PART 129
တဝမ်သည် ငယ်ငယ်ရွယ်ရွယ်နှင့် စဥ်းစားတတ်သူဖြစ်မှန်း လင်းလန်တွေးနေမိသည်။
" တဝမ် တဝမ် မင်းစားပြီးပြီလား.. ထွက်လာတော့ သူတို့အကုန်လုံးမင်းကို ဟိုမှာ စောင့်နေကြပြီ..."
တဝမ်က ခြင်းတောင်းဆွဲ၍ အိမ်ပေါ်မှ ခုန်ဆင်းပြီး ပြေးထွက်သွားတော့သည်။
မင်းကို လိမ္မာလာပြီလို့ ငါတွေးနေခဲ့တာ အခုတော့ ကလေးတွေနဲ့ ကစားဖို့ အိမ်ပေါ်ကနေခုန်ဆင်းပြီး ထွက်သွားတယ်...
သို့သော် ထိုကလေးသည် ယခင်ကထက် ပိုလိမ္မာခဲ့ခြင်းဖြစ်သည်။ သူသည် နေ့တစ်ဝက်လောက် ကစားတတ်သော်လည်း မြက်ရိတ်သည့်အလုပ်တော့ ဘယ်တော့မှ မပျက်ကွက်ခဲ့ပေ။ သူ၏ပုံစံသည်လည်း လျှို့ဝှက်တတ်သူဖြစ်သဖြင့် ထိုကလေးများနှင့် မည်သို့မည်ပုံ ကစားကြမှန်း လင်းလန် မတွေးတတ်ချေ။
အိုက်ယား... ဒီအမေက အဲ့လောက်သြဇာမညောင်းတော့ဘူး... သူ့အဖေပြန်လာတော့မှ ဆုံးမခိုင်းရမယ်...
တဝမ်ထွက်သွားပြီးပြီးချင်း ဟန်ချင်စုန့်ပြန်ရောက်လာသည်။ စန်းဝမ်က သူကျောင်းသွားဖို့အတွက်ငယ်သေးကြောင်း စသဖြင့် ဘေးမှတကောက်ကောက်လိုက်၍ အကြောင်းပြချက်မျိုးစုံကို သူ့အဖေအား ပြောပြနေသည်။
ဟန်ချင်စုန့် : " မင်းတို့မားမားက အိမ်ရဲ့ နောက်ဆုံးပြောရေးဆိုခွင့်ရှိသူပဲ..."
စန်းဝမ်၏ခြေလှမ်းများ တုံ့ဆိုင်းသွားသည်။
လင်းလန်က သူ့ကိုနှုတ်ဆက်လိုက်ပြီး ထမင်းစားရန်ပြောလိုက်သည်။
သူ့တို့အဖေအိမ်ပြန်ရောက်လာသဖြင့် ကလေးများသည် ရုတ်တရက် မလှုပ်သာသောဖိအားအောက် အလိုလိုရောက်သွားကြသည်။ သူတို့အားလုံး အစားအသောက်ကို မြန်မြန်ပြီးအောင်စားလိုက်ကြပြီး သူ့တို့အလုပ်သူတို့လုပ်ရန် အလျှိုလျှိုထွက်သွားကြတော့သည်။
ယနေ့ရာသီဥတုမှာ အေးသဖြင့် လင်းလန်လည်း စန်းဝမ်ရေထဲမဆင်းလောက်ဟု ထင်လိုက်ကာ သူမ သူ့ကို မျက်ကွယ်ပြုလိုက်သည်။ စန်းဝမ်က အားဝမ်သည် သူတို့အစ်ကိုကြီးလောက် ပျော်ဖို့မကောင်းသည့်အပြင် အနည်းငယ်ဆရာကြီးလုပ်တတ်သည်ဟု ထင်သဖြင့် လင်းလန်သူ့ဘက်ခေါင်းမလှည့်ချိန်၌ ချက်ချင်းပြေးထွက်သွားသည်။
YOU ARE READING
၇၀ခုနှစ်များဆီမှစည်းကမ်းကြီးသည့်ဇနီးသည်
General FictionTitle - Strict Wife of the '70s Manages the Household 💥Description လင်းလန် နိုးလာချိန်တွင် သူမသည် ပိုးသတ်ဆေးသောက်ထားသည့် အိမ်ထောင်ရှင်မတစ်ဦး၏ ကိုယ်ထဲသို့ ကူးပြောင်းသွားသည်ကို သိလိုက်ရသည်။ မူလကိုယ်သည် သူမခင်ပွန်း၏ ကောင်းမွန်သည့်အနာဂတ်ကို ဖျက်စီးလိ...
