Part 118
ထို့ကြောင့် ဟန်ချင်စုန့်လည်း ဘေးဘက်သို့လျှောက်သွားလိုက်ပြီး နံရံ၏ထုထည်ကိုတိုင်းတာရန် လျာလိုက်စဥ်တွင် တစ်ချို့တစ်ဝက် ပြိုကျနေသည်ကို သတိထားမိလိုက်သည်။ သူ၏မသိစိတ်ထဲမှ သူခိုးလက်ချက်ဖြစ်ရမည်ဟု အလိုအလျောက်သံသယဝင်လိုက်သည်။
သို့သော် မည်သည့်နေရာမှာမှ ဘာအသံမှမကြားရချေ။ ဧကန္တ ဒီရက်ပိုင်း မိုးအဆက်မပြတ်ရွာနေခဲ့လို့ ရွှံ့နံရံက ဒဏ်မခံနိုင်တော့တာများလား...
ထိုသို့နှင့် နံရံကိုကျော်ဖြတ်ပြီး ခြံဝင်းထဲသို့ တည့်တည့်ဝင်သွားသည်။ မည်သည့်သံသယဖြစ်စရာအသံမှလည်း မကြားရသလို အိမ်သည်လည်း သူခိုးဝင်ထားသည့်အရိပ်အယောင်မရှိမှန်း သိလိုက်သဖြင့် နောက်ဖေးတံခါးပေါက်ကို သွားခေါက်လိုက်သည်။
ထိုအချိန်၌ ကျောက်ကျန့်ရှယ်နှင့်ခပ်ပိန်ပိန်လူမှာ အမှောင်ထဲတွင်ပုန်းနေရပြီး အသက်ပင်ရဲရဲမရှူရဲကြချေ။ သူတို့အခုချိန်နောက်ဆုတ်လိုက်လျှင် နောက်ဖြစ်လာမည့် အခြေအနေဆိုးများကို ရင်ဆိုင်စရာမလိုတော့ပေ။ မည်သို့ပင်ဆိုစေ အတွေ့ခံရတော့မည့်ဆဲဆဲတွင် သူခိုးများ လက်ရှောင်ကြစမြဲသာ _ ဘယ်သူကများ ဒီအတိုင်းနေပြီး လူမိခံမှာတဲ့လဲ...
သို့သော် ကျောက်ကျန့်ရှယ်၏ ယုတ္တိတန်သောအတွေးတစ်ရပ်မှာ ယွမ်၁၅၀၀အောက်တွင် ဆုံးဆုံးနှစ်မြှုပ်ပျောက်ကွယ်သွားတော့သည်။
သူသည် သူတို့၏ "လုပ်ဖော်ကိုင်ဖက်အသစ်လေး" ကို ရုပ်ပိုင်းဆိုင်ရာအရ ကောင်းကောင်းမွန်မွန်နှုတ်ဆက်လိုက်ချင်သဖြင့် နီးစပ်ရာ သစ်သားချောင်းတစ်ချောင်းကို မြန်မြန်ကောက်ကိုင်လိုက်သည်။
ဟန်ချင်စုန့်၏ အကြားအာရုံမှာ ထင်ထားသည်ထက် ပိုမိုအားကောင်းနေရာ အမှောင်ထဲမှ တစ်ခုခုကောက်ယူသည့်အသံသေးသေးလေး၏တည်နေရာကို ချက်ချင်းသိသွားခဲ့သည်။ သူ့ခြေထောက်ကိုမြှောက်လိုက်ပြီး အမှောင်ထဲသို့ ကန်လိုက်သည်_
ကန်ချက်မှာ အားပြင်းလွန်းသဖြင့် ကျောက်ကျန့်ရှယ် စိတ်ပြောင်းသွားပြီး ချက်ချင်းအော်ပြောလိုက်သည်။
YOU ARE READING
၇၀ခုနှစ်များဆီမှစည်းကမ်းကြီးသည့်ဇနီးသည်
General FictionTitle - Strict Wife of the '70s Manages the Household 💥Description လင်းလန် နိုးလာချိန်တွင် သူမသည် ပိုးသတ်ဆေးသောက်ထားသည့် အိမ်ထောင်ရှင်မတစ်ဦး၏ ကိုယ်ထဲသို့ ကူးပြောင်းသွားသည်ကို သိလိုက်ရသည်။ မူလကိုယ်သည် သူမခင်ပွန်း၏ ကောင်းမွန်သည့်အနာဂတ်ကို ဖျက်စီးလိ...
