part 135
အဖွားကြီးဟန်က ချက်ချင်းပင်အခွင့်ကောင်းဝင်ယူတော့သည် ။
" ဟုတ်တယ် တတိယလေးမင်းရဲ့ဇနီးကလဲဝင်ပြောပေးနေတာဘဲ သူမလဲစိတ်မဆိုးတော့ဘူးတွေ့လား "
ဟန်ချင်စုန့်က အာဏာအလွဲသုံးစား လုပ်၍ထုတ်မပေးချင်ချေ ။
" နိုင်ငံတော်မှာ နိုင်ငံတော်ရဲ့ဥပဒေရှိပြီး တပ်မတော်မှာ စစ်ဘက်ဆိုင်ရာစည်းကမ်းတွေရှိတယ် ဘယ်သူမှ ကိုယ်ရေးကိုယ်တာစီးပွားရေးအတွက် ဥပဒေကိုမျက်ကွယ်ပြုပြီး လာဘ်ပေးလာဘ်ယူလုပ်လို့မဖြစ်ဘူး ဒါတွေကပြည်သူ့ဝန်ထမ်းတစ်ယောက်သိသင့်တဲ့အခြေခံအချက်တွေဘဲ ချိုးဖောက်ခဲ့ရင် ဘယ်လောက်ဘဲရာထူးကြီးနေပါစေ သေချာပေါက်အရေးယူခံရလိမ့်မယ် "
အဖွားကြီးဟန်က တစ်ခုခုပြောလိုသောပုံစံဖြင့် ပါးစပ်ဟလိုက်ပါသော်လည်း မည်သို့ဆက်လက်ပြောဆိုရမည်မသိချေ ။ ဟန်ချင်စုန့် သူမစကားအားနားမထောင်သောကြောင့် ပြစ်တင်ပြောဆိုချင်သော်လည်း သူမကသာ လူအများရှေ့၌ ဥပဒေချိုးဖောက်ရန်တိုက်တွန်းပြောဆိုသောသူဖြစ်နေသည် ။
ယုဝူဇီ ကလည်း ခေါင်းဆောင် တစ်ယောက်ဖြစ်ရက်နှင့် သူ၏သွေးသားရင်းနှင့် တစ်ရွာတည်းသားချင်းကိုပင် မကူညီဟုအော်ဟစ်နေဆဲပင် ။
ဟန်ချင်စုန့်၏ မျက်နှာထားမှာဒေါသထွက်လွန်း၍ အလွန်အေးစက်နေပြီဖြစ်သည် ။
" ခင်ဗျားတို့ဘဲ ခေါင်းဆောင် ဝင်လုပ်လိုက်ကြပါတော့လား "
" နင်...နင်...ဘာလို့ဒီလိုပြောရတာလဲ "
ဟန်ချင်စုန့်က မျက်ခုံးတစ်ချက်ပင့်ကာပြောလိုက်သည်
" အတည်ပြောနေတာလေ "
လင်းလန်က အကျယ်ကြီးအော်ရီချင်စိတ်ကို မနည်းထိန်းချုပ်ထားရသည် ။
သူတို့က ဟန်ချင်စုန့်လို လူမျိုးနဲ့လာရူပ်ချင်ကြတာပေါ့လေ!
ပွဲကြီးပွဲကောင်းကြည့်ရတော့မှာဘဲ...
ထိုအချိန်တွင် လုံခြုံရေးညွှန်ကြားရေးမူးလည်း ကွန်မြူနတီမှပြန်ရောက်လာပြီး လူအုပ်ကြီးအယးတွေ့၍မေးမြန်းရန်ရောက်လာသည် ။
ESTÀS LLEGINT
၇၀ခုနှစ်များဆီမှစည်းကမ်းကြီးသည့်ဇနီးသည်
FiccióTitle - Strict Wife of the '70s Manages the Household 💥Description လင်းလန် နိုးလာချိန်တွင် သူမသည် ပိုးသတ်ဆေးသောက်ထားသည့် အိမ်ထောင်ရှင်မတစ်ဦး၏ ကိုယ်ထဲသို့ ကူးပြောင်းသွားသည်ကို သိလိုက်ရသည်။ မူလကိုယ်သည် သူမခင်ပွန်း၏ ကောင်းမွန်သည့်အနာဂတ်ကို ဖျက်စီးလိ...
