလား "
YOU ARE READING
၇၀ခုနှစ်များဆီမှစည်းကမ်းကြီးသည့်ဇနီးသည်
General FictionTitle - Strict Wife of the '70s Manages the Household 💥Description လင်းလန် နိုးလာချိန်တွင် သူမသည် ပိုးသတ်ဆေးသောက်ထားသည့် အိမ်ထောင်ရှင်မတစ်ဦး၏ ကိုယ်ထဲသို့ ကူးပြောင်းသွားသည်ကို သိလိုက်ရသည်။ မူလကိုယ်သည် သူမခင်ပွန်း၏ ကောင်းမွန်သည့်အနာဂတ်ကို ဖျက်စီးလိ...